Friday, February 27, 2009

Medium Rare 之露三點? (By Mr. Z)

(C+後記請見Comments)
週一晚上,收到「禮服蒙面俠」 (Mr. Z) 傳來的文章,C+大怒,即時以電郵開火.
「做乜Send比我?講左星期五我會出篇預言,估你講乜先家嘛!我實忍唔住偷睇啦而家.哼哼哼!」

禮服蒙面俠沙塵地回一句 「Your rules not mine loh!」

C: 「點解你咁衰,要破壞我定嘅規矩?」
Z: 「C小姐,妳話已經寫咗篇文,估我寫妳嘅三點.但又唔披露得俾我知,只會同步登出。雖然妳用英文 three points,但我諗黎諗去,點解只係三點,而唔係三點式?又點解唔係兩點或四點呢?」

C: 「喂正經d啦,我咁有誠意請你寫文….嗚~」

Z: 「咁我好正經地做個比喻:錢鍾書太太楊絳細個時,有位勞神父解釋伊甸園故事,話亞當夏娃受不住誘惑,食左禁果;之後勞神父送左一盒野俾楊絳,叫佢千祈唔好係回家途中打開。楊絳望住盒禮物一整日,返到屋企仲要拆開十幾層花紙,先見到一盒美味朱古力,之後仲要送俾父母。雖然只係短短一日,但佢經歷嘅內心掙扎,可想而知.

而妳要我等幾日先知妳有幾了解我!? Better kill YOUR FUN right here right now! 」

C: 「OK,當我自己拎黎衰啦.但由於時間關係,而你篇文又實在太爛,麻煩快d入正題好嘛?」
Z: 「講妳…有d難度,尤其我完全唔了解妳.從網上睇咪一個性格鮮明嘅女子、好多古靈精怪主意、又highly opinionated、吱吱喳喳多多意見、同埋quick-tempered囉.之後發現妳原來係獅子座,咁no wonder la!

唯一睇極都唔明.《宅女》或 《宅性不改》點解?不過,網上personna根本係虛幻不實,只係我地希望人地點認識自己,疑真似假,耐人尋味!」

C: 「車,呢D唔洗你講啦.講見面之後啦!」
Z: 「我覺得性格剛烈嘅背後,隱匿著無限嘅温情.你就好似披着獅子皮嘅貓仔,扮完魚蝦蟹之後,又會用温柔嘅眼神望住人,好似叫緊人地 “Scratch Me”!但跟住又失驚無神張牙舞爪,再一啖咬落去!」

C: 「貓仔!?仲要係一隻妄想被害嘅貓仔?你找死?」
Z: 「車,你叫我講真話嘛!又唔係話怪你,我地做到嘅嘢,同我地想做嘅,一向都唔成正比;而我地要嘅,同最後得到嘅往往唔同;這就是人生的矛盾!

例如因為怕情傷,變堅強;因堅強,變獨處,因獨處,更堅強!但之後,可能更惆悵!」

C: 「你又開始玄啦,有咩快d講埋,等大家有得收工啦!」
Z: 「Overall,我覺得港女或宅女或叻女,不過係public personna;正如有些網主寫愛情寫男女關係如數家珍,有如當代南宮夫人,到有朝一日你睇明佢嘅人,發現佢比酸葡萄更酸,又比中藥更苦澀,你只會覺得文字係欺騙人嘅遊戲同工具。」

C: 「哼,咁你係咪覺得比我呃左丫!?」

Z: 「Let’s put it this way, 人根本就係喜歡同甘心接受他人欺騙嘅動物!所以我熱切期待張愛玲新書,由佢自己寫關於胡蘭成之戀…」

C: 「仲有無呀, So Far你都係同一個Point到兜圈咋播!」
Z: 「當妳一提到Three Points,我已經淨係諗到三點式..我估只能通過更深入了解,尋幽探秘後,先能夠描繪出另外兩點!對唔住,我投降了!」

========================================
C+補充
點解我叫佢「禮服蒙面俠」呢?因為年初見面之日,除左佢英文名、手機號碼、博客同電郵地址,我對佢一無所知!但當佢揭示真身時,我第一個反應係:

嘩,乜得一個咁嘅猛人,會有閒情讀我嘅痴女夢話!?


咁到底有幾猛呢?Et…學貫中西,引古論今,出口成文,縱橫商法政界;另加細心體貼大方,仲有把好好聽嘅聲喎!哇,仲唔似「禮服蒙面俠」!?

至於點解佢擔心「人身安全」?

咪就係因為佢,令我決定暫時唔再見博友.一來,你地水平高到咁,我無謂出黎獻醜.二來,見面之後,佢由日日睇我個博,變成耐唔耐撞岩得閒先睇囉!

但呢個人,搞Wang個Party不特止,仲死話諗唔到其餘兩點,從而逃避證實C+係咪如花或爛口妹,又唔分享下當初點解引到宅女豁出去現真身.

係呀,最衰都係佢!鬧佢打佢開佢拖啦,唔洗同我客氣喎!呵呵!

(C+後記請見Comments)

17 comments:

C+ said...

個日無啦啦走去MR. X個博,找返當年我第一個寫比佢既Comments. 哇,咩事呢,咁感性咁正面既?但一切亦都始於果個Comment...點都好,我信相識非偶然...

再次感謝Mr. X拔刀相助.

Anonymous said...

你要小心啲,好多人對佢的Comment都唔係咁好。(匿名終於有好處啦!我係一個好關心你的人。)

C+ said...

多謝關心先!但你諗緊果個,同我講緊果個,應該唔係同一個人黎架喎!

你以為我講緊邊個先?

C+ said...

定係...你真係知道邊個係Mr Z?

嘩,咁我會仲驚囉!!!

喂Anon你講清楚先好走呀!

小瓶子 said...

>>>見面之後,佢由日日睇我個博,變成耐唔耐撞岩得閒先睇囉!

甘得意?

Anonymous said...

我梗係知啦!

我喎!

C+ said...

小瓶子: 係囉,我估係因為佢發現我係真痴,唔係假傻!

Anon:... 無聊!

Gwen and Ian said...

呢位Mr.Z講嘢都幾玄!!

>>...性格剛烈嘅背後,隱匿著無限嘅温情.你就好似披着獅子皮嘅貓仔,扮完魚蝦蟹之後,又會用温柔嘅眼神望住人,好似叫緊人地 “Scratch Me”!但跟住又失驚無神張牙舞爪,再一啖咬落去!」

不知可解,我想像到妳可以係咁樣!!

Anonymous said...

不知可解,我想像到C+呢隻八號仔,不久會被Mr. Z私有化!嘿!

小瓶子 said...

你嗰MR.Z, 有无些BLOG架?

C+ said...

Gwen:我係極唔想登呢段囉!"無限嘅温情"...想死!!!依我估,佢應該好鍾意遊車河囉.如果唔係講野點會成日兜圈呢係咪!?

Anon:私有化?仲有唔少街貨係其他小股東手上,我恐防Mr. Z想做馬買票都無門路喎!呵呵呵

瓶子:嗯,他寫博日子比我久,是前輩呢!=)

Bungy-Zoe said...

請問,禮服蒙面俠有冇帶住支紅玫瑰出場?
(好明顯係黎玩野的‧_‧)

仲有呀!你其實好好彩架!
第一個就見到禮服蒙面俠喎!幾好呀!!

C+ said...

>> 請問,禮服蒙面俠有冇帶住支紅玫瑰出場?

Zoe,他.會.的!你想唔想要?我叫佢Send 去你個邊!!

我說真的!

卡臣 said...

妳倆位惺惺相惜!
好嘢!

Mr Z said...

唔係香港一個多星期,竟然有人响度放冷箭唱衰我,唔緊要,我完全唔介意,但又應該知道我係邊個先,唔好時時亂唱囉!

C小姐, 離港個多星期想到這首爛詩:

三月杜鵑紅,
蓬萊覓C踪;
威靈露台上,
皎月照芳容.

火星飛得太遠罷,如果留言者要繼續他的留言,我們是不可能阻止的,但境不轉,只有心境轉吧! Cheer up!

Anonymous said...

肥孫有勁敵哈哈

C+ said...

RE: Mr Z
Silly, I am not upset at all! 你呀,仆去對號入座了,太敏感亦太傻了吧?

又,終於讀明了你的爛詩了!又又,爛詩不就是爛C嗎?你別損我呀!(笑)
* * *
RE: Anon
哈哈哈!

 
Clicky Web Analytics