方言或母語？

有人記得母語教學嗎？無論係唔係方言，我估，書面語嘅應用，其邏輯思考，始終都係以李天命嘅論述，最反應到 'Institutionalised'。

例如這思理，依「邏輯」為法，促成言語。那請問，是體裁有其「參考」價值，並足以提供「查照」，才有論可據，是吧？

而依其法則行使語文，是否就反映出mindset?

IE: with the consideration of bill of rights, or without。同一個人，會不會說出兩種話？

近日，㗎仔要出面解決麻煩。三日來，日本人同日本人講日文，問一條問題，竟然換了五六個客服，都無人明白佢所問。

「我到底違反了房東約章中那一條？」

對於語文嘅單線理解，例如：「大家都講日文，點會溝通唔通？」

但現實係，於問答中取証，或考據，就足以反映距離。

個客不滿，要求退款，平台照做；但同時，個客以私人原因轉呔，錯不在房東，那基於甚麼條款，平台可以要求房東承擔損失？

諷刺的是，客服的取態是：「個客唔滿意，我哋退款，即訂單取消。訂單都取消了，你當然無收入。」

然而，這能夠稱為合理嗎？

對某啲嘢，我不贅，例如某啲思理係咪足以孕育公文？而如果書面語，白話文，甚至語錄體，於行文運字上，會被發音所拒泥，甚至局限，那請問，蔡元培先生畢生成就到甚麼？而過去一百年，所謂中文，又有甚麼進程？

歲晚真收爐？

尋日見美女兒出post

「雖然只係白麵包一片，你唔愛，你早講嘛。」

然後附一張照片，似感慨於浪費食物。

「咁啱有事走先啫...」我如是答。

睇開啲，有時，我勸自己睇開啲。

美女以Yeah, Right態度答我：「疑點利益...」

換轉係我，目擊塊麵包係被嫌棄，可能已經喊咗出嚟。

「基本常識啫，你唔愛，你早講嘛。」

「正常香港人啫，你唔愛，你早講嘛。」

「智能身份證啫，你唔愛，你早講嘛。」

有時女人傷春悲秋上嚟，真係咩都可以感懷一次。

「新移民呢？我有話過要咩？你點解係咁比我？」

但咩叫新移民？當單程証凌駕於香港出入境法例，例如，居留期間犯刑事，甚至入獄，都唔會遣返。

呢啲叫「新移民」？

咁咩叫免死金牌？

而如果「唔愛，早啲講」係好事，，我心底竟然想講：

「愛咩，我都一早講晒啦。但點解都係得唔到？」

忽然竟似少女心。

「你渴望啲咩？」

「身份與自由。」

今日到底年廿幾?

不過都係要有個美好嘅週末。

芬治

芬治跟我，相約於表參道見面。

「到那兒？」
「不知道。」

後來我懶，坐在原宿路邊咖啡座，抽著煙等他。

「不冷？」
「低溫令香煙更好味呢。」
他抬眉「？」
「似紅酒，要配以最合適的溫度。」

四年不見。

他沒我好氣。我們轉入室內，他點紅酒。

侍應又是那種無奈的表情：為甚這黃臉的要倚賴白人翻譯呢？

「你到底在東京搞甚麼？」
「逃避呀。」
「？」
「逃避交談，逃避語文，逃避人。」

我於白人社會的為難，於香港逐漸染黃的為難，而於日本，只要我不聲一句，還是可以混著。

「我毋須幫忙白人嘛。」

他啼笑皆非。
我這種處世，相對於他女兒...

七年前，她因車禍半身癱瘓。

自此，他只能處處忍讓，只能相信善良，相信好心。甚至連自己的脾性也改變，耐性忍讓善良好心...

所有於職場上，毫無意義的品格。

每天復康，出入醫院，寫復康日記。一年多後，她竟以自己人脈籌款買輪椅。事情輾轉傳到矽谷，有科技公司研發智能輪椅，邀請她參與計畫。當時她仍在大學，免費輪椅送到府上，供她試用。

她似小組領隊，與試用者交流意見，再撰寫報告寄回。
這竟然成了兼職。

畢業後，順利成章轉到全職。一做兩年，竟遇掘角，得著名投資大行送往東京履新。公司複雜，法律部門逃避歧視及待遇等問題。於是她自己求職，履歷寄出，又到另一大行面試。

她出現時，主管眼呆了。
老闆出現時，換她眼呆了。

兩個坐在輪椅上的人，四目交投。
眉宇間都是不言而喻。

又再履新。

閒時她登台，參與劇場演出。上星期於池袋公演，四場門票售罄。今個週末於大阪巡迴。男朋友跟得，台前台後團團轉，追在她身邊，跑了半個地球的距離。

「九月要結婚了。」芬治說。
我差點落淚。

「似聖人吧？」
我破涕為笑。

幾多唏噓？這竟然七年。

當初他跟老婆似老命已被奪去，但總要撐著張羅：賣屋，儲蓄，公積金。醫藥費？

不能死，因為醫療保險由公司支付。
生活費？自己的，還是女兒的？

還好孩子陽光燦爛，獨立堅強，不叫人擔心。

初到東京，單位蚊型，輪椅卡著，不能進出浴室；要搬，disable accessible的，有幾多棟？母親在傍幫著，也得要拉來私人看護幫忙。

後來起居總算安定，因為，單位，買下來，就可改建。當然勞民傷財。
偏偏又成愛巢！

男友剛於求婚後遷入。當年越洋支持，網絡聊天，後來見面，再到戀愛。如今只待九月行禮。

輪椅竟沒有阻止她走往美滿的人生。

而，舊友安好，我好快樂。

聞

「裏邊嘅人聽住，你已經被警方包圍…」

自從有人要求「立即放人」後，以上呢段說話就開始係我耳邊徘徊。

唔似咩？呼籲對方投降，否則…

十一月尾，網上流傳窩打老道山於放學時份，由巡邏車發出趕車嘅廣播，當中所用嘅言詞，涉及shaming，有bullying於其中。而對於我哋呢一代，fat shaming，for example，其實已經係definite bullying。就好似有人會guilt trip 自己，我哋體諒，但如果有人guilt trip別人，呢啲已經係malice。而對於警方於日常工作要用到咁嘅言詞，而只不過係有人為例停泊。如果佢犯法，你咪落簿，或者擺兩架鐵馬係到阻攔。但點解畫面上咩都無做，就用揚聲器去廣播一種粗鄙到不能嘅語文？

公事公辦，辦公有辦公語文，但如果用到粗口去辦公時，到底有啲咩係可以on the record？

恐嚇，挑釁，勒索，誹謗等，統統都係關乎於用字嘅罪行，但竟然牽涉人身安全。於我成長嘅年頭，街頭口角仍要擔心有人「覆桌」，出夜街可能會比龜抖，如果拉返館時，明比人玩都只能自己當黑。但如果警察用不當嘅語文，我仍然可以向警察投訴科舉報：「警官使用無法以英語紀錄嘅中文用詞，請問如可確認我受明文保障？」

上次去報失，涉及偷竊，香港警方問我係咪一定要落簿。我話，雖然我係香港身份證持有人，但如果我於現居地投保旅遊保險，我就需要香港警察的保案紙作索償。

坐喺我對面個位雜差唔知夠二十歲未，一路落口供，個樣仲慘過默書。後來叫我睇完無問題就簽個名，個手字，我唔知佢中文會考合唔合格，但呢種行文肯定唔夠時間答晒所有題目。

但錯別字多到我喊。

離開差館時，我只係想打比律師朋友：「口供啲錯別字多到咁其實點呈堂？」而我最關心嘅，當然係，如果我係疑犯，佢份口供謄寫到我無法proof read時，我有咩權利可以行使呢？


但，我當然無嘢。唔想作比較，但我試過經電話報失，而當地警方係會郵寄返報案紙比我。自此我好珍惜信任。

最近於網上有幾段內地警察局水印嘅短片流傳，我呆一呆，吓，大陸嘅，唔係公安廳咩？查咗幾段報導，最後見有線新聞都稱深圳嘅為警察，甚至用到警方兩字，我當然震驚。

因為事件甚至涉及警方從閉路電視片段仲裁，甚至決定刑罰，繼而了事。

而呢種「執行體系」，可以稱之為警察嗎？係香港，連得張告票都可以係法庭唔認，警察唔會有權力去評定是非，因為呢啲係法庭嘅責任。但彷彿，係中國內地，警察已經係包括民事裁決，甚至能夠製定刑罰。呢件事，都唔及我對天眼嘅憂慮，尤其佢哋對可信性不疑。但對於英美，天眼嘅可信性，甚至對私隱嘅侵犯，已經討論咗最少二十年。以對於錄影畫面所呈現的是否事實嘅全部，對於我哋玩visual graphics的，當然係不敢恭維。但如今，仲話警察（公安）可以憑著錄影片段裁決，甚至判刑，呢個認知，仲係由於中國公安改名為中國警察而起，咁我想問，於兩地越見緊密嘅今天，對於香港警察，香港人是否已經無法再以基本法所理解的面向有任何期望？


唔係講笑的是，張學友於中國巡迴演出，每場演出添有面部識別系統。自五月份開始，截止十月，總共有十場演唱會捉拿到逃犯歸案，總人數是十多名。

張如今被網友尊稱為「逃犯剋星」，被問及感想時，張客氣的說：「我想甚麼人都需要娛樂，我也謝謝他們來看我的演唱會。」

但據悉，涉案人士對於緝拿莫名其妙。但當然，文章同時聲稱大陸在建立DNA資料庫，將以人臉搭同聲音識別。至今，全中國有大概1.7億個鏡頭遍佈各地。

忽然記起當年教西班牙仔中文。
「What is Gung An？ 」
「It is a kind of police, police of China.」

但如果我話我感到悲傷，請饒恕我虛偽。新聞圖片所見，新疆維吾爾族人是被「警察」押解至「教育營」。

而你知我當然想問：「公安有什麼不妥？世界唯一，從不含糊，無法混淆。」

慘得我，還相信警察從不為警惡懲根，而是為保障市民性命及財產而努力。

偏偏連警察都帶頭抱怨於是非。也難怪呢，如果警察要為黑白出力，而又服務於市民，那不就是有黑民白民？

但警察，自己的性命財產，難道不也是由同僚保障？

然而我這種寫文，已經叫家人尷尬了。也許以後也得為國內親人著想，小聽小看小問。

お粥

返風，早餐要熱的。日文有用「粥」字，讀音kayu,，前面要加お，合起來叫おかゆ (okayu)。當年初來報導，經痛難奈，美女兒送我兩包即食粥，一包還是梅味。我哭笑不得- 素來不吃加工食物。後來拖着棉被還是叮了來填肚，居然可救賤命，似宅女恩物，病來想吃啖粥無須等待，若然再加皮旦䓤花。當然日式吃法更直接: 加粒醃梅。

是日配鹽漬鱈魚一片，超市買來，加水用微波爐用500w叮三分鐘左右。

總括而言:唔開爐五分鐘內食得。

忽然記起成中某才俊寫過幕美女danielle 煲粥慰病值(一)萬(美)金。我想，才俊若遇着我，應該很吹漲吧。

我肯定會送一箱即食粥上門*。

而嗰啲表情，我唔駛估了。應該似DVB 見到我用微波爐叮茶咁震撼。

'Honey, do u want some tea?'

'Sure.'

然後佢行開咗，我將支宇治綠荼倒落杯，叮個40秒。

佢拎住個茶包返唻時，我交咗杯熱茶比佢。佢望住我，又望吓杯茶，然後自己拎個電水煲去煲水。

我唔知咁係咪叫「好過份」，但，我隱若感到佢係無奈咗一秒。

唔知呢啲係咪文化差異?

*一箱嘢咁送比人呢啲，我好興的。

閱

閱報，矽谷谷哥巴士意外殺死谷哥高層。瞪眼，這麼無奈？死者為華裔女性，重要嗎？很明顯是意外。

只是意外。

報導幾近是年來所讀的中肯言詞。然而我當然可能誤解 - 巴士墮橋做成十幾人傷亡，起初，新聞將之描述為意外。後來視頻出現，轉載間似要指證這是魯莽無知衝動，有人要負擔上責任。

日前，於新居探前鄰。上樓，每天很多人高叫。然而於他，高樓就算不從地起，他也是一層一層的上。

幾句間交流編採校對流程。他笑：「自己囉」。我想起兩個唔太可口嘅笑話。然而今天，寫到那位司機，以及「編輯自主」的友鄰，就無法不自問：基本假設，是人在其位，有其生計，才不會愚昧至自招麻煩損失？

明智於擇木，不是嗎？

當然希冀於老調某天自成不老。然而，當前最刻不容緩的，竟是在巴士司機位加設保護欄，以免司機乘客互毆。

我是否因此才以純情商業街為友舍？早幾星期，接續有官短見自尋。歡呼聲從網絡傳來，我矯情作狀問友：「怎麼知道死緊個啲唔係好人？」

當然換來粗口數句：「那制度內會有好人？你是睡昏了還是從未清醒過？」

夾著尾巴無言。李某譚某劉某？甚至香港林某。被拉被鎖的，從來也不乏好人，不是嗎？

吾友現實到底：「好人？死了上到天堂時，咪有機會你好囉。」

啊。但...但...例如...那個被嚴刑逼供至死的香港商人？

佈滿罪案痕跡的突然死亡，忽然也竟太過簡單合理，貌似平常。如果有追看美劇，一般是以「谷哥華裔女高層於公司範圍內意外身亡」作開端，才有那種山雨欲來的氣勢，叫人想起劇力萬鈞，甚至叫偵探控以慰寂寥？

平凡，意外，殺機，計中計，正邪交鋒。

然而，於報導與資訊之間，奇情似只能懷緬。世上或有水落石出某天？然而真相？誰思敲？誰知曉？線索時有斷裂，答案無從稽考，但為甚麼心中始終有數？

閒時讀報，心情還是大起大落，還是掙扎於「不是嘛？」或「不可能吧？」。
例如：這是自殺？不是吧。這是意外？沒可能吧。這是謀殺？怎麼可能？

如果追求高潮迭起，那讀報恐怕演進成「平民娛樂」- 遠超乎想像力，似考驗視野，但其實鍛鍊消化。

如果自知身子弱，脾虛胃軟，可以找人代勞嘛？
於是忽然羨慕雛鳥- 嗨，口哺是天性，是先天生來的權利呢。

然而長輩一句：「你有毛有翼，根本曉飛，請即離巢。」

如孩兒能伏於爸爸的肩膊 誰要下車

如果難離難捨好叫常情。

Cheuk人又CheuK佢

唔知係我始終鍾意Sam Seaborn，定係男人們始終都要有演講級數。我其中一個Fantasy，係做Speech Writer。有時，我有向學，例如上下堂，於那個人口只得幾百萬人的國土，當如果只有咁少人都要瞞來瞞去，都已經係可恥嘅年頭。

上次返香港，悶到爆（因為無切雞又無叉燒），終於忍唔住呻：「香港仲有咩男人啲講詞好睇？除咗黃仁龍之外？」

朋友戚一戚眉：「吓？你搵個啲？」比人笑都唔係第一次，正等於如有人直言我搵個啲係民國男子，應該死晒。

今晚自己諗，如果呢幾年，係黃仁龍唔係馬時亨坐港鐵個位...（諗到呢到，亦舒所描述個啲淺色恤衫呀，額角標汗呀，但板眼見出拳腳功夫呀，咩迎刃而解已解，已經浮現出嚟。）有時，我仍然記得馬局長於卸任後，以基督徒身份講信仰嘅講稿，當時我笑笑，如果你侍奉神。

But anyways, 痴女有痴女嘅抱怨。Handsome Shuen一百五十磅時，我陪佢去過澳洲商會做演講。但唔通我話，香港地繼黃仁龍後，Handsome Shuen應該係最好聽嘅男人？?

唔得的。某人會反面的。(因為佢經已係好好聽。)

但始終會問，仲有咩值得期待？
係有同無中間，又有男子同我講，佢當選咗龍頭NGO總監。

我望望佢，靜咗三秒，然後笑吓。

當然，聽文我唔係好八卦。但男人啲稿係自己寫時，我仍然覺得有型。例如黃仁龍，手英文唔係完美，但衷情中感到佢有衡量，已經有啲咩細思過，過濾，似滴漏。唔係要你去接受某啲概念，係佢自己一向都有向嗰方面探求。

書院仔受教於門，呢啲位，始終係書友道，見得出品學。

當然，男人craft到自己speech係好有型，Clinton或Obama之間，如果英文比英文，Tony Blair的迷人，如果神暈真可顛倒，我都怕比佢啲文采電暈，雖然其實我想話，Gordon Brown好好內功，只不過，如果我呢代，好怕佢已經係某種預示：注定short-lived。但，始終都感到Gordon Brown 可以肩負學院- 就算佢似老八股，但適用適當。

有人問我Boris Johnson，但我又有甚麼可說呢？反而哈利皇子成人夫，眉宇間多一陣專注。那神態，似足男人要盛放前的徵兆：氣宇軒昂。

然而，今日認識何許人？是「任何仁」，跟住「李卓人」。Li Cheuk Yan, can u really cheuk some 人？你cheuk 人時人cheuk 你，如果cheuk 來又cheuk 去，真風教人掉眼淚？

咁，都好嘅。起碼都仲有李焯桃可以Cheuk 吓。

Cheuk桃嘛，當然首選山梨。Hana Momo! ：）

龍套

訃文擾攘，是日見「坎坷」二字大為流傳，還似於頭條版面；原本聳肩罷就；夜來，見文人大抱不平，當然對用詞感慨 - 對女人若持最基本尊重，怎會以「坎坷」終其一生？若說炎涼，然而世態不是日夜間流轉於眾人眼光口臉？然而荒謬，幾個前輩離世，轉載流傳，竟以私事居多。報界開荒牛，對出版及言論自由奠定過根基？我原本絲毫不知他私事，但其書房出現過類似韋小寶之人，此君出名挑剔難服侍，用詞從不留情面，但畢生似無說查老半句壞話。於是我就想這老人應該還是有某點服人之德。沒想到，我幾十歲時，忽然，要讀到他有三段戀情。我的天，這是我應該在乎的事情嗎？他生時有幾個女人，不見得阻礙過誰或誰，偏偏死後要廣為人知？

電影大亨逝世，竟是連著私生子作篇幅；我都不好再疑惑。然而藍小姐在天有靈，閣下不過於電視電影業界努力過十年八載，然而自似定期有訪問或新聞，鎂光燈似對她關注不減，死時還登上頭條。有時想說，人病起上來，例如發病時間，跟這人職業有關嗎？歐美一大堆報告，精神或心理病，跟基因不無關係。但然而，坊間所有紀錄，竟可經年地砌拼成「娛樂圈不為人知的暗角」。

都甚麼年代？各行各業，於那一行，人真要退下來時，會夾硬留得著青山柴？一向半點不由人。然而「敘事」之條理惹我無奈，例如早幾星期，某書商乘勢推出英文麻雀講解，話說傳譯員於法庭上被麻雀規則窒到語塞，然而兩篇解說，竟也果真半點不帶白人口徑，我當然眼突，不過也非首次，例如我我寫咁多中文字，但偏偏仍被認出在下不諳中文；那用英文串連而成的出版，也不一定可以列入英文書，對吧？上星期，有傳某大學法律系經全球招聘，意中人為內地中國人。我當然笑，此君的英語技術，能否對白人法官以三幾句解釋麻雀為何物？拍爛檔幫幫手，個兩款麻雀解說，白人若說「理解」，那大概是指「理解」中式英文程度，而唔係於各下啲「序述」中理得出所然。

但當然還是笑笑。於飛卜無聊，又見有人傳林徽音是金庸筆下的黃容，據筆者研究，首要理由是，音容宛在。救命，獨居的重點是，暈倒時不能自行叫白車，口吐白泡時自己要醒。再讀下去，將林梁兩家的世交關係，足以抵得上書中人物的指腹為婚嘛？這我當然已經要飲兩啖酒定驚，若然頭痛無法避免，那讀字讀到頭痛好似好唔抵，然而，閱讀若不為酒醇，做人又何必枉花光陰？然而某啲假酒日新月異，丙醇丁醇，湊得成一套；想對於金庸作品當然要儲齊一套，那我還是先自灌一杯- 邊套打邊套哇？以方塊字所寫的，就一樣是中文？

還好我一向好龍，尤喜龍套。
(對了，我這遍算是敘述嗎？)