由麥當當牽起的 一抹漣漪。

時間下午一時零八分，她踏著芭蕾舞鞋急步走，邊行邊為遲到感到不好意思。到達快餐店時，舖內擠滿黑壓壓的人頭，她拿出手機想要給他打電話，才發現根本沒有他電話號碼。

然後FB彈出短訊：「你不用趕急。還有兩個人便到我柯打了，你想吃甚麼？」
她一怔，再飛快地回：「那...那就一個麥樂雞開心樂園餐，飲可樂，另加魚柳包同朱古力奶昔，唔該。」
「收到。人多，無位，你係門口等我得啦。」

午飯的信德中心，人來人往，她拿著電話於門外等著，感覺就是怪怪的。兩星期前於社交聚會上認識時，他問她在那兒上班。上環，她答。噢，那找天一同吃午飯吧。他說。大家互ADD FB。兩個小時，就說了這幾句話。然後昨天，他傳短訊：明天午飯？她回：好呀，那兒？他再答：一時，信德麥記。

她定神細想，完全想不起上次被人約到麥當勞是何年。人大了，偶爾吃麥當勞都是為快捷方便，快餐嘛，沒營養嘛，SUPERSIZE嘛...

他抽著兩大個膠袋出現時，她先為遲到道歉。「No Worries. 人多，不如到海傍吃吧？」她聳聳肩，沒所謂的跟著他走。三月的陽光溫惋，迎面一陣陣海風，二人靜靜地走到一張長凳。她正要坐下，他示意她稍等，找出幾張餐巾，攤開鋪在凳上，才讓她坐下。倆人相視而笑，然後他逐一把食物拿出，她唧茄汁到餐巾上。

「話時話，女仔黎講你都好刷得喎，唔怕肥咩？」
她紅著臉：「咁耐先食一次，梗係食最鍾意嘅野食㗎啦。」
「咁又係。你都鍾意食麥當勞咖咩？」
「鍾意架，人地花咁多R＆D嚟做Taste design，好難走得甩啫，係咪先。」她拋一塊麥樂雞到口中，滿足的聚嚼著。
「但佢地D雞牛都GE左架喎，你唔覺得殘忍架咩。」他咬一大口足三兩說到。
「扯，你係超市買個D肉咪又係大把激素同賀爾蒙。」她邊說邊將薯條沾滿茄汁。「你睇，溝肉碎做薯條都比佢諗到，出面邊到食到？哈哈。不過呢，我反而對佢地砍伐雨林黎做Cattle Farming唔係睇得好過眼囉...」

他沒有作聲，就望著她吃魚柳包，忽然間百般滋味在心頭。見他靜下來，怕他悶，她轉話題：「喂，你對上一次係麥當勞開生日會係幾時？」

二人就從生日會開始談起，再談到童年，四十五分鐘轉眼過去，她拿起喝剩三份一的奶昔道別。

「下星期再吃LUNCH？」他試探地問。
「好呀，不過唔食麥當勞得唔得？」她笑著問。
「咁你想食咩？」他笑。
「KFC？」
「一言為定。」

看她拿著奶昔輕快地走遠，他微笑著拿起背包，發現她遺下了開心樂園餐的小玩具，於是跑上前將之歸還。

她拿過那輛蝙蝠車，說：「唔該晒。」
「咁下星期見啦喎。」他說過便轉身離開。

「喂。」她回頭喊他。
「？」他也回頭。
她上前將蝙蝠車交過他手上。「這個送你，多謝你請我食晏。」
「記得抹車呀！」她邊揮著手邊倒後行。

====================
(手痕，興起，想抽水。)

讀陳食客有感

Inspired by:
(明報)2010年5月23日 星期日 05:10

鮮茄豬扒飯無鮮茄釀武鬥 食客吃光後要求減價 諷刺店員捱打

===============================================

政改飯無普選釀武鬥 市民吃光後要求普選 諷刺高官捱打

(日月報)2010年5月23日 星期日 05:10

【日月報專訊】「2012政改飯點解無普選？」一名男子昨午到油麻地廟街一間茶餐廳午膳，吃光一碟2012政改飯後才投訴飯餐中只有普選路線圖點沒有普選，要求減價兩元被拒，不忿下揶揄店內女高官語帶鄉音疑是保皇黨，最終被店內男高官打了一身後有感而問。

現場為廟街47號地下一間港式茶餐廳，以魚蛋粉馳名。遇襲男食客陳×峰（33歲），被打傷頭面及右邊身體痛楚，送院敷治後無礙。涉嫌毆打的食肆男高官洪×榮（53歲），事後被捕帶署。

根據該店基本法顯示，引起事端的2012政改飯每碟賣24元，相中有白飯、普選及2012，全面直選加6元。記者事後光顧該食肆，同樣點了2012政改飯，女店員刻意詢問﹕「係咪真係要普選呀？」記者答是，之後送上的2012政改飯連3片路線圖一併奉上，另加一小碗伴盡快汁，盡快汁中沒見到有普選.

店員拒減2元 食客揶揄口音似保皇黨

事發昨午12時許，陳到該店午膳，點了一碟2012政改飯，一口氣將飯餐吃光後才向女高官投訴，指飯餐只有盡快汁沒有普選，與基本法不符，認為貨不對辦，要求減收兩元，女高官拒絕講價後，陳疑感不忿，揶揄女高官語帶鄉音疑是保皇黨，冷嘲熱諷一番後才付足24元結帳離去。

未幾，食店一名男高官得悉事件，衝出店外窮追近百米，在文明里街頭追上陳理論，陳在糾纏間報稱被人打傷，報警要求送院。警方事後與陳返回茶餐廳調查，以涉嫌毆打罪名將姓洪男高官拘捕。現場消息指出，有人報稱是誤會食客吃「霸王餐」而打人。

大律師﹕進食後投訴「死無對證」

大律師陸X雄說，事件中關鍵證物是出事一碟2012政改飯，但男食客食光全碟飯才作投訴，可謂破壞證據「死無對證」，無法證實飯餐是否包含普選，然後又要求減收兩元，似有賴帳之嫌。陸偉雄說，法例上並不視基本法為買賣合約，只屬於政策介紹書，市民如認為基本法文字或照片描述與實際不符，可拒絕進食及向消委會投訴，如果市民覺得被騙，甚至可考慮報警。

律師梁永X指出，市民光顧政策如感到政策貨不對辦，只要拒絕進食便毋須付款，最多只需支付「淨飲」茶水費。但食客如吃光政策，無論是否有投訴，都有責任先行付款。梁提醒說，如不滿政策質素，最公平是即時為政策拍照留證，將樣本交有關部門檢驗仲裁，市民或政府用任何方法「破壞證據」後再投訴都不公平。但雙方如堅持要到消委會或小額錢債審裁處解決事件，最終可能費時失事，得不償失。

=>

Source

觀中女告白後之自我勉勵

(敬請留意尾段-2:20-3:25)

==============

admilk (1 年 以前)

haha, she holds the mic with her pinky up :P

波波這回事...

星期五晚, 小酒吧內.

甲女: “喂, 你好嘛? 好耐無見.”

乙女: “OK呀! 喂, 我好鍾意你今日個波波, 好正呀.”

甲女: “下!? 有幾正丫? .”

(此時, 乙女已經伸出雙手把弄著甲女的一對波波...)

乙女: “好得意呀! 好好摸呀佢地! ”

甲女: “車, 你夠有兩個啦, 咪又係差唔多! ”

乙女: “但你果對軟熟D好摸D喎!! ”

甲女: “但你果個都好正好滑喎…咁…一係...交換啦!? ”

至此, 坐於甲女與乙女旁的一行八人全然安靜下來….

兩名女子終於察覺對話內容的不雅之處,

然後穿波波毛衣的痴女跟掛著波波頸巾的露體狂,

一同爆笑.

=====================

又, 想幫波波毛衣影張相以作紀念,

但一將件污穢衫攤係地下, 不到三秒...

(呢塊係!?!?!?!)

(E咦, 有波波玩既!?!??!?!??!)

(嗯, 好啦, 呢塊野我要左佢啦.!!)

=====================

波波的吸引力, 女子果然沒法擋.

願波波與我們共存, 阿門.

Master Key!?

Disclaimer:

They are not my friends.

忍唔住...

強烈建議北野武邀請朱鎔基教授開拍大佬III!!!!!

Social Gathering 101 - Update

拖左咁耐先出呢篇，sorry. 即刻入正題．

我想話呢，其實篇Case Study，我都唔肯定有無八個Point...！
又，既然已經有嘉賓客串解說，咁我無謂又Loop一次, 寫堆同樣野啦係咪？

(唔好噓住先．)

相信你一路睇篇Case Study，心裡點都數得出一兩個錯point卦？如果自覺Social Skills唔掂，當你抽身Review自己時，你都知自己衰乜，亦知自己應該點做架窩．

重點問題係
點解你唔做先？

又，如果你真係盲到一個point都找唔到，可以參考下小瓶子／黑人／Double Chin + Triple Anon 留言．

或者問下朋友，假設有的話．
但有咩好得過問自己？

怕煩？怕淤？怕樣衰？覺得好虛偽好假好無謂？唔想晒心機捱眼訓？調返轉頭，都有人係太想識人，可能想型想威，於是太熱情，又或者唔夠識相．

又一個重點
點解會有呢d想法先？

或者應該問，
點解將呢件事睇得咁難先？

＊　＊　＊

收視率暴跌，我知．
應該寫d實用篇，即係交談手法技巧谷谷佢，我都知
Next week, 艾波密時．

呢排搞<情人節派對>，做到想死．
但都有d觀察幾過癮，希望寫得切，聽日應下節．

＊　＊　＊

至於利誘，其實我個個都想比．（哇可唔可以再行d呢!?）
Anyways, the winner is 小瓶子．
Thanks for your support/ link / time / respond to my social 101 series.

艾甩唷柯！Xoxoxoxoxoxxoxoxoxoxo

Social Gatering 101 - Case Study

週四晚，LKF酒吧內，Networking Happy Hour.

Invitation 上寫著聚會由七點半開始，一直以守時自傲的你跟友人準時到達．眼見場內得小貓十餘隻，你倆到吧檯拿過一瓶啤酒後，很自然地走到一個不太惹人注目，但又可以望到門口的位置．

三十分鐘過去，你跟友人依然站在同一角落，有一句沒一句的閒扯著，但目光卻不時盯著門口．誰進來誰離開，你不單心中有數，更暗自在心裡打上剔或交叉．

然後，一名剛進場的異性不經意地望向你，四目交投，你立即把頭轉向另外一邊，向他/她展示 "拿，你唔好意為我特登(目及)你啊！"的姿態．

你努力的把頭保持在那一個"避免誤會的角度"，唔，大概有分半鐘左右吧，你眼尾睄到她已經行開，才敢把頭放回一個正常的角度．

呢個時候，你開始有一絲懷疑: "其實，頭先果個，都好似得得地架窩"．．．．

想再望多兩眼，但已經太遲了．諗多兩諗，你終於打破　Dead Air　七分鐘的悶局，開口問友人

"喂，頭先入黎時望住我果個男(女)仔，你覺得O唔OK啊?"
"邊個呀？”
"呢，著黑色衫果個呢"

友人將目光從左到右一掃，企圖從在場的六七十人當中，找出你所說的目標人物．奈何穿黑色衫的人實在太多，他只能滿臉茫然地回你一個 "下!?!?!?"．

失望之下，你開始在黑陌陌的酒吧內，依靠微弱燈光，嘗試以眼睛找回他／她所穿的那件黑衫．

手上那瓶啤酒越來越暖，而你的一雙腿也開始酸了．但心內又有一絲不忿，因為你未能證實他／她的質素如何．死死地氣走到吧頭，買來另一支冰凍啤酒，又自然地走回那個安全的角落，企在友人身旁，繼續你的搜索行動．

這一次，你只拿著啤酒站了二十分鐘，友人便提議離開．你心裡暗嘆 "唉，今晚都係無運行架喇，都係收隊罷啦．"

一個月後，朋友再叫你去同類型聚會，你已經無乜興趣再參與．

因為你覺得，早d返屋企打機／訓覺／上網好過．

* * *
係呢個Case Study裡面，我收埋左八個我認為可以改善的地方，打算下篇先解話．

但打完，我又突然間覺得，得我講無人講，好悶．每個人觀點角度都唔同，同一個Situation 下，一定有唔同睇法做法．如果有人樂意幫手解話分享下，咁我地咪可以一齊學多幾招？

咁跟住呢，我當然又開始抽起條筋啦．

喂你地都陪我顛左咁耐不如一齊寫下啦喂！
試於前文中，找出五個你認為<你>可以改善的要點，加以重寫，令一個悶到爆的夜晚變為Fun Night. 終極目標為：當下次再得知有同類型活動，<你>會好好好樂意再參與．

喂就不如就試下利誘你地啦！
最多咁，如果真係有人肯陪我顛，寫得最好果個，有獎．

咩叫最好？無Standard 架，我覺得最Likey架囉．

獎乜？你話啦 (Within MY REASONS 呀唔該)．唔想諗都得，我會比幾個我認為你會Likey 的option 你．另，外地網友，我應承我會寄DHL ok!?

有意齊齊玩者，煩請週日(8/1)前Email 至 lau_cecilia@ymail.com

* * *
喂如果真係無人睬我，都真係幾淤架窩...

不過無所謂啦，我都仆慣街架啦．

呵！

Social Gathering 101 - 心理調整

不論你參與Social Event 的最終目的為何，請緊記世界上無任何事會"包生仔"．

講真，你再淤，有幾多人識得你？見到你淤o既，兩個月後係街見到又會唔會記得你？

如果佢真係記得你，或者因你淤事認識你，咁我同你講聲恭喜晒．

You made a hell of an impression.

* * *
心理調整，好重要．例如，電車男成日覺得無女仔鍾意，但我想話，我識好多靚女，都對Nerds特別有興趣．

前題係，係你遇到呢幾個靚女之前，你肯唔肯信世界上真係有靚女，會專吼電車男先？

你唔好扯我，我心目中永恆女神，100% 純正本地美女，現正單身．佢自十三歲開始煲美日動漫，廿歲開始打Game，後來仲打War Craft 打到比Blizzard 請埋做Freelance，而家手下帶住近50個Gamer幫Blizzard開工．

喂，我講真架．佢仲要唔Nerdy o既唔鍾意囉唔該．

學燦叔話齋，"百貨應百客"．但如果你身為Supplier都對自己產品無信心，咁你係咪應該先將產品 QC 到合理兢爭力水平，再嘗試 Marketing呢？

* * *
下邊呢堆係我嚴重宅女時期，自己同自己講過o既娘野．可以Skip，不過我都捱眼訓打左咁多字，唔爭在擺喇唉．

1/ 怕醜
非壞事，仲有人認為是可愛(!?)的一件事．但怕醜之餘，唔好吝嗇笑容．寧願係咪都笑，都一定好過木無表情或黑口面扮Cool．

2/ 等人撩傾計
都無問題，但前題係令人知道"你有意慾去同人傾計"．瑟縮一角，唔好話同你傾計，有無人見到你都成問題啦．

3/ 只渴望與合眼緣的異性交談
呢個世界唔係男人就係女人，你凈係想同異性講野，我明白，但同時亦提醒你，世界充滿可能性．例如，你可能識到一個同性，因而識到十個八個異性．F*ck the competitive shit, you need allies.

5/ 自覺包裝不夠吸引
你再索再正再靚，索靚正唔過曼玉志玲朝偉劉華．但再醜再難o更，又不是慕鍊如花八兩金之流．凡人，就是比上不足比下有餘的一群，Which is the majority.

你對自己無信心，比件亞曼尼Black Label你著都唔會覺自己得．

(我只不過想話，我識o既"最受歡迎人物"內，無幾多個係靚爆鏡．靚爆鏡的一兩個，我肯定你傾三分鐘計已經想爆樽了．)

6/ 認為在場參與人士的最終目的不是錢便是性．
出得黎Social Gathering，大家都係想輕鬆下，識下人，何苦太斤斤計較？

又，如果真有人對你的錢/ 身體表現興趣，you should learn to take it as compliment.

又又，有無人發現我特登漏左邊個Point 未講呢？

* * *
我不是專家，沒有兩三招"必殺技"教你．
我不是才女，欠缺深厚文字功力，無法簡潔地以Point form逐點激破．
我只是一名宅女，抽起條筋，想分享過去兩三年間比較深刻的體驗．

下次，下次我地做Case Studies 喇好無？ (如果仲有人想睇)

未能貼題 - Social Gathering 101

Social Gathering 中，新手常犯錯誤包括

1/　怕醜(淆底)
2/　等人撩傾計
3/　只渴望與合眼緣的異性交談
4/ 不懂得如何展開有趣的話題
5/　自覺包裝不夠吸引
6/ 認為在場參與人士的最終目的不是錢便是性．

任何認同兩項或以上的人，我敢保証他們一定是躲在角落喊悶的一群．作為一個旁觀者／參與者，我明白人一但離開熟知環境，會對未知懷有恐懼．但假如你已經踏出"願意參與"的第一步，何不放輕鬆試試Enjoy the party?

唔，又要賣個關子先．因為今日想講其他野．呵

* * *
最近，瘋狂迷上了一個名為 Dating A Banker Anonymous的博．

Introduction of the blog -
Are you or someone you love dating a banker? If so, we are here to support you through these difficult times. Dating A Banker Anonymous (DABA) is a safe place where women can come together – free from the scrutiny of feminists– and share their tearful tales of how the mortgage meltdown has affected their relationships. DABA Girls was started by two best friends whose relationships tanked with the economy. Not knowing what else to do, we did what frustrated but articulate girls have done since the beginning of time - we started a blog.

人情冷暖，一覽無遺．無奈得，讓我想起卡門的歌詞．

* * *
香港作為金融都市，縱然面對金融海嘯，仍有許多女子懷有"嫁個好賓架"的想法．

找個好歸宿，千千萬萬女子的夢想．作為目擊証人，曾經目睹女子接過哥兒名片時，雙眼是如何放光．

對呀，他名片上的title是VP，住在南區某某灣的兩千呎公寓，平日外出消費，刷的是Amex 白金卡，而他的座駕，是一輛超型的哈利．

但親愛的，三十三歲的他，實際年收入不到百萬．在銀行界，不過是一個比小薯更小薯的人物．他的title 及福利，一是因為HK Office headcount 細，二是因為 the differences in EU taxing system.

當他花的錢大都不是自己的，當然豪爽．一旦被裁員，要回祖國找一份合理的工作，After tax 所賺的，可能比你現在實賺的更少．

* * *
又娘爆的說句，人生的伴侶，不止可以共患難，也不淨是共富貴．

可以共渡餘生的人，是當回歸恆常平淡之時，也願意緊握你手的那個人．
* * *
唔型丫嘛，都話知囉！

工作的二三事

往年九月已經有客想Book聖誕派對，當然唔係個個都中， 但有quote 出下， 都叫有希望.

今年， 我連一個Enquiry都接唔到.

晨早預左黎手Fing六位數字預祝聖誕的賓架們全數失蹤，但我真係無想過連公司客都無埋.

海嘯以o黎，其實我無特別擔心過，尤其公司收入來源主要來自一班家庭厚o既第三代人。做呢班人生意最大o既好處，係佢地o既消費習慣基本上唔會比大市影響. 只要佢地出得街，食餐四五百蚊o既飯，開支Dom 或McCallan 18年，梗局。佢地絕唔會因為個市跌幾多點已改去食翠華或開支Moet / Black Label.　有呢班人撐住，條數其實唔難圍.

講真，我上個月仲提議緊加價，橫樹呢班人唔會因為我加十個八個%價而唔幫襯。當佢地仲肯係到洗錢時，當然要積穀防饑. 最後無實行到，只係因為怕再加價會嚇走左一班街客。

用"再"字，因為我地已經係十二個月裡面加左三次價，每次加幅3-5%. 如果再加價，將會係第四次. (係咪有d狼死呢?)

但最神奇o既係，竟然好似無客發現到. 或者，佢地真係唔至在.

十二月黃金檔期無左班賓架同公司客，公司今個月收入小左三份一. 不過對於我，就係今年o既收入少左三份一。我開始擔心出年會點。而我，又係咪應該正正經經打份工幫補下?

點都好，今朝有酒就應該今朝醉。唔經唔覺又三年。If you know me well enough, you know I usually kill things. Be it plants, puppies, men,　but the "company" survived.

三年黎無驚無險，到今日仲有錢賺緊，而家唔慶祝真係等幾時?

又，朋友仔明知我會忙都為我而來，真的讓我好快樂。

有幾快樂??

AFTER THE SCENE KODAK MOMENT

春宵一刻幾千蚊

三號風球下，一行十二人到銅鑼灣唱K為哥兒們之一慶生.

經壽星仔嚴選後，指定地點為一所日本人開設的上樓KTV. 面積兩千多呎，兩位店員，家庭式環境，自助式服務，隨意得有如係家中唱歌一樣.

至於點歌系統，就停留左係十年前o既system. 要點歌，係先要從四本黃頁電話簿厚的歌書中找出號碼，再以人手用遙控輸入.

咁o既環境同Setup，唔似高消費地方啦．玩左四個鐘，飲左兩支Absolut， 一支Black Label， 五打罐裝朝日啤酒. 以常理推算，六千蚊應該有找啦. [HK$3,000 (bottles) + HK$2,000 (beer) + HK$1000 (Soft Drinks /Mixer / 10%)]

但當手寫單埋黎時，我嘩左聲仲問WTF囉.　

第一行，Absolut x 2 = HK$1600 (八百蚊一支, 抵呀).
第二行 ，Asahi x 60 = HK$1,500 (廿五蚊罐比想像中平播).
第三行，Black Label x 1 = HK$800 (正常啦)

跟住就見到...

HK$5,000 Room Charge　

我唔係眼花丫嘛? 今時今日仲有K場收Room Charge? Minimum Charge 咋嘛?

出去問日籍Manager，佢堅定地答我 "系，快兜晨，loom 叉住. 撈links"

仲．唔．係．入．左．黑．店?

唯有入房問壽星仔訂房時有無同人講清楚，佢極之冷靜咁講"I knew. No worries, I planned to cover the room charge anyways", 然後係褲袋伶舊皺到似廢紙多過銀紙o既"波"比我.

邊個比或幾多錢根本唔係問題，最大問題係價值．假如我地今晚去"首席執行"，一樣玩咁耐，飲一樣 o既酒，淨係Room Charge 可能已經埋到單.

咁點解明知呢度貴過人都要黎先? 人地仲有Wii 玩播!

壽星仔話: "They have the most extensive English song list." (喂你肯唔肯定呀? Source從何來? 有無求證過先) "STOP WHINING, CEO doesn't have Gypsy Kings!"

你．講．呢．句．我．收．聲．囉
一．首．佢．地．o既．歌．你．都．無．唱．過．囉
有．o既．話．我．即．刻．食．左．支．咪．都．得．囉

覺得好唔值好肉赤之餘， 仲要比佢咁激，我真係有想過撲埋去咬死佢！

不過樂觀地想，可能個天知我最近對計劃中Project失去信心，想同我打打氣, 特登比呢個好機會我親身引證另一個niche market 例子喇.

更可況壽星仔開心，朋友仔盡興，錢唔可以衡量一切家嘛.

之不過當我簽卡埋單時，見到收據上寫住九千五百四十四個大洋，腦海就不其然浮出 Mastercard 名句 - "MEMORY, PRICELESS"

this is NOT a birthday party

從來很怕搞生日會, 怕被人拒絕怕招呼不周怕煩怕這怕那, 最怕是我無定向的情緒弄得大家不能盡慶而回. 今年幸得某幾個好友煽風點火, 又校服又聯絡又Band兼半賣半送地借出場地, 盛情難卻, 就搞一個"不是生日會"吧.

我又沒有大了一歲, 一伙人高高興興的喝個爛醉便好了.

沒齒地難忘, 非單因為有近五十人大聲地跟我說生日快樂, 然後一人一啖的分享了整個生日蛋糕, 更不是因為連pop 六支magnum + regular size champagne pop 到手都酸了, 是因為他們都特地來給我一個吻, 那怕只是drop by了十分鐘.

單純的感動, 看到寫上我名字的生日蛋糕便足以令我想哭了.

由於我不吃甜的習慣, 豬朋總以為我喜歡酒多於蛋糕. 其中一個還四周宣揚 "cake for C? u joking man... better get her another bottle of dom than throwing away the entire cake."

他們不知道的是, 我最最最喜歡的其實是吹蠟燭! 每當看到一支支的蠟燭在寫了我名字的蛋糕上燃起, 在唱生日歌至吹熄蠟燭之間, 總讓我變回了孩子, 理所當然的享受著各人給我的關愛, 那怕只是的短短幾十秒.

但自從八歲那年, 獨個兒到美心選購了一個生日蛋糕, 從下午一直呆呆的等到晚上十一時五十九分還未見爸媽回家後. 這些年來, 我寧可不吃, 也絕對不會再給自己買生日蛋糕.

而唯一會買我蛋糕的可人兒 S 又偏偏身在比利時. 於是我跟自己說, 把那段記憶放下去訂一個漂亮的生日蛋糕跟朋友分享有甚麼所謂?

但最後我還是選擇了不訂. 因為我覺得真正的放下, 是不再拘泥於有沒有蛋糕吹不吹蠟燭的形式上.

So imagine my surprise when I see the cake! 沒錯是很小的一件事情, 但對於我來說, 卻是難以形容的感動. (尤其那是我小數地願意吃的蛋糕.)

一覺醒來, 已有朋友在FB上載了照片. 一邊click, 一邊不自覺的傻笑. 給來過的各人寫了短短的一段感謝話, 寫完了又不自覺的惆悵起來.

再一覺醒來,風趣的胖子及大美女分別回到亞根庭/烏拉圭長住, 美男子又會結束他年度香港之旅返回西班牙, 意國小伙子已抵達上海大本營, 印籍黑馬王子及親愛的C又再第N次的飛到亞美利堅...

明年今日, 我們這一幫人又會散落何地? 大概連我兩位哥兒們也會被調派到其他的城市... 而我也可能終於下定決心到西班牙生活一段日子...

感激緣份讓我們曾經聚在一起, 有聚便有散, 這個我雖懂, 但卻逃不過離別的感傷. 我可以做的只得在相聚的日子裡對你們好一點, 最好好得到令你們忘不了我, 一如我放不下你們般.