Tuesday, October 20, 2009

閒談

"最近有種"無時間啦, 要儘快做d野!"既感覺... 有時我諗, 八十後可能係最後一代香港人. 九十年代出世既, 其實已經係中國人."

"咁你想做咩?"

"Hm...爭取普選!?"

"普選有咩好?"

"我地需要一個敢於為香港人爭取既帥將, 而唔係一隻又一隻既扯線公仔!"

"普選同開飯, 你估一般香港人關心咩野多D?"

"如果無普選等於佢地手上既飯越黎越細碗, 你估佢地關唔關心普選丫那?"

"咁你有無諗過,點解要二零一七先可以普選?"

”因為佢地言而無信!!!!”

"點解要加通識試?”

"為孩子"確立" "正確” "價值觀" ".

"2012年時,夠十八歲成為選民既係咩年份出世?2017年,呢班人又會係咩年份出世?"

"你係話,到時既新一代,已係係"思想教育"既精心研果?”

"到時開始比你有普選有咩問題?當玩十三點,輸頭注比你又點話? 佢明知之後個兩注,佢食硬你既..."

"喂但係佢出千喎!!!!"

”係,佢出千,咁你打算打三條九定call傻強拖馬斬佢手指丫?"

".........."

"到二零四二,港人"普選"出黎既特首,未必一定愛港,但一定愛國愛黨.二零四七年,一國兩際五十年不變,順利完成,到時全國熱烈祝賀香港歸屬組國,正式成為廣東省港澳特別自治行政口岸不可或缺既一員,到時咪皆大歡喜,大團員結局囉.”

”..........”

"到時你幾多歲話?”

"六十五歲..."

"哦,咁都有機會睇埋個失城記下集大結局.我好命d既話,都應該睇唔到架啦..."

4 comments:

荒木茂 said...

這段對話一點不等閒。
i like it.

eric said...

要買定一噸花生喇。

said...

唉,人同此心……

李傑 said...

Talking to youself?

哈哈,其實你無需思考咁多,咩政治,咩普選,開心D活在呢個世界,OK啦。

我生活在大陸,講到政治就好無奈的,簡單地舉個例子,我連訪問你的BLOG都要用技術手段(大陸封鎖blogspot)。其實你們香港仔在中國還是挺幸福的,最起碼有基本的話語權,我們就不行。

我和你一樣是八十後,所以在很多方面會有很多相同的想法吧,我知道我們這一代人都很有愛國心,但是很多時候政府總是讓我們感到無奈。人也長這樣大了,學會了忍耐。

不過追求自己的理想是值得鼓勵的,加油~!

來你BLOG亂說了一通,希望國語你能接受,廣東話不太好,見諒。

 
Clicky Web Analytics