Game On

街，我仆慣．之前講仆街，大家都分享過唔少經驗．

我成日同自己講，就算個世界點仆街，就算自己親身仆左幾多次街，只要我今時今日仲企得係到，我存在既責任，首要係唔好對別人做d仆街野，有機會既，就勸下人唔好仆街．

自己知有幾痛，夠了．唔希望其他人痛，係心願．但拒絕助長邪惡力量，只要堅持．

當然永遠有人會衝出黎講，喂，咁個世界就係咁仆街架啦，你鍾意自己發白日夢一件事，我淨係想賺多幾個錢，過d好d既生活．一將功城萬骨枯，自己都未顧得掂，邊理得人地咁多？

每一次我都想講，各人修來各自福，我只係衷心希望你千祈唔好生小朋友．

地球，終究係人住的地方．呢幾年大家興講環保，咁係大力推行膠袋徵費既同時，係咪應該都呼籲下人類唔好做一舊垃圾呢？

自己寫的文，從來唔算順眼，但近幾個月，真係一篇比一篇 “罌”眼． 自知係墮入左the dark side of the force，但打左困籠，找唔到出路，無論點爭扎，點大力dum地，點大聲叫救命，走唔返出黎，就真係走唔返出黎．

當日啪左粒藍色藥丸，一路上碰碰撞撞，唔死，但一身殘．今時今日係咪真係要變返Agent Smith先？

但唔變返Agent Smith的話，真係無仇報的．呢啖氣，我吞左會唔會抱憾終生先？

正當我心裡面果個五歲o靚妹又閃返出黎大哭大嚷之際，我突然記起，不論答案或出路，從來都係往內尋，而非向外求．

然後我問自己仲未壞死的兩三成心肌，我係咪就咁放棄，係咪就咁向邪惡勢力低頭？係咪真係捨得親手將地球變為一個更加仆街的地方？

And that is when I realized, I seek justice, not vendetta.

念一轉，眼前黑到不見五指的深淵，幻化成Agent Smith的衰相，再繼片繼片自動瓦解．

What doesn’t kill me only makes me stronger.
And here I am, back in one piece,
preferably with a red dress.

=)