抱怨

「X，你成日係九龍。」

(聽到呢句，我開心咗幾日。)

細細聲

龍五於港的演出，今天終有定案。我樂見延期安排，一個月前，某個滿佈不明朗的夜裡，某他要我出現，發展出後來的幾十小時。忽然獨個失笑：龍五是大師，大概是信用: 二月初時他答應三個星期後答實延期可能。這事，大概要叫某他更忠誠於龍五的造詣吧？而我，大概又重回到看風景畫的女人- 畫面是: 我在巴塞跟龍五見啊面；啊，龍五跟我在紐約吃飯；啊，龍五始終是因我來香港啊。

風景當然由某他寄回。

(於是又想抱怨：重回香港真累)

上星期，被騙去打邊爐。精神病，是我，居然思疑他智商。也許，常識跟智商脫節是平常，男人的八零事，有美金單位掛在前。我無奈，根本就是詐騙我耳朵。個個對他總前總後，然而幾多隻佣才是放在心頭。忽然我擔心：他為甚對這匹款項按奈又客氣？多少有點狐疑。所以說，騙徒手法層出不窮。原本，以為事情會丟淡；忽然一見，我又隱約希望他一切安好。而他，對我的記掛仍然維持於：可以見面嗎？

(而我居然仍有其他抱怨呀！)

「做咩消失？」
「做咗46個鐘。」
「46個鐘？有人會死咩？」
「唔會死。至於坐監就...」
「坐監？」
「係，因為只不過係做marketing，所以，無需要面對timing，唔需要趕hype，應該launch到但市場又無反應時，最多都係蝕錢啫。」
「＠！＠（！）！駛唔駛咁大反應？」
「反應？大？定係你哋無反應？要求個市場有反應已經同做鴨無分別：最緊要有得炒有商機。但sustainability呢？」

元気すぎる

十月廿八。功課三日後到期，想大叫「元気を出せ」（ Genkiwodasu），或者「 頑張ってください」（ Ganbatte kudasai） ，但其實係掛住啲士氣。十月，想起秋祭，當然有想起Danjiri Matsuri（推車節），男子們劍眉星目，打著個屁股，就老中青三代組隊競技：各隊托個神社衝上山頭，還要鬥快。這個岸和田祭，出名危險，然而士氣驚人，叫我記起團結。

後來於京都，旅舍有兼職男生名叫元気（Genki）。我怕自己聽錯，傻呼呼問：「元気ですか？」（Genki desuka？）忽然大家笑：「 元気です！」（Génki-desu）

誤撞出日文課，才知道「元気ですか？」(Genki Desuka) 等於How are you。後來每次見面，我都笑問：「Genki, Genki？」

然後某次，我不知為甚麼哭了。他安慰：「Don't worry, Genki is here!」。

但說到「 元気」，當然是九條吉鳥老闆最強。我作客時，居酒屋營業第十三年，每晚他穿著恤衫西褲回舖頭，然後由十一點企到最少三點，親自主理串燒。他另有正職，小店每年只放新年假三天，他居然仍然堅持。

而我就堅持每天都去幫襯。哈哈。半夜三點前，我沾染他們的努力。有時生意實在忙，老闆在吧頭大喊幾句，樓面整齊回答，我笑：「好有型。」

如此英態，蘭桂坊華師傅也經營了廿年。所以有時話，餐廳一向養隊兵。幾年前年輕男女間出現新詞「收兵」，我笑：如果我收到兵，擺佢係...廚房？

有兵無兵，糧草都要充足。未夠時，同自己講句「 頑張ってください」(Ganbatte Kudasai)，食得瞓得時，記得每日「元気」(Genki)，仲要すぎる（Sugiru）！（元氣超量！）💪

Tonkatsuとんかつ

是夜做TonKatsu，調沾醬時，先發現係茄汁+喼汁+豉油做基礎。忽然我諗：「啲豉油西餐都幾好Taste。」唔係咩？有時係日本食到胡喱馬扠，始終都覺香港啲黑椒汁應該會大賣，甚至蒜蓉汁西汁都可以。某次，我想知洋蔥豬扒佢哋喜唔喜歡，但點知最後做出個洋蔥火雞。

細個時，百佳開始有肉眼扒賣時，係大件事。係有Promoter企係度個隻。當時，最鍾意係入面個包日式牛扒汁，大過咗因為想成支買，先認住《晚餐館》出品。

至於《晚餐館》，如今係全日本最大嘅醬汁製造商。(日本人嘅李錦記？)

講返Tonkatsu，我開頭其實係諗住某間餐廳嘅嚟煮，但唔知點解，食到落口，就諗起《舞泉》嘅風味。（舞泉喎？）真係哩。（《舞泉》？）真係似神物呢。（笑）

當然，個日本椰菜，同啲越光米真係太聽駛。淨係爬啖飯當已經係享受。
可能係自己調嘅沾醬近似《舞泉》。哈哈。(無買晚餐館咩？）整幾塊...


雖然係有諗：如果今晚係用《三元豬》就好了。不過對肉類我唔強求。（唔強求？）咳。（邊個連雞腎都要買到阿波尾？）嗯。但雞唔係肉吖嘛。（！？）

(Poultry is not meat.)

唔知解

上星期我阿媽考我：「香港係用common law 定civil law？」我話：「香港只得basic law。」對唔住，我好迂腐，無論你同我講咩，我都只會以Basic Law做人，因為，Law & Order係俱在，而咩係屬於香港人嘅Order，甚至係認知中合理嘅chain of command，呢啲相信都唔需要旁人多講。

而可恨，平生最怕無家教，因為如果只能夠依賴學校的話，學校會同你講人情麼？

近日，參與荷蘭某大學校外課程，未上堂先就先始聲明：

We excpect students to express themselves with thoughtful contributions seperating opinion from fact and avoiding so called logical fallacies in debate such as name calling, ridiculing your opponent, cherry picking, strawman etc.

Cite evidence such as sources and data to support your arguments, and use clease logic.

It is a place for academic and informed debate, where you can share you fact-based perspective and more importantly leaern from those of others.

然後再提供兩條校外連結：
logical fallacies 及the structuring of a good argument

於是笑咗。

人在旅途，入鄉當然得隨俗。例如所讀課程，開先便說，世界三大語文為：中文，西班牙文，英文。我皺皺眉頭，為甚反映不了文明？

而何謂文明呢？細個睇BBC某套人類史紀錄片睇到拗晒頭，於是好努力讀書，希望某日可以領會文明 - 好深好難個啲吖嘛。

後來去到東京車站隔離，商場一樓有間博物館。我擘大個口：人類面對文明時，原來會對呢啲題目發生好奇。

我當然堅持呢啲係無問題，例如見啲骸骨/化石儲得咁齊時，我只係稍稍猶疑：「日本人嘅品性其實有無轉變？」

但，穩陣起見，只能開始投靠荷蘭。萬一下次日本人想劏我，自稱「荷蘭正」唔知會唔會有恩恤。

畢竟，西醫同解剖，都係荷蘭人傳入日本。

How about this?

友人牆上，有疑惑懸於網絡氣層，他問，若局面由某女仕被加國拘留導致，可算值得？心當然一沉。假設友人並非亂估，哪香港不過是人質，人權成棋子，而施政是籌碼。我自覺中毒，若果如此，幾多真心要成枉？幾多真情又被棄？玫瑰之所以特別是由於所花過的時間。然而，自立自主自力，我所珍重的種種，於對方也不過是借來的花，以敬他自己的佛。原來人世間有這種悲涼，於春秋交替，花開花落間，死過幾多人，又生了幾多個，但施暴傾向，總是經搶掠顯現。「但古語不是說不進則退嗎？總會有某點進步吧？」進步當然有，進步於友誼。原本互不相識，但指定要得我所得，這叫明搶。暗地將之得到，這叫盜竊。然而，今日以朋友稱呼，那當然要大方寬容，要分享，更要體諒。但客觀而言，那人值得友情嗎？

「所而你更加要按奈。以耐心教導，展示良師益友。這是身教。」

心悶。奔波勞碌的另一面是不辭勞苦嗎？廿年來飽受煩憂，今日之日，不過是亂心者之所為: 勞民。

夢里不知身是客

他遞我一件半塊肥皂大小的東東。

我一嗅：「不是真的吧？」
他嘻嘻笑：「由你定。」

我嘟起咀，就差討厭沒討出口邊。

男子剛自北非回來。因為沙漠觀星是他必做事項。
「拖一條駱駝去？」
「當然是駕四乘四。」他厚顏。
「就知沙漠最多電油以候你大駕。」
「這叫於你支持駱駝權益前另求出路。」


咀，居然如此鬥過。於沙漠的星空下，他記下短詩。

而我怎麼知道呢？

「以上主的愛，你既在沙漠，可以扮下無3G，叫我對世間還有半點想像嗎？」我當時真正生氣。

沙甚麼漠？四驅車，3G，帳幕，有水，還有甚麼？
「然而非洲綠洲項目，是我國二千年後最自豪的開發。」

我舉手投降。後來見面，他送我麝香一塊。

「不是真的吧？」還好放於玻璃瓶。
「你想呢？」他似使歪的試探。
討厭，擱於我咀唇邊。

相傳麝香因為獵人跟麝鹿交溝而發現。（對，是人獸交。）
而若各下知道，他喜歡以indiana jones自比，而帶回來的，若好比「奇珍」，那我應該很焦慮嗎？

「過來。」他說。
「為甚？」我問。
然後他拉著我手，將麝香塗到我脈門之上。

 「喜歡這香氣？」他問。
 「。。。」我以空白掩飾我尷尬。

麝鹿跟獵人，原本，就是最不應該的一場交溝。畢竟，麝香是男鹿前列腺揮發的香氣。然而，麝香被大量仿制，應用於香水之上，到後來，竟有人類以仿製品吸引動物。就例如2018年，印度人以Calvin Klein Obsession香水，成功捕獲一頭屢次傷人的老虎。

「如果香氣經脈絡血液流遍我全身呢？」我笑。

忽然竟似是，獵人於麝鹿公；然後是女人吸引老虎乸。
活得
就算為世間奇珍，但
不見血

其次埃及，希臘無妨，土耳其也許應該不錯。

是夜心情複雜，見大陸北部先有廿五處女性侵案後，又見十二歲小女屢遭強姦。同一時間，Oregon State因應Alabama 立法要求未成年小女完成懷孕週期，幾近報復式宣佈成為全美第一個免費墮胎的州份。然後，毫無意外地，俄羅斯宣佈繼續與華為合作，由之承辦5G網絡合約。。

但然而，我當然知我自知於「過去」，是以今早收聽過彭督的＜＜六分鐘逃犯條例簡易包＞＞，已經先奉勸親朋好友自認sucker，方便大家之後相認買醉。

彭定康，你好嘢。到今日，你始終可以無浪費過我聽力超過三秒。

然後再睇吓本地特首發比美國嘅信。對唔住，我自己申報雙目失明可以嗎？（下刪三百個人評論。）

不過始終都想唱隻歌。

民主歌聲獻中華 - 片頭旁述抄寫 (人手)

(歡迎校對。)

<1:18>  北京學生愛國民主運動振動全中國，引起全球關注，喚醒國內國外千千萬萬中國人對民主自由嘅渴望。

今次嘅民主運動，係以悼念前中共總書嘅胡耀邦嘅逝世而開始嘅。胡耀邦係由於1986年嘅學生運動，同後嚟嘅反資產階級自由化嘅運動而下台嘅。依次悼念胡耀邦，要求對佢重新評價，就成為學生運動爭取民主同自由嘅起點嘞。

<1:54>  4月16號，即係胡耀邦逝世嘅第二日，以北京政法大學為首嘅學生列隊上街遊行，叫出咗民主萬歲，自由萬歲，打倒官僚主義嘅口號，並且要求黨政領導公開子女嘅財產，要求民間辦報，實現新聞自由。隨後，數十萬學生聚集係天安門廣場，要求政府容許學生參加追悼活動，並公正咁評價胡耀邦，要求政府對話。其間發生咗公安人員同學生記者嘅衝突事件，而八千名學生期間曾經一度衝擊新華門。

<2:33> 追悼會完結之後，學生開始罷課。並且組織北京高校學生自治聯委會，繼續提出實現民主，官民對話嘅要求。

<2:44> 4月26號，人民日報發表咗一篇社論，內容指出有極少數別有用心嘅人，利用青年學生悼念胡耀邦嘅心情，作出破壞民主法制嘅行動。呢篇社論，使得學生作出現強烈嘅反應。

<2:58> 4月27日，二十幾萬北京大學生唔理會官方禁止，由北京大學向天安門遊行，沿途得到市民嘅支持，學生同群眾多次衝破軍警嘅封鎖線，抵達天安門廣場。呢次遊行，係中共立國以嚟最大規模嘅人民自發遊行活動。北京高校學生自治聯委會係呢個時候提出七項對話要求，包括：重新公正客觀評價四月XXX*愛國民主運動，反貪污腐化，新聞自由，改善教育等等，並且要求政府必須以真誠、平等、公開嘅態度，同學生選舉嘅代表直接對話。

<3:43> 5月2號，國務院發言人袁木係中外記者招待會上邊，指責學生嘅要求帶有威脅性質，並認為有人係背後替代學生出主意，歧途挑起社會動亂。學生以五四為民拯命大遊行嚟回答袁木呢番說話。

<4:02> 5月13日，北京學生宣佈係天安門廣場進行無限期絕食，直至政府同學生進行對話為止。絕食進入第四日，已經有二千幾人先後不支暈到，而北京市內嘅百萬人遊行示威，標緻住而家嘅運動已經擴展至全民性嘅民主爭取運動。

<4:26>  5月18日，李鵬等政府官員接見學生，不歡而散。第二日，政府緊急召開軍政代表高層會議上面，將學生運動定為動亂，隨即宣佈北京部份地區實施戒嚴，實行新聞封鎖，並且召集軍隊進入北京城。

戒嚴令同軍隊入城嘅消息宣佈之後，係5月20號，香港有接近十萬人冒住八號風球，响新華社香港分社門外聲援北京學生，反對暴力鎮壓，反對新聞封鎖。

<5:05>  5月21號星期日，超過100萬香港市民舉行咗開埠以嚟最大規模嘅遊行，由遮打花園，向北角方向進發。環市遊市，歷時六個鐘頭。最後嚟到跑馬地馬會聚集。

<6:11>  **...xxxxxxx（學）生運動嘅支持，呼籲香港市民關心國家，爭取民主，法制同埋自由。同時反對暴力震壓同埋新聞封鎖，籌款支持愛國民主運動，希望我哋能夠號召世界各地中國嘅同胞關心同支持民主改革，同埋支持北京學生。

* 3:27 明顯經剪接，有人可提供補充質料嗎？(之後啲聲畫好似開始唔sync。)
* 6:11 呢度又係聽唔到，有人幫吓手嗎？