我愛住家飯

不喜外出用餐，除因宅女不喜見人，香港亦缺乏水準與價錢成正比的餐廳可供選擇．

我最喜歡煮飯仔．

跟十個八個朋友仔聚會，我當考家政中期試．雞手鴨腳忙過半天，人總是累得失去胃口，但呷著酒看他們吃光檯面的每一道菜，又是另一種享受．

跟哥兒們的Boys Night In，煮三兩道他們的家鄉菜，解解他們思鄉情之餘，也算是為一班孤兒仔提供三兩個鐘的家庭溫暖．

遇上好友有心事，為他或她煮一頓小飯，打氣以外，亦能於一個零騷擾的環境爆粗嚎哭煲煙．

自己的Daily Meals，以有營有機為主．有時間那天，做場大龍鳳逗逗自己高興；沒時間那天，煲啖白粥加個薑蔥撈麵又是一餐．

不知是先喜歡上煮飯，抑或先討厭外出用餐，
總言之，我愛住家飯．

＊＊＊
上星期，裙子觀眾請吃午飯．
我：「下次我請．」
裙子觀眾：「嗯，不如你煮飯我食啦？」
我：「咦，你仲敢食咩？」
裙子觀眾：「點解唔敢？幾好食呀！」

我無出聲，心諗：你是在找死麼？

然後佢補多句
「其實我對食無咩要求！」

哪，我無反檯，亦無爆樽，仲隔兩日就即刻煮餐飯過佢食添．
我估計係絕肉以後，心境平靜左同個人仲隨和左囉．．．

善哉善哉