出嚟坐檯，當然預咗查牌。
其實我有啲唔好意思，因為我驚嚇親佢哋：實以為我用咗好多時間take notes。
但呢啲都只係為為做documentation 或product wiki而建立嘅習慣：開工5分鐘，放工10分鐘。
好似刷牙咁。
用咗Notion呢段日子，我都有掛住Quip。啲inserting 梗係好似就手啲。
但Airtable始終係最愛。
點都肥，我做咗個好簡單嘅版面submit比老闆，一路就擔心得10個item係畫面，會唔會另佢覺得我無咩做。
然後邪惡嘅同事話：
「不如你比個Breakdown 佢。」
然後我自己笑：
「唔知有1萬條entries未？」
如是又返到Airtable，如果我淨係用keep entries，唔知可以export到咩出嚟？（好明顯已經係Dynamics365 上緊腦）
但始終，我份Notion notes真係好靚呢～～～
1) 無3P無泳池的生日，但有3陪：陪飲陪食同陪玩。但有人出場地食物同酒水玩足5晚呢件事就...於佢連入錶都包埋之後，就已經變成無得計了。
2）點樣可以連續食足10日，係無得解釋的。而1個星期7日可以打8次邊爐，係技能來的。想提升技能的話，可以約我。
3) 我生日，有人請我飲同食；但有人生日，都係要請我飲同食。對於返嚟香港14個月後享受到「公我贏字佢輸」嘅滿足感，本人表示感激。
4）係天台屋時，有人唔知講咗句咩。我話：「呢度廿五樓來的，你講嘢小心啲。」佢答：「我咁好打，你郁我唔到嘅。」有時，好掛住抬槓。而，除咗文友之外，我把口好少會放肆到咁嘅地步，例如警告個可以送我去坐監嘅人小心講嘢。
自由。後來佢問我，到底我有無外國護照。我笑住話我有BNO。15年後先出現呢個轉捩點，我唔知佢想唔想為一齊飲返啖。
但唔知點解而家警告啲男人時，佢哋居然已經唔怕我！（哭）
7）原本想請人飲麵豉湯，但最後，我請咗佢食芝麻沙律醬。其實我食嘢好簡單，份人都係，例如始終唔想有個笑容跌咗落地。如果曾經有令佢失望，我希望佢諒解呢個唔我目的。雖然歷時經已10年。
8）而有時，無論係10年，甚至係10嘅兩次，或者一半，多謝各位仍然容忍我唔相信人同人之間有錯配。某人一動腦寫文，仍然會叫我出神。某人一面對盤數，就會叫我留意佢髮腳。誰人一開口，就自然會叫我無憂，而某人一聆聽，我就會笑逐顏開。
就連出嚟坐枱，老闆一手英文筆跡秀氣，打波游水鍊車瓣瓣掂，最近仲話佢鐘意士碌架。
男子嘅美態，仍然叫我目不暇給。
某時係香港，人同人間係咪有「路」先係最實際嘅時候，我其實在乎對方係咪「好睇」。而去到我呢個年紀，已經要係「好睇」前加上「仍然」。
7) 承上，一如拍攝要有對焦距離同光源，由於想睇到佢好睇嘅一面，所以通常只能夠坐係對面。作為一個失敗嘅劇作家，我通常都忘記咗將自己擺埋入個畫面。於是，有時我覺得我係個好失敗嘅女人。男人送到上門，我都只會畫2A級電影。因為我自己一個時，我只會畫卡通片。
8) 有人見到我自己湊自己幾個鐘時，居然去買puzzle玩，佢即刻問：「你好悶呀？」我搖頭，然後指住個盒：「個3D Puzzle係比8歲或以上玩㗎。」後來，佢見我咁都要睇說明書，就開始疑惑於我智商。但到最後，佢都係忍唔住搶咗去玩，示範說明書係唔需要睇的。
我當然欲哭無淚：理解咩叫說明書係我工作範圍。
9) 執著於說明。由包裝到工具到物件或電器，甚至護膚品，我歇斯底里哋疑惑點解廠次次都比啲過百頁嘅使用指南。而我，睇到去coding documentation，都未試過lost都去呢個地步。
而呢個係我每一日嘅實況：遭受智商嘅挑戰。
10) 都當然多謝女孩子們。咁多年我持續低能，有時真係好難理解大家嘅狀況。咁多個當中，始終都係我最豬。閒時出席率低不再話下，但有好食嘢時，大家都記得預我一份呢啲，簡直就已經係義務社工行徑：關懷隱蔽中年。
最後，八月仲有6個工作天，而我手上嘅 projects去到5個。我開始唔知點面對。
原本計劃收埋自己3個星期，應該可以清得到，點知，係收埋自己嘅第一個星期，就多咗2個項目。其實我真係想咪埋係被竇，直接啟動逃避模式。
而其實，我唔知係咪我工作能力好低。如果有人知道個包辦graphic design, web design, web development, marketing, product evaluation, branding development, business development 同sales嘅人，仲可以manage埋production schedule嘅人，唔該通知聲。
- 可以煲劇嘅晚上，我好乖哋無開電腦...70分鐘，繼而忍唔住用手機做research。（靈魂已經開始離開。）
- 然後，連個人都留唔住。因為已經捧埋部電腦係廁所辦公。（但我堅持，為免打擾休息，我唔應該將公事帶入畫面。）
- 之後，個心就飛埋出去。因為做咗4個briefing再hire埋兩個freelancer後，已經係凌晨過後。
- 夜闌人靜，先至pick up返原本嘅計畫：煲劇。睇咗足足一集。（當然有人已經自己睇足一晚電視，而且已經瞓著。）
- 7點幾起身，飲埋啡出得門口先係8點20分。後來又拖延著唔肯出門口。終極答案係：原來未開電腦時，係會唔敢出門口的。
- 電腦著咗，有人已經交稿。我竊笑，沾沾自喜：工作並沒有因我睡眠而中斷呀！！！ (世界實在太美妙！)
- 同時請兩個人做同一個項目，係咪好變態？但當兩個都準時交貨時，我居然覺得請晒兩個係快樂嘅負擔。係咪再變態啲？
- 但我覺得最變態係我自己啲生活習性。例如Pizza係要自己捧住食晒成個先叫食pizza。 有人望住我：「交換一件？」我居然差啲想喊。後來寧願比一件佢（！），但都唔肯交換（！？）。
- 多謝外賣速遞。當我講3個星期唔出得街時，我居然係精確無誤。對於自己嘅工作量，我絕對哋神準。(可以今日做到嘅，我始終唔想等到聽人先做)
- 我決定咗我自己唔係忙於工作，而係承認返工嘅生活，本質上就係一件沒完沒了的事。
Posts
All Comments
