Wednesday, March 4, 2009

Well Done 之 C+自白

年半前,有人一副講數嘅面口問我:「講,你要愛情定要麵包?你講丫,你講就得架啦!」

我呆一呆,個腦自動進入公事模式,為娘爆嘅問題,尋求最適合嘅娘爆答案。但見佢一臉認真(好似),我實在唔忍心敷衍佢。如是者,我坐係佢對面,自顧自的二零零七太空漫遊:點解從來無人咁問過我呢個問題?又點解做左咁多年人,都無問過自己呢條問題?

然後佢企起身,著返件西裝縷,走過黎錫左我額頭一啖,再拋底一句「慢慢諗,諗到答案,Call我。」

* * *
唔忿氣被一個娘爆問題難到,and so my obsession began.

於是衍生出一系列問題:

係咪每個人都有個價?
到底要幾多錢,我先會放棄愛情?

到底要幾多愛,我先會放棄好多好多錢?
又到底要一個點嘅男人,我先會可以徹底瘋狂地愛上?

兩者係咪真係唔可以共存?
我可唔可以要少d錢,要少d愛,但要幸福快樂?

點解我從來無諗過呢個問題?
我到底知唔知自己要乜?

如果兩樣都無,我係咪呢世都唔會幸福快樂?

* * *
諗左年半,呢幾日我突然好想打電話比佢。

我未必會話佢知我呢一刻嘅答案,但我一定要親口多謝佢曾經問過我呢個問題。


"Freedom is not the absence of commitments, but the ability to choose--and commit myself to--what is best for me.
" Zahir - Paulo Coelho
==========================
PS1 (恭喜好友D榮升老豆,呢篇文,我希望令千金成人禮時,可以送比佢!!)
PS2 (C+小實驗十二碼撞柱,唉,咁即係仲寫唔寫總結好呢!?)

16 comments:

篤篤篤撐 said...

Y 撞柱NEI ?

C+ said...

我想要既Contrast,出到一半咋!

卡臣 said...

都好好睇呀
起碼我自己問自己呢絛問題

Anonymous said...

妳呢個問題都幾complicate.
我都有問過自己"到底要幾多錢,我先會放棄愛情",但就諗過會因愛而放棄錢,我好衰!!!;p

Anonymous said...

typo tim... i mean "冇"諗過會因愛而放棄錢,我好衰!!!;p

Hana said...

哩篇你睇睇:
http://hana-ox.blogspot.com/2008/05/blog-post_26.html

Hana said...

留言入邊有卡臣個答案,我都好想知你個答案。

Betty said...

呢条问题....都几难答哦.

Unreality 泡影 said...

>「講,你要愛情定要麵包?你講丫,你講就得架啦!」

哈哈, 這問題之所以答唔到, 並唔係自己選擇唔到, 而係無法「形像化」和「實在化」

如果問問題的人, 能夠好詳細咁描繪要左愛情之後既生活大約會係點, 有幾好, 有幾安枕無憂, 又或者能夠俾妳享受到過一星期「有愛情冇麵包」的又甜又窮既日子, 更能擔保這愛情能夠維持一世不會消散

然後又再能將「要麵包」既生活實在咁灌輸去妳腦袋, 讓妳清楚感受到「要麵包冇愛情」既生活幾咁富貴同孤單

真係有咁清晰既感覺, 妳一定會答到呢個問題

妳答唔到, 因為妳自己都覺得太多變數

「要愛情」, 負面的看, 誰能保證愛真的會持續一世? 正的的看, 愛妳的人又怎會不努力賺錢給妳去發展家庭?

「要麵包」, 負面的看, 妳有了麵包後真的完全無法和人發展愛情? 正面的看, 給妳錢的人其實也有機會同時付出感情

不是 1 和 0, 不是非黑即白, 現實不可能
「100%麵包 0%愛情」, 也不會 「0%麵包 100%愛情」

其實是連問問題的人也不知道現實不是絕對, 不知道其實他自己的問題「廢」 :p haha

C+ said...

RE:卡Sir
嘻嘻 咁你有答案未

RE:Gwen
唔衰呀!我成日都話,有錢,未必一定係天堂,但無錢,眼前就係地獄.哈哈哈哈哈!

RE:娜姐
就你篇文,我可以好快答到你:我心目中當然有價啦,我係連賣身都有得傾既夜冷店店東喎!但同時,我要知Timeline!

又,睇到Cister答案,會心微笑.

C+ said...

RE:瓶子
係呀,仲要諗好耐!

RE:泡影
>>不知道其實他自己的問題「廢」

哇哈哈哈哈哈哈哈哈哈!我唔排除佢覺得自己好型!OK唔賤住,我認同你既分析!其實如果將條問題改為:愛情同麵包,你想要咩% combination!?咁呢,就好答好多囉.

但呢,當佢咁問我,經我個豬腦Process,Generate左一堆自我存在既問題,咁我當然又再次Obsess地找答案! =p

Unreality 泡影 said...

哈哈, 其實我係一個好鍾意幫人解答感情問題既人

因為我相信, 對於大部份感情問題, 我都會出到一個清晰既答案 :p

L L said...

麵包同愛情?

完全不能放在一起比較。麵包你冇咩 C+?

直頭唔駛諗,講哩句話嘅人好低 B (對唔住批評你朋友)。

乜喺香港仲有人會因冇麵包食餓死?

Unreality 泡影 said...

>麵包同愛情?完全不能放在一起比較。麵包你冇咩 C+?

麵包同愛情, 選對象時一定需要考慮

於愛情發展來說, 麵包的足夠度分幾個層次, 至少會有

1. 一直工作能夠養活自己
2. 一直工作能夠養活自己和兒女
3. 能夠自己不工作全職養兒育女也沒問題

當然還細分很多物質豐盛度

除非女人勁有錢, 否則男人的「基本賺錢能力」, 都會是女人和他長遠發展的考慮要素

只看目前狀態夠不夠麵包是不足夠的, 一定要考慮將來

L L said...

不真實的泡影:

愛一個窮伴侶,只要是真的愛,她/他有錢無錢,都已经不是要考慮的問題了。又或者你在投愛的過程中,他/她的現狀早已成為你愛的其中原因。

若我不愛,即使你給我最好的麵飽,我都會覺得與你一起生活,是屈心抑志,比死更加難受!

Unreality 泡影 said...

laulong,

>愛一個窮伴侶,只要是真的愛,她/他有錢無錢,都已经不是要考慮的問題了。

其實現實的問題, 一定要考慮

假設甲先生和真心相愛的老婆乙結了婚, 一起供樓一人出一半

然後老婆乙越來越喜歡做少奶奶沉醉於婚姻生活而借故辭職, 又屢勸不改, 家庭重擔落在甲先生身上.

你猜他倆的愛情會不會出現問題?

要維繫家庭, 一定要負經濟責任. 為發展家庭生兒育女, 雙方都應該尋找更賺錢的工作, 給予下一代更好的成長環境

本身有餘錢的例外, 但普羅大眾普遍都需上進的

絕不是單看目前的有錢沒錢, 還要考慮對方是否大花桶, 是否會上進. 現下沒錢還不要緊, 但至少也該有上進的心, 或是肯為家庭去捱的心, 才能安託終身吧.

 
Clicky Web Analytics