Monday, January 10, 2022

抵...唔抵?

 尋日,我終於享受到自由行的光輝:短期入住連接大型商場嘅酒店,為着獨自去偷Shop到最後一秒。

嗨,最後一秒前,點都要揀支酒慶吓功。
如是去到超級城市。

「呀,小姐,你想搵咩酒呀?呢幾支都做緊promotion,好抵飲㗎。」

10年前,我會黑面即走。但而家係10年後,我不安哋維持禮貌的微笑。

個中年男promoter嘗試介紹幾隻特價紅酒。尚算有啲general knowledge。。。

我:「你邊間行㗎?」
佢一呆:「我in house㗎。」
我出奇:「咁我買promoted items 同買正價酒會對你收入會有影響?」
佢:「講無就呃你嘅...」

我爭啲想講:「你咁答,我灰鳩咗lor。」

點講呢?我其實真係唔撚明佢哋點做sales training。賣酒一向難,淨係面對拉丁字母同發音已經煩死人。(都仲未講香港推唔郁德國酒係因為無人識讀)

但,客去城市超級,係因為方便?都明知貴,都明知去買嘢類似獵奇,係比多啲都唔介意先去。

係咩sales strategy 導致啲promoter一開口就去推介抵飲?

當榴槤要賣到過$500/5粒,西瓜要$800一個,我為咩要聽人同我講支st Emilion grand cru 平咗$70?

I honestly don't fucking care because 有免費泊車我已經平咗$70。

I want 好味。

因為平$70蚊買碌返去,可能面對批評;同比多$170確保有人飲到眉笑顏開,係兩件事。

而唔知點解,當我睇啲唔係promoted 嘅酒時,在場嘅5/6個promoter/sales,係完全等緊個機會叫我轉軚買promoted items。

我一啲實際嘅資料都得唔到。
但到買佢支口中極優質嘅ST Emilion Grand Cru,佢都唔會提要Breath幾耐。

有時,我唔知我係唔係好黐線。

「That is a fantastic choice, madam. I am sure it will impress. 」

「The bottle you have in your hand was among the top choices to pair with Italian beef tongue, for which, if you haven't tried out already, could be found in our meat aisle. We are too the exclusive retailer of it.」

「This Chablis was stress tested by our Taste Director and went through a pairing with over 15 kinds of oyster, making it the best performed white wine for oyster pairing. Details of the tasting can be found in your app, there is also a a discount coupon when oysters are purchased with this wine.」

FUCK.

Human: are you aware you are contributing to the worse of humanity because the above dialog is made possible only in alternate universe??

我幫襯係因為我Hea咗成半粒鐘,都見唔到有人買酒。

PS(返到去又有人以為大小姐鍾意高消費如是亂Fing先算日常囉。淨係呢個景觀我已經好唔撚抵囉)

Friday, January 7, 2022

「困」

回來近兩個月,感覺很「困」。
這感覺,就像週遭沒有靈感,缺失了觀摩,於是做甚麼也提不起勁。

作者需要取材,幾近呼吸。就例如,於香港食生蠔,是要講到去個莊/地區/季度先至似專家。

但係外地,是以海明威如何形容吃蠔的經驗為起點。

如是,我覺得很「困」。然後自不然想到「生蠔商品化如何影響著飲食文化」等問題。

如果煩惱皆因識字起,哪麻煩是否亦由數字來?

某時,某些人會誤解於創新,例如需要破天荒的某種才叫新穎。但事實是,衣食住行少說也有數千年歷史,以創新嘅思維面對(例如Modernity),不等如要發明出一種新的衣/食/住/行。

於是自己喜歡創業版。幾多人因為提供新方法而救濟世人。

但閱讀需要報導。對舊媒體的記憶,牽涉著兒時滋味:最新最快最準,還有大包圍:就算你不需要馬經或副刊,但你仍然可以選擇讀與不讀。週末財經版稍休,副刊會有專題報導。

一週的感覺因而完整。

有時,我就懷念那些沒有置頂文章的閱讀。每天十多萬字都是新鮮滾熱辣,誰在乎甚麼評語?

評論是極其艱深苦瀝的行文。

類似咕哩。

然後我居然要以評語多寡,甚至點讚率由AI決定排版次序。

有時就翻閱的樂趣。

甚至無須花費半秒思量。

Thursday, January 6, 2022

啱啱好

是夜,無法避免哋談及啲生與死嘅話題。有時,就但覺自己成僻,無ref 係手時,我哋點知大家on the same page?已經搵音樂/電影接近一年,但外語並無得到任何響應。如是就已經希望集思廣益:老人患病時應該聽甚麼音樂;家人患病時又應該看甚麼電影?恕我尚且不將閱讀納入範疇。

無法自拔的談起舅父。對,2018年逝世的。他的人生,有時惹我遐想,希望某天編成事跡。但任誰都會聲稱這不過是美麗的謊言。然而,於沒有人知道的思言行中,難道就可以任誰界定他那屬於自我的存活嗎?

我很幸運,因為我太多時候不想遇上壞人。就算舅父聲名狼藉,但,他仍然會先審視我的為人,繼而出奇。而這當交流,都幾近牽涉三代的代溝。


但因為舅父,我開始面對菜刀。如今每次拿起菜刀,就自然想起他。尤其於這間陋室裡頭,仍然會感覺到他生生猛猛的時候。

而最叫他歡喜的一段,就是孩子每天回來晚餐的一段。

我表弟今年三十有二,但,父子成年後的相處,只有哪十天八天。

有時就想說,如果要償還過才如願,那人又怎能解釋生命的軌跡?父子各自都不曾奢望過某天要團聚。

但偏偏。

某時,站在鋅盆前要拿起菜刀時,我始終會想到舅父。

哪個勸我要膽大心細面皮厚的男人。

駕車如是,煮食如是。

如是,每次扼着軚盤時,我感恩他二話不說放下搵食架生讓我摸索。

而每次扼著菜刀時,我記得他的指點都以餵飽為準則。

有時,我只是想說,於眾說紛紜間,我所認識的舅父,是不曾存活於其他人的心中。

是以我只是想說句謝謝。

就例如有些人所說:「嗟!有多愛?才認識七天。」

嗨,如果那一刻才是最合適的相遇呢?


於是我感恩於時間的脗合。

不能更早,也沒法延遲。

我的初熟,他的最終,成就相識。

我竟不曾為未有相交的35年遺憾。

耳畔居然會響起:「食咩都得,唔係沙律就可以。」

哈哈哈哈哈。

這是我的舅父。

(有時我擔心他希望我遇上陪我食沙律的男生。。。)

 
Clicky Web Analytics