The Little Fox

一瞓醒，就見到呢個clip。

厭惡性

週五吹閒水，我6點半仲有個call，一路講，對面個幫手就面有難色。我放低個電話時，佢話：「呢啲call我講咗過百個，諗起都想嘔。」

我笑一笑，爭啲想話Plumber does a good job, he keeps the shit flowing.＊

某時，要有sales，就當然自知。石破天驚同執啲石頭生火，基本只差一線。

但係，某時想嘔，就反而係啲唔到自己理嘅嘢。例如，應用啲網上系統時，其實最基本要包括啲咩？每次用HKPC個網站交表，我都覺得世界好灰暗：完全唔明點解連cache都無？一次個要填完3項select晒啲文件，同製作緊server time out有咩分別？

後來，我當然係server timeout-ed，仲要填晒先知。但我等，相信每個程式編製者都係善良嘅，佢會出個alert比個exit route 我：server time out, click here to re-submit，然後，我所填嘅所有資料都仲係到..

嘻，你估公司真係請我返嚟發夢咩？

* 名句當然出自Charles B

交惡

「英國居然認真比BNO移居...」我話。
「你會去英國？」佢問。
「或者...」
「你唔係嚟X國？」
「上次你話，因局勢住埋一切，太唔浪漫...」我答。
「嗯...你係大象？」
「！？！？！」
「點解你咩都記得？」

--------------

「你睇吓呢隻Crypto...」我send條link比佢。
「個名好聽喎...」
「但你睇吓啲團員...」
「嘩...9成黃皮...」
「而當中有我嗰輩最『頂尖』嘅學者...」
「英國大學畢業？？」
「香港大學undergrad，獎學金英國post grad。」我答。
「但我唔奉信名牌大學...」佢話。

我個心想冷笑，佢都不知幾鍾意自己間大學超alternative.

--------------

「咁即係，我哋要去英國？」佢問。
「係你話，如果我嚟，要因為浪漫。而我只有三餐一宿，咁我咪去英國...囉。」我答。
「依家我去英國住都唔易...」
「哦...」
「仲有，買crypto／start up唔係容易，你知唔知我睇咗幾耐先買Tesla？」
「哼，因為你要等隻嘢上咗Nasdaq先買吖嘛！」

🤬

7月14

她說：「啊，生日的人要請吃飯啊！」
他答：「當然當然。」

後來，他提醒：「別太高調。」
然後她笑：「我易容好了。」

沒想到，她易容到家，似足變性人。
她說：「還在忙耶，你在樓下稍等？」
他答：「但，我已經到了。先見到面吧。」

她笑。其實甚麼都已經預先準備，香檳啦，氣球，蛋糕，連鮮花也有呢。

當然還有採光良好的窗戶，並附上不壞的景觀。

「生日快樂。」她穿戴整齊，依阿曼尼西裝的眼光。「要喝什麼？」
「有什麼好選？」他問。
「水。」她笑。「有氣的，跟沒氣的。」
「有茶嗎？」
「水仙？普洱？」
她的流俐，惹他狐疑。
而他的猶疑，惹起她自衛。

她拉開櫃桶，拿出尖刀，然後問：「怎麼啦？到底要喝什麼？」

咖啡桌上的花瓶叫他不安，紅掌似滴血的心，旁邊是天堂鳥。

他吞吐：「喝甚麼...都..一樣...喝跟你..。」
她皺起眉頭...

他說：「你喝甚麼，我喝甚麼。」
「但我喝香檳啊。」
「！？！你又說只得水？！？」
「因為我喝香檳，所以你喝水。」她笑。

「？？？」
「不然會被說成幽會呀。」她認真的回答。
「.............................」

「蛋糕？」他再問。
「零食。」
「鮮花？」
「酒店送的。」
「而你剛才在忙的事，是...」
「在泳池邊晒太陽呀。」

「都是碰巧？」他一頭霧水。
「當然呀，記得你在升降機碰上誰嗎？」
「你呀！」
「但你認出我嗎？」她不滿。
「短髮，太陽眼鏡，口罩，長裙，還有高跟鞋；你認得你嗎？」
「而我認得你呀。」她笑。
「.........然後？」
「你生日，請我吃午飯呀！」她笑「到底吃什麼？」
「中菜。」他答。
「3秒後生效..」她看錶。「3, 2, 1... 走吧。」

「到哪兒？」
「酒家囉。」
「哪香檳，蛋糕...鮮花？」
「統統不是中菜！」
「而正確答案是？」
「你‧決‧定！」

(Happy birthday my dear. 😘)

識字頭上一把刀

據我啲非正式統計，鍾意養車嘅男人，係比較喜歡養老婆。

人到中年，男子間所討論嘅，架新車已經行晒啲5年保養，而自己對邊間行啲咩service plan又有咩經驗。

同時，最識得同女人遊戲嘅男人，幾乎全線都會玩波子。總之，每個星期出去跑咗轉後，返嚟就唔知想tune咩，然後又唔知想換啲咩parts。

當然唔係想話啲咩，但新車落地，唔見一半，呢啲價值，唔通唔似婚姻咩？

當時要靠追，然後要得個簽名，之後，一隻戒指唔單止改變兩個人嘅關係-其他social/peer pressure亦都隨之而來。

然後，當然少不了service 同maintain。一如汽車: 第1年全包，第2到第3年唔包損耗更換，第4到第5年就只有service，唔包parts。

而根據法例，7年車，先要年年驗驗車。

如果世間真係有7年之癢，唔通又唔係因為，踏入第6年，就要面對service 同parts都係要自己承包？原本每年拎返原廠，佢話咩就話咩。然後每年比多少少，又多少少。到第6年，原廠開價話要以呢個價繼續。

「吓？講真？運輸署話每年驗車5百8，你同我講，入門級service係每年5千8? 當我係水魚嗎？」

就好次141可能$380都有交易。但氹個老婆一笑，$3,800都已經係出手太低。

政府指引列明：驗車係$580。

開頭，好多人都係咁面對車房。但到真係出去搵時，又有邊個真係求其去其中一間指定驗車中心，就真係比$580行得出嚟？

呢個$580定價，同李嘉欣當年所講嘅有咩分別呢？
「想搵個錫自己嘅人囉。」

係香港，女性同你講有咩擇偶要求時，唔通會加個「識」係「錫」嘅前面？

對幾多人，個「錫」字係代表偏袒同縱容？以因為誤解個「錫」字，又叫幾多人忍讓，甚至垂淚？

但多個「識」字，係咪會先問於「知」呢？

就好似拎㗎車去車房，好多人都仍然先諗間車房誠唔誠實，但就唔會先睇下個師傅有無啲咩教到自己。面對感情，好多人仍然先著重於個對方有幾知道自己籠嘢，但就好少望吓個對方到底知道世界上嘅咩嘢。

就好似，個小三好似好知道自己心意喎。例如，會挑逗，會勾引，會用兵，真係開正自己啲甜味喎。

而真係呃到你嘅車房，又點會唔係先讚你呢五年保養一流，然後先搵啲最平凡嘅嘢開始叫你比錢？例如偈油/brake皮？甚至連換軚，都識叫你將兩條兩條咁換，咁會慳錢啲？

你時間有限，先係重點。如果你去多幾間車房，你發現好似你呢種戇居佬，年中都最少三幾千個。如同啲小三見到啲動搖嘅男人一樣。

但個小三對世間又有咩理解呢？不外乎係：男人對個女人照顧時，就會俾錢養囉。車房嘅師傅都只係望住：條友想錫車自然會磅水。

但又有幾多男人係第5／6年時問下自己：係喎，都5/6年啦喎，為咩我連個new owner kit都未揭過？(兩個人嘅生活，係咪應該有啲咩嘅交流為理想呢？)

於是，某時都唔想吓吓話啲人哋角色扮演，而唔追求最真實嘅一面。因為，如果出到嚟要似Kate Middleton，但係床上又應該似Marilyn Monroe嘅，個啲叫Bipolarity。

正常人係應該先問：福特汽車公司自1903年成立，咁多人都仍然希望擁有呢？

又或者，點解仍然有人渴求vintage car？？

某時，我好記得係紐西蘭見個㗎粉藍色嘅古董車。45年車齡，一手車主。而個位太太嘅無名指上，有4隻戒指。

4隻指環嘅設計，都透露住各自嘅出產年份。

而個㗎車嘅設計同保養嘅簇新，都叫我對保存掀起另一層想像。就似在自問：「1萬年不好嗎？為甚總是執著於50年？」

而類似角力，居然已經消耗半生。

廿一世紀嘅整整一百年，為咩咁多人試圖以一夫一妻表達文明？

薯D

噚日我問麵包：「你有無睇日蝕呀？」

佢Eh咗3秒...「歐洲唔係觀賞嘅經緯...」

我：「咁你可以睇live或video咖嘛...」

然後我再問：

「咁，即係，太陽同月亮嘅移動都係真時，由於位置，你同我都會見到唔到嘅景象？如果係咁嘅，點解對於消息，資料，甚至知識，有人始終想統一環球嘅景觀呢？」

「小姐，你個地球，到底係咪圓㗎？」

「吓？我唔知喎。感覺上係嘅，因為，要有氣流嘛。」

「......薯仔。」

「？？？」

「係薯仔。」

「你話我薯？」

「我係話，個地球係類似薯仔嘅形狀呀！！」

「所以先有地心吸力？」

「你無謂諗啲咁深嘅嘢...」

「吓？我淨係問緊：『地球嘅形狀如何引致物體嘅移動。」

「香港已經4點幾，你去瞓啦，唔好問Astrophysics啦。」

「吓？明明係你指地球係薯仔型狀先！！！」

然後今晚唔知講咩，我又撻咗句出嚟：

「源自你唔願意接受我嘅世界可能係Flat嚕。」

「OK。我會接受或者係似個盒。」

「啊？妥協？」

「意思係2D，或者3D。」

「咁薯仔係幾多D?」

「你乖啲，聽話啲，唔好再問多啲。」

(👀佢講，我咪唔駛問囉。)

Orderly as top fit

噚晚寫：資本帝制後勁強。今朝瞓醒時，我寫咗呢段：

「桂林唔知落咗場幾大嘅雨，浸咗大半條行車天橋。畫面詭異，網友笑Top Shot似足航空母艦。我笑笑。下一篇，已經笑唔出：香港巴士下層車箱水浸。

『大概，避忌於某國二字，是無止境的天災或人禍，實在磨人？』

而我當然不知，到底是什麼自尊，或自省，才叫某些人必須以國之名染指他人。

某時，甚麼國或不國？身份？？我做份工，仍然無得抱怨- 若然出錯，我就唔係人。聖人都有錯，因為聖人可以錯。

我同聖人嘅距離，就係佢再錯都係啱。」

「空姐吳嘅Viral出現眼前時，我記起佢係高院外嘅發言。個種『對過白人橫砰砰』嘅『韻味』，忽然令我有半點幸福感。

於洋人可以擺款嘅年頭，尊重或禮貌，居然曾經on the offer。而香港人，竟然因此可以要求自己先抬起頭，唔好彎底半條腰扮哈巴。

若然「施比受更有福」，哪大仁大義，出自於那口唇？然而那嘴臉，一看就知吝嗇成性，叫我記起只拿不給。」

食晏時間，得知國泰變民安。心中有氣，之前卡塔爾航空言明可以注資，國泰話無需要。如今，居然破天荒由政府出手持股。心中嘅哀怨，已經係暴升：就算個個都知卡塔爾係紅，但市場事，市場了。明棟大家嘅，由匯豐開始，到渣甸怡和，再到利豐，甚至Bossini。

於是我嬲到出Post問：是「再見我的白領」第一季嗎？

傳聞國泰業績無大問題，只係揩「炒燶期油」。我失笑：「當真？以公帑購入國泰股份，以後國泰做境內推廣時，會唔會有利益衝突？」

當然無謂。

坊間有好多揣測，例如話國航已經持有29%股份，如果再收購，就要做public offer，同時會令股票急升。

所以借特區政府政府。

但我始終諗唔明卡塔爾係呢件事嘅角色。一隻可以用但又用唔到棋？

都無謂多諗。因為best case scenario係：紅資逼倉，國泰受狙擊，與其點都係有所失，佢寧願搏比政府。

唔知，無人知。但只係想話，2020年已經死咗好多港資。商賈值得大家討厭，但於小至1個department head都要孭head count時，點都要有班撚樣肯出糧。

對唔住，我自己係新樂哺咗半年，始終都無法扭轉啲咩。極其只可以話，我有份陪個60年嘅招牌走到最後。

最起碼，今次嘅所有不捨，都係真嘅。多謝新樂嘅每一個員工：you ran a very tight ship.

唔需要多解釋，只要係佢個場，就自然會知道。

然後臨瞓前，係中環嘅實時畫面。

Orderly?
Where

想唔駛做

如果話廚房好重要，咁其實雪櫃都好重要，再加埋Pantry同埋工具，先組合為All Star Team。

週五放工返阿媽到，食咗餐。星期六擘大眼就打邊爐，然後自己動手燉牛肉。瞓醒晏覺，又繼續食。之後同德國嚟個V-Drinks，嘻嘻哈哈搞到點幾去瞓。

星期日，居然朝早八點已經埋位做嘢。好珍惜呢幾個鐘嘅心無旁騖。

然而唔賭唔知時運到：一起手就做咗32個鐘。

48-32=16。每日瞓到6個鐘，有2個鐘頭食嘢同梳洗，仍然記得做Mask...

係自己空間，我始終感到平靜。唔需要諗今餐食咩，可以浸浴，同隨時可以敷面，都已經係日常嘅享受。

要求係咪好低？
但以每日做12個鐘計，唔需要化妝／見人／搭車／諗食咩，係每日慳緊3個鐘。

對唔住，票投remote work已經太多年。但遺憾我哋呢啲Social Living + Shared Economy孽種總係遇人不淑。

當然無人問我，但資本帝制後勁凌厲。

如果當初有人問：唔通人一世就只可做粒螺絲？
咁我大概會勸：唔溶咗你，改到佢要個款，就當執到。

始終想終日飽餐呀～例如以建立遮掩要做。