煎釀雙寶的聯想

週日跟家人與親戚飲茶，絕肉中的我，在點心紙上剔了數款點心後，遞給親戚讓她來選．

她望了望點心紙，揮手把部長叫來

“咩係煎釀雙寶?”她問
“茄子同青椒．” 部長答
“咁有幾多件？”她再問
“四五件” 部長再答
“哇，隔兩條街賣五蚊四件咋喎…你地憑咩賣三十八蚊？”
“．．．”

部長無言，轉身離開．親戚邊自把自為刷走我劃下的剔號，一邊說 “唔好叫埋d又貴又唔值錢既野食啦，咁大洗架你…”

不與她細說六千呎酒樓 VS 街邊檔口仔的Costing，不與她解釋Demand, Supply & Scarcity (我hangover＋無肉點心一隻手板數晒＋超勁餓．不是說錢解決得了的問題不是問題嗎？三十八蚊，我有．但點解都係食唔到我好Q想食的煎釀雙寶！？點解啊！？！？！？)

我媽知我在思索如何還擊，以極凌厲眼神瞪著我，示意 “死女你唔好又丟我架．”

“嗨，或者呢碟煎釀雙寶即叫即做，好食到爆呢，當試下囉” 我不願放棄．
“車，呢d野可以有幾好食？ 真係好食既，出左名排駛長龍啦！你想食，去隔離街買好過啦．”

OK我又再忍著不與她爭論羊群心理／媒體可信性／Marketing Strategy．但我想起曾經讀過的一段文字:

世界上只得兩種人－Explorer & Follower．(大意)

當然，我對非黑即白的說法有所保留，但放於煎釀雙寶例子上，我不禁自問：

"Why do people refuse to explore when the “cost” is known and proven affordable?"

突然間，我覺得好難過．．．

＊ ＊　＊
最近電郵組傳來與曹仁超對話全文，牽起了一點討論．討論，當然有正有反．要
如何解讀，當然亦由看倌自定．

只想說，
我讀得血脈沸騰，
亢奮得差點哭了出來．

＊ ＊ ＊
肚餓無煎釀雙寶食，當然難過．
更難過是，親戚的媽，對女兒這番說話，流露出嘉許眼神．



但最最最難過的是，這名親戚，
比我還要細三兩年．

＊ ＊ ＊
PS: Gals' night out, 留言待覆！