Monday, January 11, 2010

咪Q將高鐵話題叉咁遠啦

當色盲都分到黑同白,

個班分唔到黑白既人,唔係盲毛可以係乜?

見班盲毛渣住雞毛指鹿為馬,

我不過跟住政府宣傳廣告做:




比人侵犯,要大聲叫唔好,

再話比信任既人知道!


我而家大大聲聲叫唔好,

你話我 “激進” “憤怒”,

仲亂咁加一個“八十後”標籤係我身上,

而家係咪全部“八十後”都出黎一齊叫唔好先?

我識一班同輩,佢地好溫和,

高鐵係佢地心目中,只不過係一條類似TGV既物體,

起唔起其實佢地唔Care,但同樣票價,佢地一定會去曼谷台北而唔係北上.

又講真,要搭High Speed Train都去日本/歐洲搭啦,

話晒呀,d相呀,要post係facebook比friend睇家嘛!

你一竹篙打一船人,

有無諗過對佢地唔公平?

尤其當佢地到而家都諗唔通,

拎阿爸錢去買架M3有咩問題.

你做乜得要屈佢地係 “激進” “憤怒”“八十後”唶?

你答我,
你答我呀!!!!!!!!!!!!!!!



反高鐵,因為無法接受政府洗一大筆納稅人錢去起一條唔等洗既鐵路,過程仲要毀滅小市民家園兼順便將四十棟舊樓變為危樓.

咪就係咁,
之嘛.


8 comments:

小瓶子 said...

很直接, 明晒 !

篤篤篤撐 said...

BINGO, 如果加d助語詞就更有力了, kakakka

Anonymous said...

根本係d人令納稅人要俾更多ge$
菜園村真係有咁多人咩?!
原本果條村好多都係得棟樓冇人!先前d人知政府要收要拿拿臨搬番去仲有咁多野種咁多野要政府再俾多d$!!!!
條鐵路原本都唔使咁多$,多得d人係咁拖。

k said...

200K 都叫高鐵?
呃邊個

鳳儀同學 said...

This piece is nice stuff!

Ron Lau said...

就係咁之嘛。
100蚊買一個爛蘋果喎。D錢我地架喎。

仲有係要屈9我地機我就係嬲!

收買佬 said...

成壇0野最灰既地方﹐係無論以前定今天﹑民間定官方﹑社會各階層....都無人講講
或留意下“七十後”一群。係咪我地太無性格呢﹖﹖定係人老珠黃呢﹖﹖

(呂大樂本香港四代人亦對第三代著墨最少﹐就算係報章廣告戰﹐都係五十甚至六十
後隻揪八﹑九十後....塞車論定係失敗論﹐都無人講七十後.....估唔到人人都當我
地透明 *cry*)

oz said...

70後太out啦!要衝勁欠衝勁,要錢唔夠人多,所以如此!

 
Clicky Web Analytics