還不是抵上加抵? 抵之其一，撈了個便宜外婆身份。抵之其二，咪抵死囉。
早兩星期才狠狠地於說阿蓮一文中罵蓮妹的前主人"他，作為人類,擁有高等智慧，帶蓮妹回家前沒有想清想楚徵求家人同意，是弱智。"
蓮妹寄居我家兩星期，朝夕相對，我不單未有發現狗女暗結珠胎，更因我將獸醫的預約一改再改到今個星期三，搞出一件"未婚少女廁所產子"事件。我，不是弱智，也肯定是低能吧。
昨夜，原本是有一些打算。但不知怎的，平日經不起引誘的我，竟然提不起勁赴約，乖乖留在家中。雖然被嚇得手騰腳抖，也慶幸自己能夠陪伴蓮妹見証小生命誕生。過程縱然一波三折，蓮妹與兩子總算托上天鴻福，吉人天相。未來八星期，除需肩負起照顧一家四犬的責任，還需作出數個困難的決定。
又，今天初見狗啤啤之時，我激動得全身毛管直豎。
點解一隻二隻黑咪孟孟成隻老鼠咁醜樣嘅？點解佢哋叫得咁難聽？點解佢地啲迷你手脚上有齊勁迷你嘅手指腳指？
佢哋到底係咪蓮妹親生架？
當我個腦還未及將自己跟呢兩隻老鼠連上任何關係之際，護士姐姐已教我如何檢查蓮妹哪個乳頭有奶水，再示範如向"的"老鼠們埋去吃奶。
還多加一句 "不如你做一次比我睇。"
而我，不單止連摸都唔敢摸兩隻老鼠一下，連望着他們超過五秒也無法做到。無奈的護士姐姐問我打算如何帶他們回家，我求她想一個不用跟老鼠有肌膚之親的辦法。
最後，好人的護士姐姐想出既衛生又環保的方法，就是用毛巾包好兩隻老鼠，放入袋中，待我回到家中，只需將整份"老鼠包裹"完整地放到紙盒中，打開毛巾，完成。
之但係，我始終都要照顧呢两隻老鼠，唔敢摸都唔係辦法。無五十五十，無得問現場觀眾，唯有打電話問朋友。
呢條十萬蚊保險總線問題就係 -
你可唔可以買兩支Wine上嚟，襯我醉醉地時捉實我隻手...
去掂下呢隻老鼠?
Posts
0 comments:
Post a Comment