識字頭上一把刀

據我啲非正式統計，鍾意養車嘅男人，係比較喜歡養老婆。

人到中年，男子間所討論嘅，架新車已經行晒啲5年保養，而自己對邊間行啲咩service plan又有咩經驗。

同時，最識得同女人遊戲嘅男人，幾乎全線都會玩波子。總之，每個星期出去跑咗轉後，返嚟就唔知想tune咩，然後又唔知想換啲咩parts。

當然唔係想話啲咩，但新車落地，唔見一半，呢啲價值，唔通唔似婚姻咩？

當時要靠追，然後要得個簽名，之後，一隻戒指唔單止改變兩個人嘅關係-其他social/peer pressure亦都隨之而來。

然後，當然少不了service 同maintain。一如汽車: 第1年全包，第2到第3年唔包損耗更換，第4到第5年就只有service，唔包parts。

而根據法例，7年車，先要年年驗驗車。

如果世間真係有7年之癢，唔通又唔係因為，踏入第6年，就要面對service 同parts都係要自己承包？原本每年拎返原廠，佢話咩就話咩。然後每年比多少少，又多少少。到第6年，原廠開價話要以呢個價繼續。

「吓？講真？運輸署話每年驗車5百8，你同我講，入門級service係每年5千8? 當我係水魚嗎？」

就好次141可能$380都有交易。但氹個老婆一笑，$3,800都已經係出手太低。

政府指引列明：驗車係$580。

開頭，好多人都係咁面對車房。但到真係出去搵時，又有邊個真係求其去其中一間指定驗車中心，就真係比$580行得出嚟？

呢個$580定價，同李嘉欣當年所講嘅有咩分別呢？
「想搵個錫自己嘅人囉。」

係香港，女性同你講有咩擇偶要求時，唔通會加個「識」係「錫」嘅前面？

對幾多人，個「錫」字係代表偏袒同縱容？以因為誤解個「錫」字，又叫幾多人忍讓，甚至垂淚？

但多個「識」字，係咪會先問於「知」呢？

就好似拎㗎車去車房，好多人都仍然先諗間車房誠唔誠實，但就唔會先睇下個師傅有無啲咩教到自己。面對感情，好多人仍然先著重於個對方有幾知道自己籠嘢，但就好少望吓個對方到底知道世界上嘅咩嘢。

就好似，個小三好似好知道自己心意喎。例如，會挑逗，會勾引，會用兵，真係開正自己啲甜味喎。

而真係呃到你嘅車房，又點會唔係先讚你呢五年保養一流，然後先搵啲最平凡嘅嘢開始叫你比錢？例如偈油/brake皮？甚至連換軚，都識叫你將兩條兩條咁換，咁會慳錢啲？

你時間有限，先係重點。如果你去多幾間車房，你發現好似你呢種戇居佬，年中都最少三幾千個。如同啲小三見到啲動搖嘅男人一樣。

但個小三對世間又有咩理解呢？不外乎係：男人對個女人照顧時，就會俾錢養囉。車房嘅師傅都只係望住：條友想錫車自然會磅水。

但又有幾多男人係第5／6年時問下自己：係喎，都5/6年啦喎，為咩我連個new owner kit都未揭過？(兩個人嘅生活，係咪應該有啲咩嘅交流為理想呢？)

於是，某時都唔想吓吓話啲人哋角色扮演，而唔追求最真實嘅一面。因為，如果出到嚟要似Kate Middleton，但係床上又應該似Marilyn Monroe嘅，個啲叫Bipolarity。

正常人係應該先問：福特汽車公司自1903年成立，咁多人都仍然希望擁有呢？

又或者，點解仍然有人渴求vintage car？？

某時，我好記得係紐西蘭見個㗎粉藍色嘅古董車。45年車齡，一手車主。而個位太太嘅無名指上，有4隻戒指。

4隻指環嘅設計，都透露住各自嘅出產年份。

而個㗎車嘅設計同保養嘅簇新，都叫我對保存掀起另一層想像。就似在自問：「1萬年不好嗎？為甚總是執著於50年？」

而類似角力，居然已經消耗半生。

廿一世紀嘅整整一百年，為咩咁多人試圖以一夫一妻表達文明？

薯D

噚日我問麵包：「你有無睇日蝕呀？」

佢Eh咗3秒...「歐洲唔係觀賞嘅經緯...」

我：「咁你可以睇live或video咖嘛...」

然後我再問：

「咁，即係，太陽同月亮嘅移動都係真時，由於位置，你同我都會見到唔到嘅景象？如果係咁嘅，點解對於消息，資料，甚至知識，有人始終想統一環球嘅景觀呢？」

「小姐，你個地球，到底係咪圓㗎？」

「吓？我唔知喎。感覺上係嘅，因為，要有氣流嘛。」

「......薯仔。」

「？？？」

「係薯仔。」

「你話我薯？」

「我係話，個地球係類似薯仔嘅形狀呀！！」

「所以先有地心吸力？」

「你無謂諗啲咁深嘅嘢...」

「吓？我淨係問緊：『地球嘅形狀如何引致物體嘅移動。」

「香港已經4點幾，你去瞓啦，唔好問Astrophysics啦。」

「吓？明明係你指地球係薯仔型狀先！！！」

然後今晚唔知講咩，我又撻咗句出嚟：

「源自你唔願意接受我嘅世界可能係Flat嚕。」

「OK。我會接受或者係似個盒。」

「啊？妥協？」

「意思係2D，或者3D。」

「咁薯仔係幾多D?」

「你乖啲，聽話啲，唔好再問多啲。」

(👀佢講，我咪唔駛問囉。)

Orderly as top fit

噚晚寫：資本帝制後勁強。今朝瞓醒時，我寫咗呢段：

「桂林唔知落咗場幾大嘅雨，浸咗大半條行車天橋。畫面詭異，網友笑Top Shot似足航空母艦。我笑笑。下一篇，已經笑唔出：香港巴士下層車箱水浸。

『大概，避忌於某國二字，是無止境的天災或人禍，實在磨人？』

而我當然不知，到底是什麼自尊，或自省，才叫某些人必須以國之名染指他人。

某時，甚麼國或不國？身份？？我做份工，仍然無得抱怨- 若然出錯，我就唔係人。聖人都有錯，因為聖人可以錯。

我同聖人嘅距離，就係佢再錯都係啱。」

「空姐吳嘅Viral出現眼前時，我記起佢係高院外嘅發言。個種『對過白人橫砰砰』嘅『韻味』，忽然令我有半點幸福感。

於洋人可以擺款嘅年頭，尊重或禮貌，居然曾經on the offer。而香港人，竟然因此可以要求自己先抬起頭，唔好彎底半條腰扮哈巴。

若然「施比受更有福」，哪大仁大義，出自於那口唇？然而那嘴臉，一看就知吝嗇成性，叫我記起只拿不給。」

食晏時間，得知國泰變民安。心中有氣，之前卡塔爾航空言明可以注資，國泰話無需要。如今，居然破天荒由政府出手持股。心中嘅哀怨，已經係暴升：就算個個都知卡塔爾係紅，但市場事，市場了。明棟大家嘅，由匯豐開始，到渣甸怡和，再到利豐，甚至Bossini。

於是我嬲到出Post問：是「再見我的白領」第一季嗎？

傳聞國泰業績無大問題，只係揩「炒燶期油」。我失笑：「當真？以公帑購入國泰股份，以後國泰做境內推廣時，會唔會有利益衝突？」

當然無謂。

坊間有好多揣測，例如話國航已經持有29%股份，如果再收購，就要做public offer，同時會令股票急升。

所以借特區政府政府。

但我始終諗唔明卡塔爾係呢件事嘅角色。一隻可以用但又用唔到棋？

都無謂多諗。因為best case scenario係：紅資逼倉，國泰受狙擊，與其點都係有所失，佢寧願搏比政府。

唔知，無人知。但只係想話，2020年已經死咗好多港資。商賈值得大家討厭，但於小至1個department head都要孭head count時，點都要有班撚樣肯出糧。

對唔住，我自己係新樂哺咗半年，始終都無法扭轉啲咩。極其只可以話，我有份陪個60年嘅招牌走到最後。

最起碼，今次嘅所有不捨，都係真嘅。多謝新樂嘅每一個員工：you ran a very tight ship.

唔需要多解釋，只要係佢個場，就自然會知道。

然後臨瞓前，係中環嘅實時畫面。

Orderly?
Where

想唔駛做

如果話廚房好重要，咁其實雪櫃都好重要，再加埋Pantry同埋工具，先組合為All Star Team。

週五放工返阿媽到，食咗餐。星期六擘大眼就打邊爐，然後自己動手燉牛肉。瞓醒晏覺，又繼續食。之後同德國嚟個V-Drinks，嘻嘻哈哈搞到點幾去瞓。

星期日，居然朝早八點已經埋位做嘢。好珍惜呢幾個鐘嘅心無旁騖。

然而唔賭唔知時運到：一起手就做咗32個鐘。

48-32=16。每日瞓到6個鐘，有2個鐘頭食嘢同梳洗，仍然記得做Mask...

係自己空間，我始終感到平靜。唔需要諗今餐食咩，可以浸浴，同隨時可以敷面，都已經係日常嘅享受。

要求係咪好低？
但以每日做12個鐘計，唔需要化妝／見人／搭車／諗食咩，係每日慳緊3個鐘。

對唔住，票投remote work已經太多年。但遺憾我哋呢啲Social Living + Shared Economy孽種總係遇人不淑。

當然無人問我，但資本帝制後勁凌厲。

如果當初有人問：唔通人一世就只可做粒螺絲？
咁我大概會勸：唔溶咗你，改到佢要個款，就當執到。

始終想終日飽餐呀～例如以建立遮掩要做。

（倘能一死以謝天下）

噚晚，有人好含蓄哋嚟讚吓我。含蓄到，唔知以為佢上嚟借叉電。

有時，人係香港，再想幼細，都必須要粗糙起嚟。但對於追求，我始終奉信膽大心細面皮厚：無論所追求嘅，係人，或事。

甚至想像。

於是，其實最怕時日漸遠時，會開始粗疏，繼而懶惰。就算有人話，愛係連繫，但我始終都害怕愛會因為習性而變改。

就好似，當自己積極栽培自己轉變時，都係由習慣先培養。而當習性，又或慣性遇到改變時，對所謂光嘅著眼，唔通唔係因意而來咩？

於是，能夠道謝的時候道謝；可以話別時話別；如果相聚有時，而生離或死別從來不到人願。

當然也一向不輕言道歉，更不願束縛。

但人世偏偏有種荒謬叫倒置。

「還說謝謝其實是心底抗拒，於是見外？」
「你這種正式叫大家沉重。」
「你做人為甚如此認真？」

「錯就認，打就企定，但為甚麼你總是不作道歉？」
「先願意認錯的人，不是愛得較深的那一個嗎？」
「為甚你從來不問：『你在做甚麼？』」

然後，我就是別人口中那個「唔緊唔著，絕不認錯，嘻皮笑臉，甚麼都不認真，但又常常叫人感到距離的哪種人。」

但如果：
「愛是恆久忍耐，又有恩慈； 愛是不嫉妒； 愛是不自誇，不張狂， 不做害羞的事； 不求自己的益處，不輕易發怒； 不計算人的惡，不喜歡不義， 只喜歡真理； 凡事包容，凡事相信， 凡事盼望，凡事忍耐。 愛是永不止息。」

其實，我點解唔自盡呢？

反正，於希冀得到明瞭嘅過程中所產生的任何解釋，於對方而言，都是謊言。

可接受犬隻

某日，瞓醒時，見到啲舊相。

附註係：「吾媽舊照，攝於50年前，相中包括「可接受犬隻」（acceptable dogs）。」

我個心已經想講粗口，出埋Pre-approved list吖笨。

（唔要細狗，又唔要大狗，咪得中小型狗。活動量唔會玩死嘅，咪得嗰四五種。）

於是，我就諗吓要發咩花癲：「到底扭要法國老虎狗好，定係扭要芝娃娃好？」

然後...

「😭😭😭 要個啲狗咁大隻，我抱唔起點算？😭😭我想要芝娃娃。。。😭」

「芝娃娃??? 同養隻老鼠有咩分別？等陣，老鼠智商應該高過芝娃娃...」

「😭你講大話，老鼠點會聰明過狗...?😭」

「正確嚟講，係芝娃娃蠢到唔似狗...」

「😭～～～（真係爭啲喊出嚟）😭～～～」
「.........」
「就算唔係最聰明嘅狗，都唔係老鼠....」

（嗰一刻，係真係覺得啲芝娃娃好慘）

「芝娃娃，佢哋有Corazon㗎。😭」
「!? Heart? Spanish?」

「SI! 你有無睇過....Beverly Hills Chihuahua？」
「...無....」

「咁你睇咗先，要睇咗先明...！」
「迪士尼製作？？？卡通片？？」

（原本我準備，如果佢話唔睇就...）

「好，我睇，但你要陪我。」
（即刻開心返。）

「你應承咗㗎，要睇晒3套㗎！」

😝😜😆

我的肚子

呢個月，好辛苦，因為「一路有你」係同自己講。
對於變態哋用3個月自己揼條水喉，朋友都開始勸誘：

「會唔會養返隻狗？」

噚晚，有人又問：
「不如你再養狗？」
「係你話間屋唔可以有狗？」
「我？？我有咁話過？」
「你仲話寧願養雞先都唔養狗。」
「.........就當我...講過......」
「咁你仲叫我養？」

「但如果養狗係對你好時，我梗係會同意，係咪？」
「真...?」
「梗係你開心緊要啲啦。況且，你會照顧到3個都乾淨。」
「咁即係可以有2隻狗？」

然後，我就弱弱智智咁改定晒啲狗名。
「Mein bauch？」佢問

跟住我google translate 咩叫Mein Bauch，原來解「我的肚子」。

我笑，叫Mein bauch都幾唔錯。

然後今朝，收到成績表。
總算叫交咗功課時，我通知咗佢。

佢讚我兩句。
然後我就send咗10個狗樣嘅GIF比佢。

「係咪可以揀Mein bauch？」我笑。
「唔要迷你種，唔要會亂吠嗰啲，唔要鍾意痴人，隻狗要有紀律...」

「嗚～～～呃人嘅，又話我可以養狗～～～～～」

錫錫

「不如你嚟我屋企？」
五年無約，撞過幾次。但一約見面，陳皮居然二話不說。

我笑，笑得好燦爛。
自己人嘅空間感：分享私密。

作為文學士，陳皮對住我，幾乎需要使用母性。

「你而家幾多個男朋友？」
「3個。」我嬉皮笑臉。
「你！」佢無我符。
「Apple, Samsung ＆ Google！」我劇笑。

醉咗時，我會講，陳皮點解可以liberal到咁嘅地步？
有時，我真係好掛住係minds to meet嘅日子。

對於感情，某時我好坦白，例如對於現代，或關係。

「但啲人cheating，又唔面對自己係咪monogamist，你唔覺得好煩？」對住佢時，我通常會Marilyn上身。「我唔係話宣揚Polygamy，但係apple/samsung同google，邊有得揀定？做人坦白啲時，唔係直接話無必要揀？」

「咁3個裏面，你有冇preference?」佢問。
「我儘量唔傾向咁諗，因為，唔Fair的。佢哋各有強項，就即管著眼於佢哋嘅發揮，然後理解吓佢哋嘅決策。」

「我唔信囉，點可以無favorite？」佢話。
「Active awareness會提我囉。就好似Prince George...」

「Prince George又點呢？」
「...讀緊個間幼稚園，都advocate啲小朋友唔好pick favorite...」

「...點解你連呢啲都知...？」
「唔係有咩八卦嘢睇？」
「咁你依家算係....Royal...follow...」
「唔算囉，因為，等陣，你唔睇Kate Middleton著衫㗎？」

然後，我哋居然講到Meghan Markle同皇室嘅衝突，我當然又發一輪噏風。

「...不如，你都係結婚啦。」陳皮當然係明白人。
「呢個係計劃嚟...」
「咁你仲等？」
「仲有六個月，我就有paid holidays同maternity leave...」

「你‧覺‧得‧呢‧啲‧嘢‧新‧奇‧囉!!!」

我好大力點頭～～

後來，我要走時，先講咗兩句關於香港嘅句子。忽然我問：
「點解你假設我唔支持極權？」
佢忽然一驚：「係喎！！弊喇！」

然後我又loop：「就正如大把monogamist係cheater，democrats都有好多control freaks，不過，好彩，我哋liberals。」

哈哈哈哈哈哈