Sunday, March 6, 2022

非典故 - 1

 1.


斯正在連鎖藥店門口,眉頭深鎖。


他慣性按按鼻上的鐵線,意圖減少眼鏡片上的霞氣,方才記起臉上已掛上兩個口罩。

他搖頭苦笑。


90分鐘前,快速測試顯示他確診新冠肺炎。

刻下他才想到,自己需要藥物。


於是他掛起兩個口罩,走到屋苑商場的連鎖藥店。為着藥物。
但止痛藥已經售罄。連帶甚麼喉糖感冒藥,一件不留。


斯考慮離開屋苑範圍。

無藥物,會唔會死咗都無人之知?

「要拜託誰每人致電我嗎?」他喃喃自語。


他獨居,孤寡,不喜應酬。無朋友,亦無咩同事。

阿媽撞聾,記性亦都唔好。

阿媽甚至無打疫苗。


屋苑商場人潮疏落,他亦步亦趨,避免與任何人接近。他經扶手電梯到達地面,先遞手到自動機器前,消毒泡沫應聲而下。


他確定雙手徹底消毒後,才推開玻璃大門。


「街上面,係咪得我一個確診?」環顧四周後,他疑惑。

他記得麵包店旁有家藥房,門外經常擺放著多種貨物:由廁紙到洗衣液,即溶咖啡到殺蟲水都有。


於是他朝著那方向走去。


藥房門外,貼著一張螢光卡。

「便利痛有售,每盒$280。」

「係10粒裝定20粒裝?如果一日要食8粒,最少要40粒啊!」


一想到可能要四位數字,他就生氣:「做咩要益個奸商呢?」


於是,他就調頭,拐個右彎,到後街再找藥房。


路經某個店面,門外貼著:請勿害人害己,初陽確診者,嚴禁進入本店舖範圍。


佢全身發滾,那股熱熨,都不知是由於羞愧,或是發燒。
喉嚨乾涸,他想喝水。

而眼前就是便利店。


「入便利店好似唔係咁好......」


(喂,便利店都有必理痛買㗎喎。) 有把聲提佢。

於是,佢走入便利店。貨架整整齊齊,了無缺貨徵象。他開始嘗試搜索止痛藥。

瀉利治、浪途適、虎鏢...

虎鏢!?


他想開口問,但又怕被識穿。

他打開雪櫃拿支依雲水,再行到收銀台。

詐詐諦諦問店員:「咦,無晒必理痛咩?」

「唔係呀。」店員答。

「哦?」佢喜出望外。

「經痛嘅咪係最低個行嘅最左手邊囉。」


斯即時黑臉,想爆粗問對方:「呢啲係咩撚嘢態度?」


但店員一臉漠然,仿似看穿他根本就是來買止痛藥。

「不,店員可能知道我是確診者!」斯心虛。


他強裝鎮定遞上礦泉水給店員過機。

店員即時接過,彷彿已將感染風險置諸度外。


(待續)

0 comments:

 
Clicky Web Analytics