50年不變

 情感係一件咩事？噚晚睇劇，劇中幾次講到愛情嘅追求。我笑，諗起自己嘅生活，應該似追求卡通片，甚至漫畫書。劇一播就播咗十幾集，我越睇越不安，對於婚姻或婚外情嘅描述，甚至爭奪對方留係身邊，呢啲都令我好無奈。一夫一妻制嘅意思，係同一個時間內，只有一段婚姻，即其實所有其他關係，都係婚姻以外嘅關係。我反而更加在乎人如何協調婚姻以外嘅種種關係，甚至係婚姻之外，可以有啲咩平衡。有時，我唔想標籤某啲嘢，但總括而言，我只能話：「因為呢啲係香港。」

對於香港，我估，係感到厭倦比較叫人惆悵。對於換款，取代，甚至替換呢啲，幾乎每日都纏擾於身邊。而有時，我但覺人決定開展咩關係，要維繫，就幾乎已經要面對保守。但偏偏，係香港，我只能無耐性。例如見啲人有婚外情，理論上我無問題。但當兩個或以上嘅人，都係monogamist時，咁我就會感覺好煩厭：即係，見悶啦。即係，想換款啦。即係，想有啲刺激或者驚喜啦。

但作為monogamist係同行緊去個cul-de-sac無分別。去到最尾，都係要個種伴侶某種模式同特定嘅表達，先至叫做肯定到安全。如是我覺得好麻煩，如果你做來做去都係呢個樣板，咁個快感係唔係在於換呢？

就好似換車，換樓，轉工。人望高處嘛。

當然，呢遍係牢騷。如果要花人力物力，我寧願睇一個關於polygamist / monogamist 嘅掙扎。得，我知，我自己轉返去睇kubrick或woody allen得了。

但我始終都想指出，Everything You Always Wanted to Know About Sex* (*But Were Afraid to Ask) 係1972年嘅作品。

等多兩年，我就可以笑：呀～50年不變？香港？有呀！你睇吓我哋同new york嘅關係，就知道呢50年我哋仍然維持緊不聞不問。