閒談

"最近有種"無時間啦， 要儘快做d野!"既感覺．．． 有時我諗, 八十後可能係最後一代香港人. 九十年代出世既, 其實已經係中國人."

"咁你想做咩?"

"Hm...爭取普選!?"

"普選有咩好?"

"我地需要一個敢於為香港人爭取既帥將, 而唔係一隻又一隻既扯線公仔!"

"普選同開飯, 你估一般香港人關心咩野多D?"

"如果無普選等於佢地手上既飯越黎越細碗, 你估佢地關唔關心普選丫那?"

"咁你有無諗過，點解要二零一七先可以普選?"

”因為佢地言而無信！！！！”

"點解要加通識試？”

"為孩子"確立" "正確” "價值觀" "．

"2012年時，夠十八歲成為選民既係咩年份出世？2017年，呢班人又會係咩年份出世?"

"你係話，到時既新一代，已係係"思想教育"既精心研果？”

"到時開始比你有普選有咩問題？當玩十三點，輸頭注比你又點話? 佢明知之後個兩注，佢食硬你既..."

"喂但係佢出千喎!!!!"

”係，佢出千，咁你打算打三條九定call傻強拖馬斬佢手指丫？"

".........."

"到二零四二，港人"普選"出黎既特首，未必一定愛港，但一定愛國愛黨．二零四七年，一國兩際五十年不變，順利完成，到時全國熱烈祝賀香港歸屬組國，正式成為廣東省港澳特別自治行政口岸不可或缺既一員，到時咪皆大歡喜，大團員結局囉．”

”..........”

"到時你幾多歲話？”

"六十五歲..."

"哦，咁都有機會睇埋個失城記下集大結局．我好命d既話，都應該睇唔到架啦．．．"

老狗甩身

劉小姐入門快有一年，劉小綽由日日擺個慘樣出黎，到對劉小姐視若無睹，再到今日Fi完劉小姐後又會齊齊係梳化大覺訓，我呢個做阿媽既，見佢地一年黎無開過Star Wars，都已經好柯呢吉帝．

但由劉小姐成日想痴住係劉小綽身邊既舉動，我已經懷疑左好耐，到底佢地暗丫底係咪Friend呢？要知道劉小綽係有舖地下情癮的，之前佢同張大少姐隻狗女調情，都專吼我唔在場先至出手．（好在有目擊證人）

老狗綽好明顯知道邊個係老細，更加深明係老細面前的Dos & Don’ts．

而尋日傍晚五時三十八分，我終於親眼目睹，我對仔女係屋企你撲我我撲你咁，玩得非常極之顛喪同高興．見佢兩隻野玩得咁高興，我不知幾想佢地摻埋我一齊玩．但怕阻頭阻勢搞寸Party，只好坐係一邊，斜斜地眼偷偷望實．

分鯪鐘後，劉小綽大概Feel到背後有一度火熱既眼神，突然轉頭望我．四目交投個刻，我竟然分唔清到底邊個斷正比邊個．尷尬下向佢展現出一個充滿愛同鼓勵既眼神，希望借此比到劉小綽信心，大大方方公開呢段地下情．．．

個死仔包竟然調轉頭怒吠劉小姐囉！！！
之後再走返去自己個竇到扮無野囉！！！

劉小姐呆呆咁繼續企係廳既中間，懵下懵下完全唔知發生咩事．當我見佢個條本來興奮到拮起晒既大尾巴Dup晒落黎時，唉，真係心都酸埋．

忍唔住走埋去抱起個傻女，攬實佢，再係佢耳邊輕輕講左句：

“阿女，大個啦，要學識呢招就叫 “趙”完鬆啦．．．”

我已剪短我的髮..

剪斷了牽掛
剪一地傷透我的尷尬
反反覆覆 清清楚楚
一刀兩斷

不跑的孩子

每次路經此地，總是有想哭的感覺．

你能相信這是一個公園嗎？

有時我坐在此公園內，孩子們在跑，總有父母或賓賓喝令孩子，

嗨，你別要跑．

每次我總是疑惑，跑得奔放的日子不過三五年, 為什麼不讓他們跑？

後來一次看到孩子跌倒地上，擦傷膝頭，我才突然明白過來．

孩子難免跌倒，但在石屎地上跌倒，比在草地上泥地上沙地上來得要痛，流的血要多．

於是大人們叫孩子，你，別跑了．

孩子未必怕跌倒，但大人都怕他們跌到
孩子未必怕傷痛，但大人怕他們受傷怕自己心痛．
但孩子怕事，更怕被罵, 於是聽命做個不跑的孩子．

換來大人們說句，乖，你真乖．

但願有天孩子們在城市中有一小塊讓他們忘我地奔走的草地．

忍唔住...

強烈建議北野武邀請朱鎔基教授開拍大佬III!!!!!

劉小姐

零八年十一月



零九年七月