北平竟然有駱駝?

「北平竟然有駱駝?」

因為見到 德國攝影師 Hedda Morrison 的珍貴「香港老照片」，我就當然摷嘢睇。

後來係澳洲國立圖書館資料庫，讀咗幾篇訪問，發覺Hedda Morrison生平嘅趣味感，同攝影真係好似有種緣分。

九歲時由哥哥教佢影相，之後反而係佢入讀技術學院，學成攝影。動盪中出發，途上遇上滿州被佔，改道抵達，趕及在北平發展成北京前，以13年紀錄；連南京大屠殺，也是她拍照後不久發生。這邊廂收到以全副身家訂購的菲林相紙，那邊德國就攻入蘇聯，中斷火車。當時雖然她入足貨，但戰爭一拖四五年，與愛侶分隔異地之餘，物資當然亦一度盡耗。

婚後跟老公履新，落腳沙勞越，一待廿年，偏偏又有空為當地小數民族作完整紀錄。婆羅洲一帶，不是尋常島民，有內陸以沿河文化的部落，後來傳教士到埗，食人族逐個被開化，長屋依舊，偏偏個個學識飲酒，不過都係佢離開之後嘅事。Hedda Morrison 自己於訪問中笑稱：「當時無電，又無自來水，要沖照片，得收集雨水，再搭汽車電池；偏偏各村鄉村，鄉例上，容許隻身四處拍照無問題，然而照片要寄回一份，是為禮尚。」這種種，聽得我神往，這個於24歲隻身到北平的女攝影師，於亞州一待幾近四十年，帶著rolleiflex於途上盡攝，又似從來不愁菲林相紙。

這張天壇夜攝也很可愛。有說，於滿月的銀光映照下，建築物會似懸浮於空中。(這是實驗作品? ) 

1967年，嫁雞隨雞，跟老公退休回澳洲是也。然後繼續攝影，直到2001去世。其作品被澳洲國家大學以及悉尼Powerhouse Museum 收藏，另散見於哈佛電子館藏及康乃爾大學圖書館，反而德國好似一件都無。

本來我都有譯到維基個堆，好在有人全文譯晒。