The pursuit of beauty

週五夜，跟三位已屆四十的男子晚飯．席上，多了兩位素未謀面的妙齡少女．依她倆造型化裝動靜參照Angela Baby估計，頂多得廿一二歲．

人類作為食肉動物，喜歡嫩口鮮肉，人之常情．自由市場的好處是，供應與價格，因市場需求自行釐定．市場沒有需求的，理論上，不會出現任何供應．

於是乎，在香港這個美食之都，想要吃一塊牛扒，我們有一大堆扒房可供選擇．從金鳳到波士頓，扒王之王到新寧，又或Lowry’s , Ruth Chris，高中低價，各式其式，全因市場有需求．有人只喜歡波士頓，亦有人非Ruth Chris 不吃，價值因素外，亦是對口（品）味要求的不同．

但當有人特喜歡以Ruth Chris價錢享用花園餐廳的食物質素／環境／服務時，我真不知該為Demand還是Supply的出現驚訝．

市場，不止高深，更永恆地變幻莫測．

Anyways，說回那兩位妙齡少女．我們暫且稱呼她們為Baby AA & Baby BB.

Baby AA: 喂，因間你打算點撇低呢條佬？
Baby BB: 唔知呀，同佢講話落 “棘” 找friend卦．
Baby AA: 佢唔會跟住黎咩？
Baby BB: 唔會卦，會既咪發脾氣逼佢走囉．我條仔話佢十二點鯪到呀．．．

然後她倆將聲量壓低，咬起對方的耳朵來．

隔了三兩分鐘

Baby BB: 你知唔知星期四晚，我同條仔係 “SU架”撞到阿邊個以前條女囉，竟然唔化妝出黎囉，勁樣衰囉．
Baby AA: 下，咁勇？但佢成日都set行晒咁架喎．
Baby BB:佢無痴假眼睫毛，又無帶大眼仔，點算係化左妝唶．．．

OK，帶新朋友出席飯局，無問題的．
但事前通知，是Social Courtesy.
神驚無神要我應酬／招呼陌生人，
我會即時進入裝聾扮啞的狀態．
最常用的招數，是扮作不諳中文的南亞裔人士．
（我真係好似的．）

親愛的，我那三腳貓的PR Skills，
是謀生技能之一．
你想我Take Ad-Hoc Out Job，
無問題的，最緊要你開聲．

一場相識，Hourly Rate打個八折比你又點話．

但總括黎講，
我好明顯地係唔抵得人地十八廿二．

我知，
我認．

但我最唔抵得的是，
有人甘願將無限青春，
埋藏於假眼睫毛，大眼仔與Gel Nail之中．

&*#@*&!$(!@(*(*!@*!@$&!$^&!$^&^&!$

Further Reading:
Hana- 真相