(C+後記請見Comments)
週一晚上，收到「禮服蒙面俠」 (Mr. Z) 傳來的文章，C+大怒，即時以電郵開火．
「做乜Send比我？講左星期五我會出篇預言，估你講乜先家嘛！我實忍唔住偷睇啦而家．哼哼哼！」
禮服蒙面俠沙塵地回一句 「Your rules not mine loh!」
C: 「點解你咁衰，要破壞我定嘅規矩？」
Z: 「C小姐，妳話已經寫咗篇文，估我寫妳嘅三點．但又唔披露得俾我知，只會同步登出。雖然妳用英文 three points，但我諗黎諗去，點解只係三點，而唔係三點式？又點解唔係兩點或四點呢？」
C: 「喂正經d啦，我咁有誠意請你寫文….嗚～」
Z: 「咁我好正經地做個比喻：錢鍾書太太楊絳細個時，有位勞神父解釋伊甸園故事，話亞當夏娃受不住誘惑，食左禁果；之後勞神父送左一盒野俾楊絳，叫佢千祈唔好係回家途中打開。楊絳望住盒禮物一整日，返到屋企仲要拆開十幾層花紙，先見到一盒美味朱古力，之後仲要送俾父母。雖然只係短短一日，但佢經歷嘅內心掙扎，可想而知．
而妳要我等幾日先知妳有幾了解我！? Better kill YOUR FUN right here right now! 」
C: 「OK，當我自己拎黎衰啦．但由於時間關係，而你篇文又實在太爛，麻煩快d入正題好嘛？」
Z: 「講妳…有d難度，尤其我完全唔了解妳．從網上睇咪一個性格鮮明嘅女子、好多古靈精怪主意、又highly opinionated、吱吱喳喳多多意見、同埋quick-tempered囉．之後發現妳原來係獅子座，咁no wonder la！
唯一睇極都唔明．《宅女》或 《宅性不改》點解？不過，網上personna根本係虛幻不實，只係我地希望人地點認識自己，疑真似假，耐人尋味！」
C: 「車，呢D唔洗你講啦．講見面之後啦！」
Z: 「我覺得性格剛烈嘅背後，隱匿著無限嘅温情．你就好似披着獅子皮嘅貓仔，扮完魚蝦蟹之後，又會用温柔嘅眼神望住人，好似叫緊人地 “Scratch Me”！但跟住又失驚無神張牙舞爪，再一啖咬落去！」
C: 「貓仔！？仲要係一隻妄想被害嘅貓仔？你找死？」
Z: 「車，你叫我講真話嘛！又唔係話怪你，我地做到嘅嘢，同我地想做嘅，一向都唔成正比；而我地要嘅，同最後得到嘅往往唔同；這就是人生的矛盾！
例如因為怕情傷，變堅強；因堅強，變獨處，因獨處，更堅強！但之後，可能更惆悵！」
C: 「你又開始玄啦，有咩快d講埋，等大家有得收工啦！」
Z: 「Overall，我覺得港女或宅女或叻女，不過係public personna；正如有些網主寫愛情寫男女關係如數家珍，有如當代南宮夫人，到有朝一日你睇明佢嘅人，發現佢比酸葡萄更酸，又比中藥更苦澀，你只會覺得文字係欺騙人嘅遊戲同工具。」
C: 「哼，咁你係咪覺得比我呃左丫！？」
Z: 「Let’s put it this way, 人根本就係喜歡同甘心接受他人欺騙嘅動物！所以我熱切期待張愛玲新書，由佢自己寫關於胡蘭成之戀…」
C: 「仲有無呀， So Far你都係同一個Point到兜圈咋播！」
Z: 「當妳一提到Three Points，我已經淨係諗到三點式.．我估只能通過更深入了解，尋幽探秘後，先能夠描繪出另外兩點！對唔住，我投降了！」
========================================
C+補充
點解我叫佢「禮服蒙面俠」呢？因為年初見面之日，除左佢英文名、手機號碼、博客同電郵地址，我對佢一無所知！但當佢揭示真身時，我第一個反應係：
嘩，乜得一個咁嘅猛人，會有閒情讀我嘅痴女夢話！？
咁到底有幾猛呢？Et…學貫中西，引古論今，出口成文，縱橫商法政界；另加細心體貼大方，仲有把好好聽嘅聲喎！哇，仲唔似「禮服蒙面俠」！？
至於點解佢擔心「人身安全」?
咪就係因為佢，令我決定暫時唔再見博友．一來，你地水平高到咁，我無謂出黎獻醜．二來，見面之後，佢由日日睇我個博，變成耐唔耐撞岩得閒先睇囉！
但呢個人，搞Wang個Party不特止，仲死話諗唔到其餘兩點，從而逃避證實C+係咪如花或爛口妹，又唔分享下當初點解引到宅女豁出去現真身．
係呀，最衰都係佢！鬧佢打佢開佢拖啦，唔洗同我客氣喎！呵呵！
(C+後記請見Comments)
Friday, February 27, 2009
Wednesday, February 25, 2009
Bloody Rare 之C+2D （By卡臣)
(C+ 後記請見Comments)
應電郵之邀，寫一篇對C+的感覺，我回信：「吓？我倆未見過面，只以文會友，我都係靠去認識妳咋喎！」C+答：「OK！我正要這感覺！」好！我嘗試組織一吓對C+的感覺，（大部分只是我對她的主觀投射或片面猜測，應該跟現實的C+有所出入）。唔介意的話，讓我呈現一位2D（唔立體）的C+。
應電郵之邀，寫一篇對C+的感覺，我回信：「吓？我倆未見過面，只以文會友，我都係靠去認識妳咋喎！」C+答：「OK！我正要這感覺！」好！我嘗試組織一吓對C+的感覺，（大部分只是我對她的主觀投射或片面猜測，應該跟現實的C+有所出入）。唔介意的話，讓我呈現一位2D（唔立體）的C+。
C+番書妹？
我最羨慕能操流利外語的人，尤其是英文或法文！（苗族話和藏話則次之）。C+能操一手一口純正英文，她有些posts用英文寫成（仲要查字典先睇得明嗰隻）。嘩！會考攞A無難度。羨慕之餘，教我不敢在她面前亂用英文，驚港式英語露底！貽笑大方。C+如果唔係ABC、就一定係番書妹，總之黃皮白心，揸筷子唔正宗、打死都唔會食鹹蛋四寶飯。
C+蘭桂坊？
對ABC和番書妹的投射，就是愛泡蘭桂坊！C+有文章講自己穿Sexy吊帶小背心，去跳舞飲酒，又放自己抽煙的型格照片於blog上，嘩！C+一定好愛泡、好玩得、好蘭桂坊、好開放的半唐番！但C+話自己唔泡、好宅女、唔開放，仲單身了兩個年頭！哼！咁講，無非都係唔想引人遐想，惹來狂蜂浪蝶啫！
C+靚女？
我跟幾位網友曾提起過C+，都異口同聲話C+係靚女，唔係「少女十八無醜婦」的OK，而真係靚嗰隻！但其實從未見過她一張正正經經的大頭特寫。最近見到C+的Fing頭黑白藝術相，嘩！進一步confirm C+是五官輪廓精緻，計我話：C+是型多過靚，「型」是犀利過「靚」！靚可以後天人工整，但型不是模仿或學習得來。
C+錢？
我記得在文中見過C+年少時的騎馬照片（不是Osim騎馬機，是真正馬術），C+住中環、養有幾隻愛犬，有錢又有品味，飲的酒、穿的裙與鞋；目不暇給。嘩！父母一定大把錢啦！好似電視劇中的
C+女豪傑？
如果C+活在50年代，她應該是行俠仗義、劫富濟貧的女黑俠，C+不平則嗚，我行我素！唔係任何女仔食煙都會食得型！C+必是其中佼佼者。C+自認講粗口，咁就同我啱傾啦！唔使就住就住嘛。我主觀地覺得C+應該有紋身，紋了什麼圖案？紋在什麼部位？我不便公開我心中的答案。
C+範數多？
C+作為「夜冷店店主」，洗地抹窗、售貨收銀、入貨散貨，乜都要掂吓乜都要識做！人面廣、識人多，好正常唶。去到啲天光墟或回收站，應該打招呼都打到手軟、笑到牙骹都緊埋！但C+話自己唔泡個d地方喎。吓？乜有I.T.人可以見到電腦而唔Check email咩？
C+愛情觀？
蘭桂坊ABC喎！係咪好易上呢？哼！C+話寧缺勿濫！寧願單身都唔隨便發展一段關係，嘩！乜做人咁清醒嘅？！我只會歸納她為眼角高，未遇到一個能100%令C+心動而已！（好似提過有吖）咦，C+話有咬男友的習慣喎，我諗她的前度，呢一世都會記得C+這位動口又動手的性情中人。
表面證供
以上純屬本人的片面感覺，可能跟真實偏差甚遠，但唔緊要！我而家好似打緊桌球，set緊「士碌架」給下一位C+朋友，續寫他對C+的感覺。他可能會將我的表面證供推翻再建造，抽絲剝繭，呈現更立體更3D更imax的C+。
送給C+
Tuesday, February 24, 2009
想要幾成熟？
近幾星期，不寫文那天，混身不妥．思前後想，發現中了博毒．癡女說夢話當然暢快，但你們留下的片言只語，才是令我上癮的主因．而我也開始持熟賣熟，連找裙子上街這等瑣事也鋪張地發篇文．
親愛的，如此下去，我大概會連今天便便了沒有，也向大家報告一番．也許你們會好．喜．歡．看，但做人，要學拿起，更要學放下．
學懂收放自如，才能肆意的遊戲人間．
在今日的市況下，還有機會讓俗務纏身，人再懶散，也得珍惜把握．不然上天大概會先以雷劈之，再要我餘生瞓街拾荒． 這麼大一個人，時間，總能夠安排．沒有時間做一件事情，不過因為未夠想做．所以總括黎講，我只係
想偷懶！
可我這人實在貪玩．自己偷懶，也以麻煩他人為樂．本打算找幾位朋友仔現身說法，談談我一蘿子的仆街事，給他們一個機會，証實同我做朋友，有幾難受，而他們，又是如何的偉大．
但思前想後，還是不夠好玩．那不如請來三位人兄，全熟，唔熟再加一個半生不熟，試試能否撞出刺激的對比！
未來一星期，本博將由以下三位猛男代C+執筆
Bloody Rare 之 C+2D
打頭陣的，有破例出關的鬼才卡臣，他特地重讀所有C+文字，再加上「疑似專訪」中的對答，先Feel後解再整合，嘗試複製出「疑似C+」．
Medium Rare之露三點
第二捧由博客「禮服蒙面俠」接力，內文節錄自我倆的對談．他是我開博至今，唯一先從文字認識，繼而會面的博友．堅持以化名出現，據他說，是擔心人身安全...
Well Done之C+自白
壓軸登場，是親如哥哥的好友D！相識十載，絕對有資格講句「睇住我大，睇住我壞」．又，到底佢會否重提「裙下亡魂」一事呢？ 安排到的話，此文出街前或會加插小玩意． 好友D榮升老嗲，改由C+親手收拾爛攤子，自道愛情麵包所帶出的聯想．
希望大家多多捧場，支持一下C+小實驗之餘，也支持一下三位滿腔熱血，出手相助的猛男！
親愛的，如此下去，我大概會連今天便便了沒有，也向大家報告一番．也許你們會好．喜．歡．看，但做人，要學拿起，更要學放下．
學懂收放自如，才能肆意的遊戲人間．
想偷懶！
可我這人實在貪玩．自己偷懶，也以麻煩他人為樂．本打算找幾位朋友仔現身說法，談談我一蘿子的仆街事，給他們一個機會，証實同我做朋友，有幾難受，而他們，又是如何的偉大．
但思前想後，還是不夠好玩．那不如請來三位人兄，全熟，唔熟再加一個半生不熟，試試能否撞出刺激的對比！
未來一星期，本博將由以下三位猛男代C+執筆
Bloody Rare 之 C+2D
打頭陣的，有破例出關的鬼才卡臣，他特地重讀所有C+文字，再加上「疑似專訪」中的對答，先Feel後解再整合，嘗試複製出「疑似C+」．
Medium Rare之露三點
第二捧由博客「禮服蒙面俠」接力，內文節錄自我倆的對談．他是我開博至今，唯一先從文字認識，繼而會面的博友．堅持以化名出現，據他說，是擔心人身安全...
Well Done之C+自白
希望大家多多捧場，支持一下C+小實驗之餘，也支持一下三位滿腔熱血，出手相助的猛男！
Sunday, February 22, 2009
當宅女遇上鬼才
出賣自己，OK有效播．見大家咁捧場，等我又出賣下其他野先．
電郵「宅女的新衣」給卡臣時，郵來郵去，竟然譜出一段「疑似專訪」．交友以誠，網交半年，是時候拿點誠意出來．於是卡Sir有問，宅女必答．卡Sir直接得可愛，傳來的尖銳問題包括「揀衫見男友? 點呀? 個男人被妳俘虜咗啦?」、「聽聞妳男友是傳媒人，對嗎? 」等．
面對卡Sir，宅女不敢扮型，不單乖乖回應平日打死不談的題目，更自揭身世，道出「根本就係一個爛口宅女!」、「我係夜冷店店東，賣得既統統都賣！賣身都有得傾！」等等．
樂極忘形之際，宅女問：
「我覺得有好多野，女人做左，唔應該比男人知．佢受落，夠了．男人呢？有無d咩係為個女人做，但唔會比女人知？」
卡Sir道：
「除非賣血換錢來送包包給女朋友，otherwise，大鑼大鼓告訴女友自己點犧牲點偉大．」
女人與男人，真有這分別嗎？抑或宅女「宅毒」太深，慣於將一切收收埋埋，才有此等歪想？
又，任性的宅女，無視鬼才正處於請勿打擾閉關期，厚面皮請他出關，為她一個小實驗執筆．鬼才大方，即時答應，令宅女好生感動．
各位掛念卡臣的粉絲，要讀他的文字，下星期三便要來宅女的博咯！嘿嘿～
-------------------------------
又又，各位對藍裙仔的關注，令我考慮過擺晒三條裙仔上黎，聽下大家意見！
但當腎上腺素回復正常水平，還是放不下裙子的成本效益論．藍裙仔一旦於此首次曝光，面對意屬的「首名觀眾」時，成效會大大減低．為著物盡其用，Maximize裙子為他帶來的驚喜／困擾，唯有暫時收埋．
希望你地唔好噓啦！
電郵「宅女的新衣」給卡臣時，郵來郵去，竟然譜出一段「疑似專訪」．交友以誠，網交半年，是時候拿點誠意出來．於是卡Sir有問，宅女必答．卡Sir直接得可愛，傳來的尖銳問題包括「揀衫見男友? 點呀? 個男人被妳俘虜咗啦?」、「聽聞妳男友是傳媒人，對嗎? 」等．
面對卡Sir，宅女不敢扮型，不單乖乖回應平日打死不談的題目，更自揭身世，道出「根本就係一個爛口宅女!」、「我係夜冷店店東，賣得既統統都賣！賣身都有得傾！」等等．
樂極忘形之際，宅女問：
「我覺得有好多野，女人做左，唔應該比男人知．佢受落，夠了．男人呢？有無d咩係為個女人做，但唔會比女人知？」
卡Sir道：
「除非賣血換錢來送包包給女朋友，otherwise，大鑼大鼓告訴女友自己點犧牲點偉大．」
女人與男人，真有這分別嗎？抑或宅女「宅毒」太深，慣於將一切收收埋埋，才有此等歪想？
又，任性的宅女，無視鬼才正處於請勿打擾閉關期，厚面皮請他出關，為她一個小實驗執筆．鬼才大方，即時答應，令宅女好生感動．
各位掛念卡臣的粉絲，要讀他的文字，下星期三便要來宅女的博咯！嘿嘿～
-------------------------------
又又，各位對藍裙仔的關注，令我考慮過擺晒三條裙仔上黎，聽下大家意見！
但當腎上腺素回復正常水平，還是放不下裙子的成本效益論．藍裙仔一旦於此首次曝光，面對意屬的「首名觀眾」時，成效會大大減低．為著物盡其用，Maximize裙子為他帶來的驚喜／困擾，唯有暫時收埋．
希望你地唔好噓啦！
Saturday, February 21, 2009
宅女的新衣 ( 送給Carson)
宅女，不諳穿衣之道，不懂化妝技巧，更不懂營造髮型．尤幸身邊有兩位張家小姐，義務作形象指導，經過兩年「除宅行動」，初見小成．但女生宅性太深．未經兩位高人審批的行裝，理論上，可以穿；實際上，她不敢穿．
一天，宅女收到突發邀約，需要決定行裝．惟張大小姐忙於享受陽光海灘，無暇理會宅女死活．張二小姐在趕往開會途上，但亦善心地提議宅女於電話中，口述心水選擇，讓她作個定斷．
宅女：「Hm..紅色個條，新買架，個cutting同你個條橙色花花裙差唔多，黑色個條，咪你話我十世都唔著個條McQueen囉．藍色個條．．．」
二小姐：「紅色個條咩質地咩Length？你邊條McQueen呀，你條條都係黑裙，我點記得？藍色，咩藍？Navy? Sky? Cyan? 」
宅女：「紅色個條Knee Length，Satin？但有彈性架播，係咪Lycra先真？我唔知，令令地架囉．．． 」
二小姐怒吼：「妖你，買條裙你連咩質地都唔知？」
宅女被罵，心怯，細細聲以極有限的認知繼續口述．依依哦哦了兩三分鐘，仍然說得不清不楚．
掛線前，張二小姐拋下一句：
「打電話問功夫仲Work過你打電話問Fashion，好好反省下啦！」
碰了一鼻子灰，宅女只得望著三條裙子發呆．距離約定時間只剩九十分鐘，心急，一轉念，她想到新方法，去麻煩別的朋友．
她逐一穿上裙子，對鏡自拍，再以電郵及MSN征求協助．經五位不同年齡品味的好心男女審批後，以四票對一票通過黑裙子為第一選擇．
奈何宅女心中想穿的，明明是那條藍色裙子呀！死不忿氣的她，竟然在想 「這幫人，根本不明白裙子的成本效益論．還是問問小S安全！」
她再次拿起電話，撥了一通IDD到印度，以友情要脅Evil Twin 的小S即時上網，為她作最後決定．小S無奈答應，但說要十至十五分鐘後才能上線．宅女趁這個空檔，以極速洗頭沖涼，跳回電腦前時，小S剛登入MSN．
小S：「睇左你d相啦．你想佢心藏病發，藍色；唔想佢死住，黑色啦…喂你d頭髮記住紮起，但唔好立死All Back．．．」
宅女：「喂開Webcam丫！」
小S：「唔係屋企，無Cam．．．」
宅女：「下！？」
小S：「屋企Internet神左，要去Internet Café．今晚咩Plan呀？喂你諗住著邊對鞋呀？」
宅女：「I MISS U SO MUCH! (喊樣Icon)」
(完)
此文同步於卡臣博客作全球首播!!!
--------------------
Blog界鬼才卡臣說要休博至三月，Eric提議由讀者串場，以作回饋．聖誕時收過卡Sir為我寫的一口咬定你，禮尚往來，當然要參一腿出分力．
本想寫個以卡Sir作主角的故事，奈何欠缺過人想像力，還是出賣下自己的宅女生活安全．卡Sir讀過，竟戲言我送他一篇少女心事，還質疑我是否「扮野」！哼哼哼，實在可惡極了！
可我還是捨不得罵卡Sir，就算不感謝他經年地為我們帶來抵死過癮的文字，也得感激他連續寫廿三個故事送予Blogger的心思毅力．
這個靚仔，實在太抵咬了．(喂，到底前後爭你幾多啖呀？I lost count...)
--------------------
附上黑裙照片一張，以証真有其事，還是早幾天才發生的！宅性，果真難移！
一天，宅女收到突發邀約，需要決定行裝．惟張大小姐忙於享受陽光海灘，無暇理會宅女死活．張二小姐在趕往開會途上，但亦善心地提議宅女於電話中，口述心水選擇，讓她作個定斷．
宅女：「Hm..紅色個條，新買架，個cutting同你個條橙色花花裙差唔多，黑色個條，咪你話我十世都唔著個條McQueen囉．藍色個條．．．」
二小姐：「紅色個條咩質地咩Length？你邊條McQueen呀，你條條都係黑裙，我點記得？藍色，咩藍？Navy? Sky? Cyan? 」
宅女：「紅色個條Knee Length，Satin？但有彈性架播，係咪Lycra先真？我唔知，令令地架囉．．． 」
二小姐怒吼：「妖你，買條裙你連咩質地都唔知？」
宅女被罵，心怯，細細聲以極有限的認知繼續口述．依依哦哦了兩三分鐘，仍然說得不清不楚．
掛線前，張二小姐拋下一句：
「打電話問功夫仲Work過你打電話問Fashion，好好反省下啦！」
碰了一鼻子灰，宅女只得望著三條裙子發呆．距離約定時間只剩九十分鐘，心急，一轉念，她想到新方法，去麻煩別的朋友．
她逐一穿上裙子，對鏡自拍，再以電郵及MSN征求協助．經五位不同年齡品味的好心男女審批後，以四票對一票通過黑裙子為第一選擇．
奈何宅女心中想穿的，明明是那條藍色裙子呀！死不忿氣的她，竟然在想 「這幫人，根本不明白裙子的成本效益論．還是問問小S安全！」
她再次拿起電話，撥了一通IDD到印度，以友情要脅Evil Twin 的小S即時上網，為她作最後決定．小S無奈答應，但說要十至十五分鐘後才能上線．宅女趁這個空檔，以極速洗頭沖涼，跳回電腦前時，小S剛登入MSN．
小S：「睇左你d相啦．你想佢心藏病發，藍色；唔想佢死住，黑色啦…喂你d頭髮記住紮起，但唔好立死All Back．．．」
宅女：「喂開Webcam丫！」
小S：「唔係屋企，無Cam．．．」
宅女：「下！？」
小S：「屋企Internet神左，要去Internet Café．今晚咩Plan呀？喂你諗住著邊對鞋呀？」
宅女：「I MISS U SO MUCH! (喊樣Icon)」
(完)
此文同步於卡臣博客作全球首播!!!
--------------------
Blog界鬼才卡臣說要休博至三月，Eric提議由讀者串場，以作回饋．聖誕時收過卡Sir為我寫的一口咬定你，禮尚往來，當然要參一腿出分力．
本想寫個以卡Sir作主角的故事，奈何欠缺過人想像力，還是出賣下自己的宅女生活安全．卡Sir讀過，竟戲言我送他一篇少女心事，還質疑我是否「扮野」！哼哼哼，實在可惡極了！
可我還是捨不得罵卡Sir，就算不感謝他經年地為我們帶來抵死過癮的文字，也得感激他連續寫廿三個故事送予Blogger的心思毅力．
這個靚仔，實在太抵咬了．(喂，到底前後爭你幾多啖呀？I lost count...)
--------------------
附上黑裙照片一張，以証真有其事，還是早幾天才發生的！宅性，果真難移！
Friday, February 20, 2009
宅女再培訓
週六，Girls Night Out．艾雲娜問張大小姐
「要做一個靚女，係咪一刻都唔可以鬆懈，要時時都Keep住靚？」
曾經我好疑惑，點解張大小姐落街放狗，著件背心，加條綿質運動褲，都咁索咁正，但我著上身就成個阿嬸？自己先天條件不足，由九歲識佢個日已經知道．但，無理由爭九十九條街咁遠架．
之後寄居係佢屋企一段時間，慢慢我觀察到，就算落街放狗，佢都要起碼搞廿分鐘先出得門口．到底搞咩呢？
佢紮條馬尾，唔係我亂咁伶橡筋紮住就當係．係用梳好仔細咁紮，我以為不經意既零亂，原來係有技巧地營造出黎．呢Part，用左6分鐘．佢著個件背心同條綿質運動褲，買個刻已經有揀Cutting／質地，出街前仲會襯一襯，有時又撞下顏色，令個Look望落有Sharp醒既感覺．呢Part 又用左8分鐘．跟住佢會花三分鐘企係鏡前面．檢查下個樣同Look，再順手戴埋適合既耳環／手鍊／頸鍊．最後三分鐘，用黎著鞋/綁狗/伶報紙鎖匙．
個時我諗，嘩，煩到咁．唔好搞我！但因為實在等得太耐了(Weekend 去玩阿大小姐起碼要九十分鐘先出得門口囉唔該)，咁我橫事坐係到呆等，咪學佢搞下呢搞下路當消磨時間．搞搞下，發現同一件衫，襯唔同妝／髮型，可以Dress Up / Dress down，有唔同感覺，換句話說，可以買少左野．又，當有朋友仔突然間講句「咦你呢排靚左喎．」，「你今日咁著幾好睇．」，口可能答係咩係咩？但個心，開心到飛起．
以前覺得You are what your wear 絕對係一句Marketing Slogan！衫之嘛，不過係一張花紙唶，駛唔駛講得咁嚴重？
但而家我開始成為信眾！尤其當我發現，張花紙吸引，唔單止會更加顯眼突出，亦會加強他人好奇心，令佢地更想知道花紙入邊包住乜野．（I am talking about the soul / brain, not the body u dirty freaks）
係，開頭真係覺得好煩，但慢慢習慣後，其實又係一種紀律，對自己既一種要求．Wyman曾經寫過一篇喂，你點揀衫o架？，我好同意下面呢幾句:
又，做咩講著衫？聽日開估！
「要做一個靚女，係咪一刻都唔可以鬆懈，要時時都Keep住靚？」
曾經我好疑惑，點解張大小姐落街放狗，著件背心，加條綿質運動褲，都咁索咁正，但我著上身就成個阿嬸？自己先天條件不足，由九歲識佢個日已經知道．但，無理由爭九十九條街咁遠架．
之後寄居係佢屋企一段時間，慢慢我觀察到，就算落街放狗，佢都要起碼搞廿分鐘先出得門口．到底搞咩呢？
佢紮條馬尾，唔係我亂咁伶橡筋紮住就當係．係用梳好仔細咁紮，我以為不經意既零亂，原來係有技巧地營造出黎．呢Part，用左6分鐘．佢著個件背心同條綿質運動褲，買個刻已經有揀Cutting／質地，出街前仲會襯一襯，有時又撞下顏色，令個Look望落有Sharp醒既感覺．呢Part 又用左8分鐘．跟住佢會花三分鐘企係鏡前面．檢查下個樣同Look，再順手戴埋適合既耳環／手鍊／頸鍊．最後三分鐘，用黎著鞋/綁狗/伶報紙鎖匙．
個時我諗，嘩，煩到咁．唔好搞我！但因為實在等得太耐了(Weekend 去玩阿大小姐起碼要九十分鐘先出得門口囉唔該)，咁我橫事坐係到呆等，咪學佢搞下呢搞下路當消磨時間．搞搞下，發現同一件衫，襯唔同妝／髮型，可以Dress Up / Dress down，有唔同感覺，換句話說，可以買少左野．又，當有朋友仔突然間講句「咦你呢排靚左喎．」，「你今日咁著幾好睇．」，口可能答係咩係咩？但個心，開心到飛起．
以前覺得You are what your wear 絕對係一句Marketing Slogan！衫之嘛，不過係一張花紙唶，駛唔駛講得咁嚴重？
但而家我開始成為信眾！尤其當我發現，張花紙吸引，唔單止會更加顯眼突出，亦會加強他人好奇心，令佢地更想知道花紙入邊包住乜野．（I am talking about the soul / brain, not the body u dirty freaks）
係，開頭真係覺得好煩，但慢慢習慣後，其實又係一種紀律，對自己既一種要求．Wyman曾經寫過一篇喂，你點揀衫o架？，我好同意下面呢幾句:
－ 要穿得好襯得靚，首要條件是要知啲嘢喺邊度搵返嚟，正如煮席好菜關乎於最美味的食材自那兒找，這點修煉不能懶。
－ ….(佢)出手就係襯得咁靚，本能嚟嘅，修養嚟嘅，唔通專登襯得肉酸啲？冇人見到嘥唔嘥？一啲都唔嘥，當係襯衫練習最好，平時喺河北省金川鎮體育館，喺冇觀眾情況下也揸正嚟做練練練，他日參加奧林匹克上鳥巢才不會在幾千萬人面前失手啊！
－ 要着衫襯衫所謂進步，必須由你未試過的東西組合開始，即係你以為「唔着得出街」的衫。
又，做咩講著衫？聽日開估！
Wednesday, February 18, 2009
一於豪比八和!
阿姐怒吼個番“肺腑之言”，令我不期然激動到大聲嗌左句 “Yo你個肺”十卜一下．
兩班人爭地盤，講到底，睇邊邊人強馬壯，鬥牙力鬥實力．假如香港創意工業終成氣候，受惠既包括電影／電視／設計／產品／動漫（仲有N樣唔該自己數），唔好忘記，全部都係可以Export到架窩．咁粵劇呢？再持續發展，有咩機遇？可以製造幾多就業？可以Generate到幾多經濟收益？
如果粵劇真係有價有市，點解經營一年會比一年困難？
Market Demand & Supply 唔識講大話．當市場不斷萎縮，可以嘗試反抗，例如試下Product Development, Brand Repositioning & Relaunch 等去boost up．但粵劇作為國粹，到底有幾大空間可以推陳出新再發圍？難道八和打算請玲玲姐上台Rap返句“落街無錢買麵包Yo Yo Yo”，做個帝女花Crossover？
成日話搞西九西九西九，香港作為一個國際都會，藝文水平一直同世界脫軌．咁點樣培育我地既下一代社會支柱呢？係咪應該由教育做起呢請問？咁而家有間叫花旗國藝術學院，托埋錢黎開分校，請問又有咩問題呢？
可能阿姐細個忙住拍戲，自己又無仔女，唔明白一個有志報讀創意工業課程既年青人係香港幾咁絕望．無錯，家下市面上Course多到咪埋眼肯填Form就總有一家收你．但咩質素先？Most of the time they kill ur creativity than to develop it. 終於有間叫做世界級藝術學院自己托埋錢黎開分校，佢話政府So外國人！？
對唔住，我知我已經Loop左幾次 “人地托埋錢黎”．但呢排政府玩開倉好似上左癮咁，竟然連支助一半人工，鼓勵建造業請班零經驗既中學生都夠膽提出．咩事呢？而家建造業人人有工開乎？有無諗個班失業工友，年紀大學歷低溫工難，舊時都仲話可以主動提出減薪，而家又有最低工資壓住，退無可退．咁點算呢，咪排隊拎眾援囉．
定係政府已經Absolutely Positively Sure，十大基建工程可以養起晒老中青三代建造業工人先！？咪住，眾援係納稅人錢，十大基建工程又係納稅人錢，支助班零經驗中學生都係納稅人錢黎架播．
咁唔爭在豪埋比八和啦！咁有歷史意義既國粹，我地實在應該好好保育，等我地下一代有機會了解同認識．我地絕不能眼白白睇住粵劇從此絕跡．
一於撥筆特別經費，將佢地一氣過送晒入歷史博物館啦．
兩班人爭地盤，講到底，睇邊邊人強馬壯，鬥牙力鬥實力．假如香港創意工業終成氣候，受惠既包括電影／電視／設計／產品／動漫（仲有N樣唔該自己數），唔好忘記，全部都係可以Export到架窩．咁粵劇呢？再持續發展，有咩機遇？可以製造幾多就業？可以Generate到幾多經濟收益？
如果粵劇真係有價有市，點解經營一年會比一年困難？
Market Demand & Supply 唔識講大話．當市場不斷萎縮，可以嘗試反抗，例如試下Product Development, Brand Repositioning & Relaunch 等去boost up．但粵劇作為國粹，到底有幾大空間可以推陳出新再發圍？難道八和打算請玲玲姐上台Rap返句“落街無錢買麵包Yo Yo Yo”，做個帝女花Crossover？
成日話搞西九西九西九，香港作為一個國際都會，藝文水平一直同世界脫軌．咁點樣培育我地既下一代社會支柱呢？係咪應該由教育做起呢請問？咁而家有間叫花旗國藝術學院，托埋錢黎開分校，請問又有咩問題呢？
可能阿姐細個忙住拍戲，自己又無仔女，唔明白一個有志報讀創意工業課程既年青人係香港幾咁絕望．無錯，家下市面上Course多到咪埋眼肯填Form就總有一家收你．但咩質素先？Most of the time they kill ur creativity than to develop it. 終於有間叫做世界級藝術學院自己托埋錢黎開分校，佢話政府So外國人！？
對唔住，我知我已經Loop左幾次 “人地托埋錢黎”．但呢排政府玩開倉好似上左癮咁，竟然連支助一半人工，鼓勵建造業請班零經驗既中學生都夠膽提出．咩事呢？而家建造業人人有工開乎？有無諗個班失業工友，年紀大學歷低溫工難，舊時都仲話可以主動提出減薪，而家又有最低工資壓住，退無可退．咁點算呢，咪排隊拎眾援囉．
定係政府已經Absolutely Positively Sure，十大基建工程可以養起晒老中青三代建造業工人先！？咪住，眾援係納稅人錢，十大基建工程又係納稅人錢，支助班零經驗中學生都係納稅人錢黎架播．
咁唔爭在豪埋比八和啦！咁有歷史意義既國粹，我地實在應該好好保育，等我地下一代有機會了解同認識．我地絕不能眼白白睇住粵劇從此絕跡．
一於撥筆特別經費，將佢地一氣過送晒入歷史博物館啦．
Tuesday, February 17, 2009
八號仔的自白
上星期入馬場，企係沙圈邊一路傾計／飲Stella／煲煙，唔經唔覺，竟然睇到第七場唔知xx盃賽．頒獎，理論上唔關我事，但當我聽到呢句，我又即刻萌萌地．
".... presenting the award, MRS yyyyxxx, the wife of MR xxx and MR. xxx"
我: "MRS已經表達到啦．．．點解係都要講埋 The wife of XXX？Are we still in the 70s when women are accessories to men on the race course?"
他: "你萌乜野唶，第時你叻到人地介紹你老公時，會話MR. XXX，The Husband Of Ms. Cecilia Lau 咪得囉．我唔介意做Chan Jen Chung架喎！"
佢咁講，Makes Senses，但諗多兩諗，我又忍唔住再講
"喂，之但係我想做阿太喎！"
"咁就比較難d啦，因為你識字．"
雖然對小朋友無感覺，但我唔排除有朝一日我會做媽咪．不過有兩個先決條件：
1) 要做全職媽咪
2) 唔係大城市養大個小朋友
婆婆成日話，我同我媽咁親，因為我媽親手湊大我．又，聽朋友講，大仔由工人湊大，到細仔三年後出世，老婆先辭工做全職媽咪．而家大仔十一歲，依然係無手尾乜都要人服侍既大少；而細仔呢，就好有手尾，仲會主動幫下手做家務．
我問佢，細仔係咪巨蟹座搭處女座？佢就好激動地咆哮 "妖，大仔係處女搭山羊，細仔係獅子加人馬！"
我信命，但我更相信童年對個人成長極具影響力．所以好希望將來，自己既小朋友可以係充滿愛，以及正確價值觀下成長．我想同佢地一齊上山下海，想佢地就算食薯條，都會係我親手做既Home Made Fries，想佢地開心快樂依隨自己本性．．．
當然我係好明顯地發緊夢．閒時睇周遊寫方芳方悠，佢個份"巴巴聲"湧晒出黎既母愛，竟然可以感動到我眼濕濕．我係見到小朋友會避開既宅女囉唔該．咁都不特止，呢個Lousy Ma仲成日都幫兩個女影埋d似沙龍多過生活照既靚相，不定期黎個"霖死人唔洗本大行動".
真係有機會做媽咪的話，我唔相信我會比我媽或者周遊做得更好．
咁我媽到底又有幾好呢？
我想話，直到十四歲，每逢冬天，我媽會係我沖涼時，將d底衫褲係乾衣機一路暖住，直至聽到我關水喉先拎入黎比我著囉．
我想話，當年我話要去"流浪"，佢一句無問就過左廿萬Asia Miles 比我，仲叫我有咁遠去咁遠，有咁耐去咁耐．
我想話，佢根本就係廿幾年前，將佢一生所有，買重係我呢隻8號仔身上．明明以為係十足把握既藍籌，點知經過d咩蛇吞象合拼再私有化 (Aka跟佬走)，搞到今時今日渣都無．
唯一比較"好彩"既係，媽始終係我既Angel Investor，我所有既一切，好既醜既，佢都楂死左九成股份．雖則佢係Slient Partner，但當我心知就算對唔住全世界，都一定要向一個人要交代時，我就會不期然Clam Down落黎．
所以有得揀，我都係寧願揀養十隻狗，多過要一個細路．自己做左八號仔咁多年，你叫我重注買返落另一隻再世八號仔？
唔好玩啦．
-------------------------------------
PS ( 我係唔鍾意細路，但遇上我契仔，一樣情難自制，霖死了！)
".... presenting the award, MRS yyyyxxx, the wife of MR xxx and MR. xxx"
我: "MRS已經表達到啦．．．點解係都要講埋 The wife of XXX？Are we still in the 70s when women are accessories to men on the race course?"
他: "你萌乜野唶，第時你叻到人地介紹你老公時，會話MR. XXX，The Husband Of Ms. Cecilia Lau 咪得囉．我唔介意做Chan Jen Chung架喎！"
佢咁講，Makes Senses，但諗多兩諗，我又忍唔住再講
"喂，之但係我想做阿太喎！"
"咁就比較難d啦，因為你識字．"
雖然對小朋友無感覺，但我唔排除有朝一日我會做媽咪．不過有兩個先決條件：
1) 要做全職媽咪
2) 唔係大城市養大個小朋友
婆婆成日話，我同我媽咁親，因為我媽親手湊大我．又，聽朋友講，大仔由工人湊大，到細仔三年後出世，老婆先辭工做全職媽咪．而家大仔十一歲，依然係無手尾乜都要人服侍既大少；而細仔呢，就好有手尾，仲會主動幫下手做家務．
我問佢，細仔係咪巨蟹座搭處女座？佢就好激動地咆哮 "妖，大仔係處女搭山羊，細仔係獅子加人馬！"
我信命，但我更相信童年對個人成長極具影響力．所以好希望將來，自己既小朋友可以係充滿愛，以及正確價值觀下成長．我想同佢地一齊上山下海，想佢地就算食薯條，都會係我親手做既Home Made Fries，想佢地開心快樂依隨自己本性．．．
當然我係好明顯地發緊夢．閒時睇周遊寫方芳方悠，佢個份"巴巴聲"湧晒出黎既母愛，竟然可以感動到我眼濕濕．我係見到小朋友會避開既宅女囉唔該．咁都不特止，呢個Lousy Ma仲成日都幫兩個女影埋d似沙龍多過生活照既靚相，不定期黎個"霖死人唔洗本大行動".
真係有機會做媽咪的話，我唔相信我會比我媽或者周遊做得更好．
咁我媽到底又有幾好呢？
我想話，直到十四歲，每逢冬天，我媽會係我沖涼時，將d底衫褲係乾衣機一路暖住，直至聽到我關水喉先拎入黎比我著囉．
我想話，當年我話要去"流浪"，佢一句無問就過左廿萬Asia Miles 比我，仲叫我有咁遠去咁遠，有咁耐去咁耐．
我想話，佢根本就係廿幾年前，將佢一生所有，買重係我呢隻8號仔身上．明明以為係十足把握既藍籌，點知經過d咩蛇吞象合拼再私有化 (Aka跟佬走)，搞到今時今日渣都無．
唯一比較"好彩"既係，媽始終係我既Angel Investor，我所有既一切，好既醜既，佢都楂死左九成股份．雖則佢係Slient Partner，但當我心知就算對唔住全世界，都一定要向一個人要交代時，我就會不期然Clam Down落黎．
所以有得揀，我都係寧願揀養十隻狗，多過要一個細路．自己做左八號仔咁多年，你叫我重注買返落另一隻再世八號仔？
唔好玩啦．
-------------------------------------
PS ( 我係唔鍾意細路，但遇上我契仔，一樣情難自制，霖死了！)
Monday, February 16, 2009
Farklentimes Part 3
好友D說，Farklentimes這詞，好粗鄙．
嗯，那就說說Farklentimes的來由吧．
阿客想借情人節之名，舉辦商業活動．我以娘為理由，拒絕參與．娘，其實都娘慣了．我不過係懶得郁/懶得做/懶得諗．但佢仲本住不退縮/不妥協/不放棄的三不精神，堅持要我係二月十四搞樣野出黎．
佢逼狗跳牆，我唯有諗d佢會Ban爆o既橋出黎，希望佢自動棄權．
"人人都搞浪漫搞單身，實在有咩Edge？"
(下刪三五百字亂作的市場分析)
"我覺得Say F*ck To Valentine先有得做！"
見阿客皺晒眉頭，我沾沾自喜，心諗再加多d火星思維，應該廿分鐘就可以返屋企行狗．
"不如就叫Farklentimes啦!!!"
佢拿埋塊面無出聲，貌似諗緊點樣反駁我．正當我組織緊點樣可以再下一成，盡快激到佢放棄時，佢竟然講句
"唉，是但啦，你楂主意啦！我唔想諗d咁Q煩嘅野！"
有本錢去懶 VS 無本錢去懶，分別，咪就係咁囉．雖然經過Part 1 & Part 2嘅非正式Research後，我決定改方向，換上另一個都OK型嘅主題．但能夠係三五分鐘內，作得出Farklentimes呢個字，我真係有d驕傲．咁就唔好徙，係博到用下，總算係出過下街嘛．
不過唔知係咪太過粗鄙，搞到無人係度祝我情人節快樂囉！嗚～～
Hey I have nothing against Valentines day.
It's good to have an excuse to celebrate love, all kinds of love.
But it's even better we celebrate it without any excuses.
嗯，那就說說Farklentimes的來由吧．
阿客想借情人節之名，舉辦商業活動．我以娘為理由，拒絕參與．娘，其實都娘慣了．我不過係懶得郁/懶得做/懶得諗．但佢仲本住不退縮/不妥協/不放棄的三不精神，堅持要我係二月十四搞樣野出黎．
佢逼狗跳牆，我唯有諗d佢會Ban爆o既橋出黎，希望佢自動棄權．
"人人都搞浪漫搞單身，實在有咩Edge？"
(下刪三五百字亂作的市場分析)
"我覺得Say F*ck To Valentine先有得做！"
見阿客皺晒眉頭，我沾沾自喜，心諗再加多d火星思維，應該廿分鐘就可以返屋企行狗．
"不如就叫Farklentimes啦!!!"
佢拿埋塊面無出聲，貌似諗緊點樣反駁我．正當我組織緊點樣可以再下一成，盡快激到佢放棄時，佢竟然講句
"唉，是但啦，你楂主意啦！我唔想諗d咁Q煩嘅野！"
有本錢去懶 VS 無本錢去懶，分別，咪就係咁囉．雖然經過Part 1 & Part 2嘅非正式Research後，我決定改方向，換上另一個都OK型嘅主題．但能夠係三五分鐘內，作得出Farklentimes呢個字，我真係有d驕傲．咁就唔好徙，係博到用下，總算係出過下街嘛．
不過唔知係咪太過粗鄙，搞到無人係度祝我情人節快樂囉！嗚～～
Hey I have nothing against Valentines day.
It's good to have an excuse to celebrate love, all kinds of love.
But it's even better we celebrate it without any excuses.
Saturday, February 14, 2009
Farklentimes Part 2
兄妹間真情對話:
"唉...又要破財！"
"做咩呀？"
"情人節要交功課嘛..."
"咁唔願，咪唔好交囉！"
"哇，找屎麼...想自殺簡第二日丫!"
"又要做，又要怨，為咩呢？"
"家下係咪呻下都唔得呀？"
(我個心開始媽媽聲)
"好，比你呻三分鐘．"
"唔x講．"
"耶，講啦，我求下你啦．"
"我覺得你地d女人，情人節一定要收花，食飯同收禮物，只不過係要面！"
"難道你又唔要面？"
"呢d咁嘅面，我唔稀罕！"
(OK 都係唔好比佢停)
"咁如果情人節，你女友唔要花，唔要求同你食飯，唔要收禮物，咁你係咪比足一百分？"
"我唔信會有女人會囉．"
"都話如果囉..."
"咁就梗係好啦！不過，一齊食餐飯都要嘅．"
"喂，你話破財嘛，煩嘛．佢好體貼地，自己安排左節目架啦窩．"
"咁又唔好，話晒都係情人節，唔一齊過，有d唔妥．"
"咩唔妥？佢唔止知你心意，仲就晒你架啦窩，仲想點請問？"
"話晒都係情人節，無理由比個女友劈低，一個人過唶，下話？"
(又忍唔住...)
"你．咪．又．係．要．面!"
* * *
猜情尋，難道真係要玩到八十歲？
唉，忍唔住要重溫經典．(請留意1:19 - 1:35)
* * *
Have a sweet and honest valentine's day =)
* * *
Maybe Continue...
"唉...又要破財！"
"做咩呀？"
"情人節要交功課嘛..."
"咁唔願，咪唔好交囉！"
"哇，找屎麼...想自殺簡第二日丫!"
"又要做，又要怨，為咩呢？"
"家下係咪呻下都唔得呀？"
(我個心開始媽媽聲)
"好，比你呻三分鐘．"
"唔x講．"
"耶，講啦，我求下你啦．"
"我覺得你地d女人，情人節一定要收花，食飯同收禮物，只不過係要面！"
"難道你又唔要面？"
"呢d咁嘅面，我唔稀罕！"
(OK 都係唔好比佢停)
"咁如果情人節，你女友唔要花，唔要求同你食飯，唔要收禮物，咁你係咪比足一百分？"
"我唔信會有女人會囉．"
"都話如果囉..."
"咁就梗係好啦！不過，一齊食餐飯都要嘅．"
"喂，你話破財嘛，煩嘛．佢好體貼地，自己安排左節目架啦窩．"
"咁又唔好，話晒都係情人節，唔一齊過，有d唔妥．"
"咩唔妥？佢唔止知你心意，仲就晒你架啦窩，仲想點請問？"
"話晒都係情人節，無理由比個女友劈低，一個人過唶，下話？"
(又忍唔住...)
"你．咪．又．係．要．面!"
* * *
猜情尋，難道真係要玩到八十歲？
唉，忍唔住要重溫經典．(請留意1:19 - 1:35)
* * *
Have a sweet and honest valentine's day =)
* * *
Maybe Continue...
Farklentimes Part 1
由於工作關係，需要Research下d靚女靚仔情人節有咩攪作．
標準答案為:
"我撐你，不過個晚要陪男/女友！"
"帶埋佢黎囉．"
"唔好啦，一年五十二個星期，蒲少個Weekend當陪下佢囉．"
* * *
"個晚約左個男/女仔食飯喎．"
"食完過黎咪岩囉"
"下，唔好啦，費時佢覺得我爛玩／信唔過／留個唔好印象．"
* * *
"下星期六有野玩? 好呀！"
"係你先好講窩．你唔好忍唔住，求其立個男/女仔陪你過情人節，跟住放我飛機呀!"
"下，乜個日係情人節？咁我遲d答實你．"
* * *
"約左班Friend 唱K/食飯"
"咁咪一班人黎玩囉"
"睇下點啦，個晚出黎蒲，太覓食/賣剩遮 Feel啦．"
到底邊個話情人節無意思!!?!?!?!?
邊個話情人節係HALLMARK HOLIDAY!?!?!?
你同我出黎，我請你飲酒！
－－－－－－－－－－－－－－－－－
又，忍唔住，分享下一段女生間的深情對話．
"你點睇情人節？"
"無謂囉."
"你想唔想收花？"
"咁晒錢，捐左佢好過啦．"
"食飯呢？"
"無乜所謂，不過最好兩個人啦．"
"禮物呢？"
"有就緊係好啦，心意黎家嘛！"
(好standard，但唔可以比佢停．)
"即係佢聽晒你話，捐左買花錢，兩個人留係屋企煮飯仔，再行爆地買條Tiffany比你，你就會開心啦？"
"唔會特別開心，但唔會投訴囉．"
"佢咁聽你話，你仲唔錫晒佢?"
"但如果年年都係咁，會悶家嘛..."
"你要求年年唔同架？"
"又唔係嘅...但過得幾年，會想有d驚喜家嘛．"
"咁你想要咩驚喜？"
"估唔到嘅咪驚喜囉"
(去到呢個位，我已經無耐性)
"咁即係話，如果佢神早比你知道捐左買花錢，但無情情又送花比你，你就會好驚喜好開心啦？"
"係．"
"咁又即係話，當你以為係屋企食飯，點知返到去，佢買定條靚裙送比你，叫你換衫一齊去食Petrus，咁又再驚喜d再開心d？"
"直頭霖死啦" (With a sweet smile hanging on her face)
"咁如果佢去On Pedder買埋對鞋，BV買埋個Clutch呢？"
"嘩，咁我呢一世都會記住囉！" (Trust me, her eyes were sparkling)
(再無話可說，都忍唔住問埋呢句)
"咁你呢，你打算做d咩野表示下！？"
#&*@$$*!@(#)@)(##()@&(*!#&*@#^&
－－－－－－－－－－－－－－－－－
To Be Continued
標準答案為:
"我撐你，不過個晚要陪男/女友！"
"帶埋佢黎囉．"
"唔好啦，一年五十二個星期，蒲少個Weekend當陪下佢囉．"
* * *
"個晚約左個男/女仔食飯喎．"
"食完過黎咪岩囉"
"下，唔好啦，費時佢覺得我爛玩／信唔過／留個唔好印象．"
* * *
"下星期六有野玩? 好呀！"
"係你先好講窩．你唔好忍唔住，求其立個男/女仔陪你過情人節，跟住放我飛機呀!"
"下，乜個日係情人節？咁我遲d答實你．"
* * *
"約左班Friend 唱K/食飯"
"咁咪一班人黎玩囉"
"睇下點啦，個晚出黎蒲，太覓食/賣剩遮 Feel啦．"
到底邊個話情人節無意思!!?!?!?!?
邊個話情人節係HALLMARK HOLIDAY!?!?!?
你同我出黎，我請你飲酒！
－－－－－－－－－－－－－－－－－
又，忍唔住，分享下一段女生間的深情對話．
"你點睇情人節？"
"無謂囉."
"你想唔想收花？"
"咁晒錢，捐左佢好過啦．"
"食飯呢？"
"無乜所謂，不過最好兩個人啦．"
"禮物呢？"
"有就緊係好啦，心意黎家嘛！"
(好standard，但唔可以比佢停．)
"即係佢聽晒你話，捐左買花錢，兩個人留係屋企煮飯仔，再行爆地買條Tiffany比你，你就會開心啦？"
"唔會特別開心，但唔會投訴囉．"
"佢咁聽你話，你仲唔錫晒佢?"
"但如果年年都係咁，會悶家嘛..."
"你要求年年唔同架？"
"又唔係嘅...但過得幾年，會想有d驚喜家嘛．"
"咁你想要咩驚喜？"
"估唔到嘅咪驚喜囉"
(去到呢個位，我已經無耐性)
"咁即係話，如果佢神早比你知道捐左買花錢，但無情情又送花比你，你就會好驚喜好開心啦？"
"係．"
"咁又即係話，當你以為係屋企食飯，點知返到去，佢買定條靚裙送比你，叫你換衫一齊去食Petrus，咁又再驚喜d再開心d？"
"直頭霖死啦" (With a sweet smile hanging on her face)
"咁如果佢去On Pedder買埋對鞋，BV買埋個Clutch呢？"
"嘩，咁我呢一世都會記住囉！" (Trust me, her eyes were sparkling)
(再無話可說，都忍唔住問埋呢句)
"咁你呢，你打算做d咩野表示下！？"
#&*@$$*!@(#)@)(##()@&(*!#&*@#^&
－－－－－－－－－－－－－－－－－
To Be Continued
Friday, February 13, 2009
13/2 金手指 - 歐洲賓架點呃港女
Thursday, February 12, 2009
Social Gathering 101 - Update
拖左咁耐先出呢篇，sorry. 即刻入正題．
我想話呢，其實篇Case Study，我都唔肯定有無八個Point...！
又，既然已經有嘉賓客串解說，咁我無謂又Loop一次, 寫堆同樣野啦係咪？
(唔好噓住先．)
相信你一路睇篇Case Study，心裡點都數得出一兩個錯point卦？如果自覺Social Skills唔掂，當你抽身Review自己時，你都知自己衰乜，亦知自己應該點做架窩．
重點問題係
點解你唔做先？
又，如果你真係盲到一個point都找唔到，可以參考下小瓶子／黑人／Double Chin + Triple Anon 留言．
或者問下朋友，假設有的話．
但有咩好得過問自己？
怕煩？怕淤？怕樣衰？覺得好虛偽好假好無謂？唔想晒心機捱眼訓？調返轉頭，都有人係太想識人，可能想型想威，於是太熱情，又或者唔夠識相．
又一個重點
點解會有呢d想法先？
或者應該問，
點解將呢件事睇得咁難先？
＊ ＊ ＊
收視率暴跌，我知．
應該寫d實用篇，即係交談手法技巧谷谷佢，我都知
Next week, 艾波密時．
呢排搞<情人節派對>，做到想死．
但都有d觀察幾過癮，希望寫得切，聽日應下節．
＊ ＊ ＊
至於利誘，其實我個個都想比．（哇可唔可以再行d呢!?）
Anyways, the winner is 小瓶子．
Thanks for your support/ link / time / respond to my social 101 series.
艾甩唷柯！Xoxoxoxoxoxxoxoxoxoxo
我想話呢，其實篇Case Study，我都唔肯定有無八個Point...！
又，既然已經有嘉賓客串解說，咁我無謂又Loop一次, 寫堆同樣野啦係咪？
(唔好噓住先．)
相信你一路睇篇Case Study，心裡點都數得出一兩個錯point卦？如果自覺Social Skills唔掂，當你抽身Review自己時，你都知自己衰乜，亦知自己應該點做架窩．
重點問題係
點解你唔做先？
又，如果你真係盲到一個point都找唔到，可以參考下小瓶子／黑人／Double Chin + Triple Anon 留言．
或者問下朋友，假設有的話．
但有咩好得過問自己？
怕煩？怕淤？怕樣衰？覺得好虛偽好假好無謂？唔想晒心機捱眼訓？調返轉頭，都有人係太想識人，可能想型想威，於是太熱情，又或者唔夠識相．
又一個重點
點解會有呢d想法先？
或者應該問，
點解將呢件事睇得咁難先？
＊ ＊ ＊
收視率暴跌，我知．
應該寫d實用篇，即係交談手法技巧谷谷佢，我都知
Next week, 艾波密時．
呢排搞<情人節派對>，做到想死．
但都有d觀察幾過癮，希望寫得切，聽日應下節．
＊ ＊ ＊
至於利誘，其實我個個都想比．（哇可唔可以再行d呢!?）
Anyways, the winner is 小瓶子．
Thanks for your support/ link / time / respond to my social 101 series.
艾甩唷柯！Xoxoxoxoxoxxoxoxoxoxo
Tuesday, February 10, 2009
六十分鐘Fing頭記
下午二時，甲女要求乙女Fing 頭．乙女膽怯，不敢於光天化日下，Fing得明目張膽．甲女寸步不讓，企硬要乙女Fing頭．乙女自覺有求於人在先，既已漂洋過海，來到甲女地頭，與其反抗，不如乖乖就範，牽強地慢Fing幾下．
嚴謹認真的甲女，對乙女的敷衍舉動甚為不滿．只好開大唱機，親身示範Fing 頭的藝術．乙女見甲女Fing得過癮，本死豁出去，六十分鐘內，左右Fing前後Fing，大力Fing死Fing爛Fing快Fing慢Fing．
Fing得無法無天之時，疏忽大意，留下鐵證．
看到相片，乙女啞口無言．她日日寫Blog，只想渲泄心中腦內的Craziness．現在被甲女以一幅相片輕易道盡，她還需要再用文字表達嗎？
甲女，即吾友陸穎珊，自稱603．架眼鏡，別人叫她四眼妹，實情她有五(六!?)眼．跟貓兒朝夕相對，不單沾上一身貓兒靈氣，還學曉牠們的靈敏細膩．久而久之，竟然無師自通，開了一只心眼．
用心眼拍貓，記錄牠們淘氣挑皮的成長，出了幾部溫馨爆笑圖文集．
用心眼拍人，她擅長捕捉真情，大人細路孕婦情侶，在她鏡頭下，統統真摯漂亮．
拍人跟寵物，拍出兩者間的眼神交流溝通，除人馬狗兔鼠貓外，好像還拍過烏龜．
唱好友人2009，播放完畢．
有興趣者，敬請參觀603部落格．
又，奉政府籲，Fing頭這回事，不可一，不可再．Fing頭六十分鐘，次日醒來，整條頸痛得不能活動，足足貼了四天虎標鎮痛膏布．
──────────────────────────
My comment in FB for this photo was “The best shot in my life”.
My evil friends asked “and we can’t see your face in your best ever shot?”
I replied “This is precisely why it’s the best shot!”
=P
──────────────────────────
下篇會係 Case Study follow up.
艾波密時．
嚴謹認真的甲女，對乙女的敷衍舉動甚為不滿．只好開大唱機，親身示範Fing 頭的藝術．乙女見甲女Fing得過癮，本死豁出去，六十分鐘內，左右Fing前後Fing，大力Fing死Fing爛Fing快Fing慢Fing．
Fing得無法無天之時，疏忽大意，留下鐵證．
看到相片，乙女啞口無言．她日日寫Blog，只想渲泄心中腦內的Craziness．現在被甲女以一幅相片輕易道盡，她還需要再用文字表達嗎？
甲女，即吾友陸穎珊，自稱603．架眼鏡，別人叫她四眼妹，實情她有五(六!?)眼．跟貓兒朝夕相對，不單沾上一身貓兒靈氣，還學曉牠們的靈敏細膩．久而久之，竟然無師自通，開了一只心眼．
用心眼拍貓，記錄牠們淘氣挑皮的成長，出了幾部溫馨爆笑圖文集．
用心眼拍人，她擅長捕捉真情，大人細路孕婦情侶，在她鏡頭下，統統真摯漂亮．
拍人跟寵物，拍出兩者間的眼神交流溝通，除人馬狗兔鼠貓外，好像還拍過烏龜．
唱好友人2009，播放完畢．
有興趣者，敬請參觀603部落格．
又，奉政府籲，Fing頭這回事，不可一，不可再．Fing頭六十分鐘，次日醒來，整條頸痛得不能活動，足足貼了四天虎標鎮痛膏布．
──────────────────────────
My comment in FB for this photo was “The best shot in my life”.
My evil friends asked “and we can’t see your face in your best ever shot?”
I replied “This is precisely why it’s the best shot!”
=P
──────────────────────────
下篇會係 Case Study follow up.
艾波密時．
Monday, February 9, 2009
震得屋搖心瘁
兩星期來，一至六每天準時屋震，震得心煩氣燥，忙於爆粗，無遐專注工作．決定以無謂抗無聊，接tag 是也．
又，有無高人知道，打樁，到底要玩幾耐？
Rules:
It's harder than it looks! Copy to your own note, erase my answers, enter yours, and tag twenty people.
Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.
1. What is your name : Cecilia
2. A four Letter Word : Come/Cunt/Cock (sophie's choice)
3. A boy's Name : Cedric
4. A girl's Name : Cosette
5. An occupation : Car Washer
6. A color : Cyan
7. Something you'll wear : Corselet
8. Something you'll do : Canoodling
9. A food : Chorizo
10. Something found in the bathroom : Concealer
11. A place : Cadiz
12. A reason for being late : Crash
13. Something you'd shout : Crazy, let's be CRAZY!
14. A movie title : Casablanca
15. Something you drink : Cola Cao
16. A musical group : Chick Corea Elektric Band
17. An animal : Cat
18. A street name : Conduit Road
19. A type of car : Celica
20. The title of a song : Circus
又，有無高人知道，打樁，到底要玩幾耐？
Rules:
It's harder than it looks! Copy to your own note, erase my answers, enter yours, and tag twenty people.
Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.
1. What is your name : Cecilia
2. A four Letter Word : Come/Cunt/Cock (sophie's choice)
3. A boy's Name : Cedric
4. A girl's Name : Cosette
5. An occupation : Car Washer
6. A color : Cyan
7. Something you'll wear : Corselet
8. Something you'll do : Canoodling
9. A food : Chorizo
10. Something found in the bathroom : Concealer
11. A place : Cadiz
12. A reason for being late : Crash
13. Something you'd shout : Crazy, let's be CRAZY!
14. A movie title : Casablanca
15. Something you drink : Cola Cao
16. A musical group : Chick Corea Elektric Band
17. An animal : Cat
18. A street name : Conduit Road
19. A type of car : Celica
20. The title of a song : Circus
Don't Stop The Music
DJ Booth 前，一名男子正隨意地跟著節拍擺動身體．他突出於人群中，因每個動作，他都掌握得洽到好處．每一個節拍，他拿捏得無比準確．
精彩得，她毫不猶豫地走到他面前，擺動身體，以行動來問他"Shall we dance?"
他退後了兩步，騰出小小空位，做出一個"Show me what you've got"手勢．
喇叭晌起另一首歌的前奏．
她甩甩頭，先給他一個狡猾的淺笑，再望進他的眼睛，開始扭動身體．他依舊跟著音樂輕輕擺動，並點起一口煙，注視著眼前的她．
她跟著熟悉的旋律扭擺身體，數分鐘後，換她後退兩步，還他一個 "your turn now" 的手勢．
他深深的抽了兩口煙，隨手拋到地上，開始展現舞步.
她詫異．由於他的膚色，她理所當然以為他會做出大路的Hip Hop Move．
豈料竟是Freestyle Jazz．
她快樂的笑，自覺找對了舞伴．但高興很快換上不忿．因為她知道，他只露出了兩成板斧．她立即在腦海中Fast Forward 了一大堆J Lo, Shakira, Beyonce 的MV，希望借此請她們上身，擊敗這個囂張的男人．
極具節奏感的他察覺她的意圖，竟開始以舞步調侃她 - 這分鐘，以靈活步伐作出挑釁，但下一分鐘，他又以變化多端的動作來逗弄她．
她自知不是他的對手，但她樂在其中．兩個人，你來我往地在漆黑的舞池內比舞．DJ播了一只又一只的歌，舞池的人群亦開始疏落．但他跟她，依然緊緊盯著對方的雙眼，緊追著對方的步伐，不讓對方有喘息的機會．
此時，喇叭換上熱情的Latin Beats．DJ大概很想下班吧．相熟的他心裡應該在想:"這雙男女，跳了這麼久還沒有任何肢體觸碰，還是送他倆一程吧．"
他識趣地牽起她的手，另一只手安份地放在她不算纖弱的腰支上．不算害羞的她，兩邊臉頰竟有點熱熱的感覺．她低下頭，安份地跟從他的帶領．
他要她向左，她便向左．他要她向前，她便向前．自少好強的她，開始為自己的溫馴感到不安．他感應到她思緒上微細的轉變，右手將她往外一推，左手順勢讓她轉了兩個圈，才把她拉回懷中．
還贈上一個輕挑的鬼臉．
卡卡大笑的她，終於願意投降，乖巧地任他控制自己的一舉一動．在轉了數不清多少個圈以後，音樂聲由大漸漸變小，黑漆的舞池亦變得明亮．
到最後一個音符完全消失在空氣中，他倆才不捨地鬆開對方的手．
"You are not as lousy as I thought." 二人間的第一句話，他依然要調侃她．
"This is not fair, you have beats in your gene & rhythm in your blood." 她笑著抗議
* * *
回家的路上，她掛著一抹甜到膩的傻笑，細味著那場綺妮的比舞．假如音樂沒有停止，也許她會不惜腳跛人亡，也要繼續跳下去．可惜好夢再纏綿綺麗，總有夢醒時份．再曼妙的旋律，也逃不過最後那個休止符．
幸好一只漂亮的休止符，只會成全動人的樂章，讓它更接近完美．
又，不過是另一首插曲已爾．
當她獨自躺在雙人床上，她還是按捺不住好奇：將他的節奏感用於睡房內，不知會帶來甚麼樣的驚喜？那個老掉了牙的傳言，又是否屬實？
那夜，她發了一場好夢．夢中有喝不完的香檳，聽不完的音樂，跳不完的舞步...
但最重要的是...
有無數個比他更優秀的舞伴．
精彩得，她毫不猶豫地走到他面前，擺動身體，以行動來問他"Shall we dance?"
他退後了兩步，騰出小小空位，做出一個"Show me what you've got"手勢．
喇叭晌起另一首歌的前奏．
她甩甩頭，先給他一個狡猾的淺笑，再望進他的眼睛，開始扭動身體．他依舊跟著音樂輕輕擺動，並點起一口煙，注視著眼前的她．
她跟著熟悉的旋律扭擺身體，數分鐘後，換她後退兩步，還他一個 "your turn now" 的手勢．
他深深的抽了兩口煙，隨手拋到地上，開始展現舞步.
她詫異．由於他的膚色，她理所當然以為他會做出大路的Hip Hop Move．
豈料竟是Freestyle Jazz．
她快樂的笑，自覺找對了舞伴．但高興很快換上不忿．因為她知道，他只露出了兩成板斧．她立即在腦海中Fast Forward 了一大堆J Lo, Shakira, Beyonce 的MV，希望借此請她們上身，擊敗這個囂張的男人．
極具節奏感的他察覺她的意圖，竟開始以舞步調侃她 - 這分鐘，以靈活步伐作出挑釁，但下一分鐘，他又以變化多端的動作來逗弄她．
她自知不是他的對手，但她樂在其中．兩個人，你來我往地在漆黑的舞池內比舞．DJ播了一只又一只的歌，舞池的人群亦開始疏落．但他跟她，依然緊緊盯著對方的雙眼，緊追著對方的步伐，不讓對方有喘息的機會．
此時，喇叭換上熱情的Latin Beats．DJ大概很想下班吧．相熟的他心裡應該在想:"這雙男女，跳了這麼久還沒有任何肢體觸碰，還是送他倆一程吧．"
他識趣地牽起她的手，另一只手安份地放在她不算纖弱的腰支上．不算害羞的她，兩邊臉頰竟有點熱熱的感覺．她低下頭，安份地跟從他的帶領．
他要她向左，她便向左．他要她向前，她便向前．自少好強的她，開始為自己的溫馴感到不安．他感應到她思緒上微細的轉變，右手將她往外一推，左手順勢讓她轉了兩個圈，才把她拉回懷中．
還贈上一個輕挑的鬼臉．
卡卡大笑的她，終於願意投降，乖巧地任他控制自己的一舉一動．在轉了數不清多少個圈以後，音樂聲由大漸漸變小，黑漆的舞池亦變得明亮．
到最後一個音符完全消失在空氣中，他倆才不捨地鬆開對方的手．
"You are not as lousy as I thought." 二人間的第一句話，他依然要調侃她．
"This is not fair, you have beats in your gene & rhythm in your blood." 她笑著抗議
* * *
回家的路上，她掛著一抹甜到膩的傻笑，細味著那場綺妮的比舞．假如音樂沒有停止，也許她會不惜腳跛人亡，也要繼續跳下去．可惜好夢再纏綿綺麗，總有夢醒時份．再曼妙的旋律，也逃不過最後那個休止符．
幸好一只漂亮的休止符，只會成全動人的樂章，讓它更接近完美．
又，不過是另一首插曲已爾．
當她獨自躺在雙人床上，她還是按捺不住好奇：將他的節奏感用於睡房內，不知會帶來甚麼樣的驚喜？那個老掉了牙的傳言，又是否屬實？
那夜，她發了一場好夢．夢中有喝不完的香檳，聽不完的音樂，跳不完的舞步...
但最重要的是...
有無數個比他更優秀的舞伴．
Saturday, February 7, 2009
開心事
得知朋友仔當編劇的電影入圍柏林影展，大喜．恭賀他時，問他為何沒有隨導演出發到柏林，他答
"現在，我只是編劇．將來，我自己會以導演身份參展．"
朋友仔的志氣，多年如一，實在難得．
記起畢業等如失業的年頭，他未畢業已經被某導演看中，以不記名方式，參與編劇第一套商業電影．編至第三套時，他的名字，正式出現在編劇一欄．
那年，十九歲的我，唔知死地問他: "喂其實你有無覺得自己好好彩？"
廿五歲的他答我
"遇上有能力/條件Offer機會的百樂，當然好彩．但果個機會，佢唔一定要比我．佢可以比阿A阿B阿C，又或者邊個都唔比．
想要呢個機會，就要証明自己係值得．我深知自己唔係天才，所以我一定要用勤力搭夠，一直做做做做，做到人地覺得，我，係會珍惜呢個機會為止．
妳要記住，當越來越少人肯腳踏實地時，你肯加兩錢努力，其實已經Stand Out左．"
我記住記住記住他說的這番話．
雖然記住了，我依然是不成才地死玩爛玩...
但我賞試認真勤力地去玩 =p
* * *
我唔知世界變得好左定壞左，但有一樣野，我好肯定．
今時今日，"懷才不遇"，同中六合彩頭獎，需要相等運氣．
鍾意咩野，根本唔係問題．問題係，實在有幾鍾意呢？
人或事，你真心地鍾意，自然會花心思，花時間．
不問回報．
呢三兩年，My only agenda in mind is to learn how to play hard.
玩，其實都要花心機時間氣力去學．
有機會再講．
"現在，我只是編劇．將來，我自己會以導演身份參展．"
朋友仔的志氣，多年如一，實在難得．
記起畢業等如失業的年頭，他未畢業已經被某導演看中，以不記名方式，參與編劇第一套商業電影．編至第三套時，他的名字，正式出現在編劇一欄．
那年，十九歲的我，唔知死地問他: "喂其實你有無覺得自己好好彩？"
廿五歲的他答我
"遇上有能力/條件Offer機會的百樂，當然好彩．但果個機會，佢唔一定要比我．佢可以比阿A阿B阿C，又或者邊個都唔比．
想要呢個機會，就要証明自己係值得．我深知自己唔係天才，所以我一定要用勤力搭夠，一直做做做做，做到人地覺得，我，係會珍惜呢個機會為止．
妳要記住，當越來越少人肯腳踏實地時，你肯加兩錢努力，其實已經Stand Out左．"
我記住記住記住他說的這番話．
雖然記住了，我依然是不成才地死玩爛玩...
但我賞試認真勤力地去玩 =p
* * *
我唔知世界變得好左定壞左，但有一樣野，我好肯定．
今時今日，"懷才不遇"，同中六合彩頭獎，需要相等運氣．
鍾意咩野，根本唔係問題．問題係，實在有幾鍾意呢？
人或事，你真心地鍾意，自然會花心思，花時間．
不問回報．
呢三兩年，My only agenda in mind is to learn how to play hard.
玩，其實都要花心機時間氣力去學．
有機會再講．
Friday, February 6, 2009
你今日隊左未?
諗左幾日，仍然諗唔明一件事 -
如果隊完"邪惡之草"，心智被荼毒，身體機能被殘害，都可以伶到八金...
飛．魚．仔．仲．唔．係．超．人？
最鍾意d人講/寫 "佢係國寶，是萬千兒童和年輕人的偶像，他不可行差踏錯．"
佢已家已經"行差踏錯"左，咁佢仲係唔係你偶像？
咁你唔再當佢係偶像時，佢係咪就可以明正言順地"行差踏錯"先？
!(*@$*(!(*@*&&*@#&@#*&@!#&*@!*&#
又，我好想寫Email 比飛魚仔，勸佢即刻棄暗投明，移民去荷蘭囉．
最好呢，佢日隊夜隊，隊到2012年為荷蘭增光，伶下十面金牌．
如果佢唔咁做，我地邊有機會問d自私虛偽膠
"喂，你今日隊左未呀？"
如果隊完"邪惡之草"，心智被荼毒，身體機能被殘害，都可以伶到八金...
飛．魚．仔．仲．唔．係．超．人？
最鍾意d人講/寫 "佢係國寶，是萬千兒童和年輕人的偶像，他不可行差踏錯．"
佢已家已經"行差踏錯"左，咁佢仲係唔係你偶像？
咁你唔再當佢係偶像時，佢係咪就可以明正言順地"行差踏錯"先？
!(*@$*(!(*@*&&*@#&@#*&@!#&*@!*&#
又，我好想寫Email 比飛魚仔，勸佢即刻棄暗投明，移民去荷蘭囉．
最好呢，佢日隊夜隊，隊到2012年為荷蘭增光，伶下十面金牌．
如果佢唔咁做，我地邊有機會問d自私虛偽膠
"喂，你今日隊左未呀？"
Thursday, February 5, 2009
Social Gatering 101 - Case Study
週四晚，LKF酒吧內，Networking Happy Hour.
Invitation 上寫著聚會由七點半開始，一直以守時自傲的你跟友人準時到達．眼見場內得小貓十餘隻，你倆到吧檯拿過一瓶啤酒後，很自然地走到一個不太惹人注目，但又可以望到門口的位置．
三十分鐘過去，你跟友人依然站在同一角落，有一句沒一句的閒扯著，但目光卻不時盯著門口．誰進來誰離開，你不單心中有數，更暗自在心裡打上剔或交叉．
然後，一名剛進場的異性不經意地望向你，四目交投，你立即把頭轉向另外一邊，向他/她展示 "拿，你唔好意為我特登(目及)你啊！"的姿態．
你努力的把頭保持在那一個"避免誤會的角度"，唔，大概有分半鐘左右吧，你眼尾睄到她已經行開，才敢把頭放回一個正常的角度．
呢個時候，你開始有一絲懷疑: "其實，頭先果個，都好似得得地架窩"．．．．
想再望多兩眼，但已經太遲了．諗多兩諗，你終於打破 Dead Air 七分鐘的悶局，開口問友人
"喂，頭先入黎時望住我果個男(女)仔，你覺得O唔OK啊?"
"邊個呀？”
"呢，著黑色衫果個呢"
友人將目光從左到右一掃，企圖從在場的六七十人當中，找出你所說的目標人物．奈何穿黑色衫的人實在太多，他只能滿臉茫然地回你一個 "下!?!?!?"．
失望之下，你開始在黑陌陌的酒吧內，依靠微弱燈光，嘗試以眼睛找回他／她所穿的那件黑衫．
手上那瓶啤酒越來越暖，而你的一雙腿也開始酸了．但心內又有一絲不忿，因為你未能證實他／她的質素如何．死死地氣走到吧頭，買來另一支冰凍啤酒，又自然地走回那個安全的角落，企在友人身旁，繼續你的搜索行動．
這一次，你只拿著啤酒站了二十分鐘，友人便提議離開．你心裡暗嘆 "唉，今晚都係無運行架喇，都係收隊罷啦．"
一個月後，朋友再叫你去同類型聚會，你已經無乜興趣再參與．
因為你覺得，早d返屋企打機／訓覺／上網好過．
* * *
係呢個Case Study裡面，我收埋左八個我認為可以改善的地方，打算下篇先解話．
但打完，我又突然間覺得，得我講無人講，好悶．每個人觀點角度都唔同，同一個Situation 下，一定有唔同睇法做法．如果有人樂意幫手解話分享下，咁我地咪可以一齊學多幾招？
咁跟住呢，我當然又開始抽起條筋啦．
喂你地都陪我顛左咁耐不如一齊寫下啦喂！
試於前文中，找出五個你認為<你>可以改善的要點，加以重寫，令一個悶到爆的夜晚變為Fun Night. 終極目標為：當下次再得知有同類型活動，<你>會好好好樂意再參與．
喂就不如就試下利誘你地啦！
最多咁，如果真係有人肯陪我顛，寫得最好果個，有獎．
咩叫最好？無Standard 架，我覺得最Likey架囉．
獎乜？你話啦 (Within MY REASONS 呀唔該)．唔想諗都得，我會比幾個我認為你會Likey 的option 你．另，外地網友，我應承我會寄DHL ok!?
有意齊齊玩者，煩請週日(8/1)前Email 至 lau_cecilia@ymail.com
* * *
喂如果真係無人睬我，都真係幾淤架窩...
不過無所謂啦，我都仆慣街架啦．
呵！
Invitation 上寫著聚會由七點半開始，一直以守時自傲的你跟友人準時到達．眼見場內得小貓十餘隻，你倆到吧檯拿過一瓶啤酒後，很自然地走到一個不太惹人注目，但又可以望到門口的位置．
三十分鐘過去，你跟友人依然站在同一角落，有一句沒一句的閒扯著，但目光卻不時盯著門口．誰進來誰離開，你不單心中有數，更暗自在心裡打上剔或交叉．
然後，一名剛進場的異性不經意地望向你，四目交投，你立即把頭轉向另外一邊，向他/她展示 "拿，你唔好意為我特登(目及)你啊！"的姿態．
你努力的把頭保持在那一個"避免誤會的角度"，唔，大概有分半鐘左右吧，你眼尾睄到她已經行開，才敢把頭放回一個正常的角度．
呢個時候，你開始有一絲懷疑: "其實，頭先果個，都好似得得地架窩"．．．．
想再望多兩眼，但已經太遲了．諗多兩諗，你終於打破 Dead Air 七分鐘的悶局，開口問友人
"喂，頭先入黎時望住我果個男(女)仔，你覺得O唔OK啊?"
"邊個呀？”
"呢，著黑色衫果個呢"
友人將目光從左到右一掃，企圖從在場的六七十人當中，找出你所說的目標人物．奈何穿黑色衫的人實在太多，他只能滿臉茫然地回你一個 "下!?!?!?"．
失望之下，你開始在黑陌陌的酒吧內，依靠微弱燈光，嘗試以眼睛找回他／她所穿的那件黑衫．
手上那瓶啤酒越來越暖，而你的一雙腿也開始酸了．但心內又有一絲不忿，因為你未能證實他／她的質素如何．死死地氣走到吧頭，買來另一支冰凍啤酒，又自然地走回那個安全的角落，企在友人身旁，繼續你的搜索行動．
這一次，你只拿著啤酒站了二十分鐘，友人便提議離開．你心裡暗嘆 "唉，今晚都係無運行架喇，都係收隊罷啦．"
一個月後，朋友再叫你去同類型聚會，你已經無乜興趣再參與．
因為你覺得，早d返屋企打機／訓覺／上網好過．
* * *
係呢個Case Study裡面，我收埋左八個我認為可以改善的地方，打算下篇先解話．
但打完，我又突然間覺得，得我講無人講，好悶．每個人觀點角度都唔同，同一個Situation 下，一定有唔同睇法做法．如果有人樂意幫手解話分享下，咁我地咪可以一齊學多幾招？
咁跟住呢，我當然又開始抽起條筋啦．
喂你地都陪我顛左咁耐不如一齊寫下啦喂！
試於前文中，找出五個你認為<你>可以改善的要點，加以重寫，令一個悶到爆的夜晚變為Fun Night. 終極目標為：當下次再得知有同類型活動，<你>會好好好樂意再參與．
喂就不如就試下利誘你地啦！
最多咁，如果真係有人肯陪我顛，寫得最好果個，有獎．
咩叫最好？無Standard 架，我覺得最Likey架囉．
獎乜？你話啦 (Within MY REASONS 呀唔該)．唔想諗都得，我會比幾個我認為你會Likey 的option 你．另，外地網友，我應承我會寄DHL ok!?
有意齊齊玩者，煩請週日(8/1)前Email 至 lau_cecilia@ymail.com
* * *
喂如果真係無人睬我，都真係幾淤架窩...
不過無所謂啦，我都仆慣街架啦．
呵！
Tuesday, February 3, 2009
Social Gathering 101 - 心理調整
不論你參與Social Event 的最終目的為何，請緊記世界上無任何事會"包生仔"．
講真，你再淤，有幾多人識得你？見到你淤o既，兩個月後係街見到又會唔會記得你？
如果佢真係記得你，或者因你淤事認識你，咁我同你講聲恭喜晒．
You made a hell of an impression.
* * *
心理調整，好重要．例如，電車男成日覺得無女仔鍾意，但我想話，我識好多靚女，都對Nerds特別有興趣．
前題係，係你遇到呢幾個靚女之前，你肯唔肯信世界上真係有靚女，會專吼電車男先？
你唔好扯我，我心目中永恆女神，100% 純正本地美女，現正單身．佢自十三歲開始煲美日動漫，廿歲開始打Game，後來仲打War Craft 打到比Blizzard 請埋做Freelance，而家手下帶住近50個Gamer幫Blizzard開工．
喂，我講真架．佢仲要唔Nerdy o既唔鍾意囉唔該．
學燦叔話齋，"百貨應百客"．但如果你身為Supplier都對自己產品無信心，咁你係咪應該先將產品 QC 到合理兢爭力水平，再嘗試 Marketing呢？
* * *
下邊呢堆係我嚴重宅女時期，自己同自己講過o既娘野．可以Skip，不過我都捱眼訓打左咁多字，唔爭在擺喇唉．
1/ 怕醜
非壞事，仲有人認為是可愛(!?)的一件事．但怕醜之餘，唔好吝嗇笑容．寧願係咪都笑，都一定好過木無表情或黑口面扮Cool．
2/ 等人撩傾計
都無問題，但前題係令人知道"你有意慾去同人傾計"．瑟縮一角，唔好話同你傾計，有無人見到你都成問題啦．
3/ 只渴望與合眼緣的異性交談
呢個世界唔係男人就係女人，你凈係想同異性講野，我明白，但同時亦提醒你，世界充滿可能性．例如，你可能識到一個同性，因而識到十個八個異性．F*ck the competitive shit, you need allies.
5/ 自覺包裝不夠吸引
你再索再正再靚，索靚正唔過曼玉志玲朝偉劉華．但再醜再難o更，又不是慕鍊如花八兩金之流．凡人，就是比上不足比下有餘的一群，Which is the majority.
你對自己無信心，比件亞曼尼Black Label你著都唔會覺自己得．
(我只不過想話，我識o既"最受歡迎人物"內，無幾多個係靚爆鏡．靚爆鏡的一兩個，我肯定你傾三分鐘計已經想爆樽了．)
6/ 認為在場參與人士的最終目的不是錢便是性．
出得黎Social Gathering，大家都係想輕鬆下，識下人，何苦太斤斤計較？
又，如果真有人對你的錢/ 身體表現興趣，you should learn to take it as compliment.
又又，有無人發現我特登漏左邊個Point 未講呢？
* * *
我不是專家，沒有兩三招"必殺技"教你．
我不是才女，欠缺深厚文字功力，無法簡潔地以Point form逐點激破．
我只是一名宅女，抽起條筋，想分享過去兩三年間比較深刻的體驗．
下次，下次我地做Case Studies 喇好無？ (如果仲有人想睇)
講真，你再淤，有幾多人識得你？見到你淤o既，兩個月後係街見到又會唔會記得你？
如果佢真係記得你，或者因你淤事認識你，咁我同你講聲恭喜晒．
You made a hell of an impression.
* * *
心理調整，好重要．例如，電車男成日覺得無女仔鍾意，但我想話，我識好多靚女，都對Nerds特別有興趣．
前題係，係你遇到呢幾個靚女之前，你肯唔肯信世界上真係有靚女，會專吼電車男先？
你唔好扯我，我心目中永恆女神，100% 純正本地美女，現正單身．佢自十三歲開始煲美日動漫，廿歲開始打Game，後來仲打War Craft 打到比Blizzard 請埋做Freelance，而家手下帶住近50個Gamer幫Blizzard開工．
喂，我講真架．佢仲要唔Nerdy o既唔鍾意囉唔該．
學燦叔話齋，"百貨應百客"．但如果你身為Supplier都對自己產品無信心，咁你係咪應該先將產品 QC 到合理兢爭力水平，再嘗試 Marketing呢？
* * *
下邊呢堆係我嚴重宅女時期，自己同自己講過o既娘野．可以Skip，不過我都捱眼訓打左咁多字，唔爭在擺喇唉．
1/ 怕醜
非壞事，仲有人認為是可愛(!?)的一件事．但怕醜之餘，唔好吝嗇笑容．寧願係咪都笑，都一定好過木無表情或黑口面扮Cool．
2/ 等人撩傾計
都無問題，但前題係令人知道"你有意慾去同人傾計"．瑟縮一角，唔好話同你傾計，有無人見到你都成問題啦．
3/ 只渴望與合眼緣的異性交談
呢個世界唔係男人就係女人，你凈係想同異性講野，我明白，但同時亦提醒你，世界充滿可能性．例如，你可能識到一個同性，因而識到十個八個異性．F*ck the competitive shit, you need allies.
5/ 自覺包裝不夠吸引
你再索再正再靚，索靚正唔過曼玉志玲朝偉劉華．但再醜再難o更，又不是慕鍊如花八兩金之流．凡人，就是比上不足比下有餘的一群，Which is the majority.
你對自己無信心，比件亞曼尼Black Label你著都唔會覺自己得．
(我只不過想話，我識o既"最受歡迎人物"內，無幾多個係靚爆鏡．靚爆鏡的一兩個，我肯定你傾三分鐘計已經想爆樽了．)
6/ 認為在場參與人士的最終目的不是錢便是性．
出得黎Social Gathering，大家都係想輕鬆下，識下人，何苦太斤斤計較？
又，如果真有人對你的錢/ 身體表現興趣，you should learn to take it as compliment.
又又，有無人發現我特登漏左邊個Point 未講呢？
* * *
我不是專家，沒有兩三招"必殺技"教你．
我不是才女，欠缺深厚文字功力，無法簡潔地以Point form逐點激破．
我只是一名宅女，抽起條筋，想分享過去兩三年間比較深刻的體驗．
下次，下次我地做Case Studies 喇好無？ (如果仲有人想睇)
Monday, February 2, 2009
未能貼題 - Social Gathering 101
Social Gathering 中，新手常犯錯誤包括
1/ 怕醜(淆底)
2/ 等人撩傾計
3/ 只渴望與合眼緣的異性交談
4/ 不懂得如何展開有趣的話題
5/ 自覺包裝不夠吸引
6/ 認為在場參與人士的最終目的不是錢便是性．
任何認同兩項或以上的人，我敢保証他們一定是躲在角落喊悶的一群．作為一個旁觀者／參與者，我明白人一但離開熟知環境，會對未知懷有恐懼．但假如你已經踏出"願意參與"的第一步，何不放輕鬆試試Enjoy the party?
唔，又要賣個關子先．因為今日想講其他野．呵
* * *
最近，瘋狂迷上了一個名為 Dating A Banker Anonymous的博．
Introduction of the blog -
Are you or someone you love dating a banker? If so, we are here to support you through these difficult times. Dating A Banker Anonymous (DABA) is a safe place where women can come together – free from the scrutiny of feminists– and share their tearful tales of how the mortgage meltdown has affected their relationships. DABA Girls was started by two best friends whose relationships tanked with the economy. Not knowing what else to do, we did what frustrated but articulate girls have done since the beginning of time - we started a blog.
人情冷暖，一覽無遺．無奈得，讓我想起卡門的歌詞．
* * *
香港作為金融都市，縱然面對金融海嘯，仍有許多女子懷有"嫁個好賓架"的想法．
找個好歸宿，千千萬萬女子的夢想．作為目擊証人，曾經目睹女子接過哥兒名片時，雙眼是如何放光．
對呀，他名片上的title是VP，住在南區某某灣的兩千呎公寓，平日外出消費，刷的是Amex 白金卡，而他的座駕，是一輛超型的哈利．
但親愛的，三十三歲的他，實際年收入不到百萬．在銀行界，不過是一個比小薯更小薯的人物．他的title 及福利，一是因為HK Office headcount 細，二是因為 the differences in EU taxing system.
當他花的錢大都不是自己的，當然豪爽．一旦被裁員，要回祖國找一份合理的工作，After tax 所賺的，可能比你現在實賺的更少．
* * *
又娘爆的說句，人生的伴侶，不止可以共患難，也不淨是共富貴．
可以共渡餘生的人，是當回歸恆常平淡之時，也願意緊握你手的那個人．
* * *
唔型丫嘛，都話知囉！
1/ 怕醜(淆底)
2/ 等人撩傾計
3/ 只渴望與合眼緣的異性交談
4/ 不懂得如何展開有趣的話題
5/ 自覺包裝不夠吸引
6/ 認為在場參與人士的最終目的不是錢便是性．
任何認同兩項或以上的人，我敢保証他們一定是躲在角落喊悶的一群．作為一個旁觀者／參與者，我明白人一但離開熟知環境，會對未知懷有恐懼．但假如你已經踏出"願意參與"的第一步，何不放輕鬆試試Enjoy the party?
唔，又要賣個關子先．因為今日想講其他野．呵
* * *
最近，瘋狂迷上了一個名為 Dating A Banker Anonymous的博．
Introduction of the blog -
Are you or someone you love dating a banker? If so, we are here to support you through these difficult times. Dating A Banker Anonymous (DABA) is a safe place where women can come together – free from the scrutiny of feminists– and share their tearful tales of how the mortgage meltdown has affected their relationships. DABA Girls was started by two best friends whose relationships tanked with the economy. Not knowing what else to do, we did what frustrated but articulate girls have done since the beginning of time - we started a blog.
人情冷暖，一覽無遺．無奈得，讓我想起卡門的歌詞．
* * *
香港作為金融都市，縱然面對金融海嘯，仍有許多女子懷有"嫁個好賓架"的想法．
找個好歸宿，千千萬萬女子的夢想．作為目擊証人，曾經目睹女子接過哥兒名片時，雙眼是如何放光．
對呀，他名片上的title是VP，住在南區某某灣的兩千呎公寓，平日外出消費，刷的是Amex 白金卡，而他的座駕，是一輛超型的哈利．
但親愛的，三十三歲的他，實際年收入不到百萬．在銀行界，不過是一個比小薯更小薯的人物．他的title 及福利，一是因為HK Office headcount 細，二是因為 the differences in EU taxing system.
當他花的錢大都不是自己的，當然豪爽．一旦被裁員，要回祖國找一份合理的工作，After tax 所賺的，可能比你現在實賺的更少．
* * *
又娘爆的說句，人生的伴侶，不止可以共患難，也不淨是共富貴．
可以共渡餘生的人，是當回歸恆常平淡之時，也願意緊握你手的那個人．
* * *
唔型丫嘛，都話知囉！
Subscribe to:
Posts (Atom)
Posts
