應電郵之邀，寫一篇對C+的感覺，我回信：「吓？我倆未見過面，只以文會友，我都係靠去認識妳咋喎！」C+答：「OK！我正要這感覺！」好！我嘗試組織一吓對C+的感覺，（大部分只是我對她的主觀投射或片面猜測，應該跟現實的C+有所出入）。唔介意的話，讓我呈現一位2D（唔立體）的C+。
C+番書妹？
我最羨慕能操流利外語的人，尤其是英文或法文！（苗族話和藏話則次之）。C+能操一手一口純正英文，她有些posts用英文寫成（仲要查字典先睇得明嗰隻）。嘩！會考攞A無難度。羨慕之餘，教我不敢在她面前亂用英文，驚港式英語露底！貽笑大方。C+如果唔係ABC、就一定係番書妹，總之黃皮白心，揸筷子唔正宗、打死都唔會食鹹蛋四寶飯。
C+蘭桂坊？
對ABC和番書妹的投射，就是愛泡蘭桂坊！C+有文章講自己穿Sexy吊帶小背心，去跳舞飲酒，又放自己抽煙的型格照片於blog上，嘩！C+一定好愛泡、好玩得、好蘭桂坊、好開放的半唐番！但C+話自己唔泡、好宅女、唔開放，仲單身了兩個年頭！哼！咁講，無非都係唔想引人遐想，惹來狂蜂浪蝶啫！
C+靚女？
我跟幾位網友曾提起過C+，都異口同聲話C+係靚女，唔係「少女十八無醜婦」的OK，而真係靚嗰隻！但其實從未見過她一張正正經經的大頭特寫。最近見到C+的Fing頭黑白藝術相，嘩！進一步confirm C+是五官輪廓精緻，計我話：C+是型多過靚，「型」是犀利過「靚」！靚可以後天人工整，但型不是模仿或學習得來。
C+錢？
我記得在文中見過C+年少時的騎馬照片（不是Osim騎馬機，是真正馬術），C+住中環、養有幾隻愛犬，有錢又有品味，飲的酒、穿的裙與鞋；目不暇給。嘩！父母一定大把錢啦！好似電視劇中的
C+女豪傑？
如果C+活在50年代，她應該是行俠仗義、劫富濟貧的女黑俠，C+不平則嗚，我行我素！唔係任何女仔食煙都會食得型！C+必是其中佼佼者。C+自認講粗口，咁就同我啱傾啦！唔使就住就住嘛。我主觀地覺得C+應該有紋身，紋了什麼圖案？紋在什麼部位？我不便公開我心中的答案。
C+範數多？
C+作為「夜冷店店主」，洗地抹窗、售貨收銀、入貨散貨，乜都要掂吓乜都要識做！人面廣、識人多，好正常唶。去到啲天光墟或回收站，應該打招呼都打到手軟、笑到牙骹都緊埋！但C+話自己唔泡個d地方喎。吓？乜有I.T.人可以見到電腦而唔Check email咩？
C+愛情觀？
蘭桂坊ABC喎！係咪好易上呢？哼！C+話寧缺勿濫！寧願單身都唔隨便發展一段關係，嘩！乜做人咁清醒嘅？！我只會歸納她為眼角高，未遇到一個能100%令C+心動而已！（好似提過有吖）咦，C+話有咬男友的習慣喎，我諗她的前度，呢一世都會記得C+這位動口又動手的性情中人。
表面證供
以上純屬本人的片面感覺，可能跟真實偏差甚遠，但唔緊要！我而家好似打緊桌球，set緊「士碌架」給下一位C+朋友，續寫他對C+的感覺。他可能會將我的表面證供推翻再建造，抽絲剝繭，呈現更立體更3D更imax的C+。
送給C+
Posts
17 comments:
攞個頭位先!
咁...更立體真實的c+
還看friday!
听落都几似我心目中的C+.
我有後記播... 而家出唔出好呢... Hm...
同我心目中既c+一樣,
我仲會估 c+ 身高5呎四至5足7之間 ~~~
卡Sir & 篤撐，作為夜冷店店主，誤導銷費者，係我求生本領囉，呵呵呵！
C+後記:
收左篇C+2D後，我反覆睇左五六次，回卡Sir四個24pt大字：
無．懈．可．擊！
卡Sir問我，佢到底估中幾多，我叫佢留意後記．嘿，其實有無一半呢？我都唔知．但作為一個夜冷店店主，誤導銷費者既功力，我真係練得頗到家，呵呵呵！
絕對證實到既係，卡Sir，果真係一個鬼才．先Feel後解再整合，莫論真假，佢筆下既 「疑似C+」，絕對係3D！我呢個小粉C，真係好感動好感激．
Cister，釘橋晒！
前後爭你四啖，掛住單先．
一句到尾，有拖無欠！
嗱嗱嗱，我一早已經話你型啦！
(我唔要你咬，我要你俾我揸XX)
我也出四個24pt大字：
猛﹗人﹗相﹗遇﹗
娜姐：除定衫等你！來吧！
***
雙C：here's the email i wrote him after getting his piece:
「哇哇哇趕住去開會快讀左一次超超超超勁鍾意哇哈哈哈哈哈」
and CarSir replied:
「妳超超超超勁鍾意我就安慰啦哇哈哈哈哈哈」
仲唔係兩．傻．相．遇？
嘿,perception is reality
呀？咁慷慨？
乜揸面珠要除衫？
kakakakaka
雖然我流連Blog的時日尚淺,但以上卡sir所寫亦同我心目中的C+很相似.
C+平時都係心直口快type,有個句講個句,相信卡sir都pretty much講晒大部份"Blog友心目中的C+"架啦!
撇開真定假，絕對係多角度、3D 嘅 C+ 啦。
等住睇黎緊果兩篇呀。
S: it's only an element of reality.
娜姐，我除定衫，拉筋熱身，跑十個圈，等塊面紅紅地先比你揸呀！
Gewn & Xiao Zhu，邊讀文，越來越發現，到底C+其實係點既人已唔再係重點！But anyways, do stay tune. This little project gets my brain running 200km/hr and i enjoy the process! STAY TUNED!! =)
haha, 我唔理你地揸邊度，我黎睇！
呢個 idea 好好玩呀。睇吓會唔會有 4D 5D 等再多角度睇得出嚟先得。
Cheers!
Laulong : 咁...要收門票先得播！
維京人 : Thank you！ 我都好好奇最終會點...哈哈哈！希望你得閒過黎留幾條腳毛啦！
Post a Comment