夢里不知身是客

他遞我一件半塊肥皂大小的東東。

我一嗅：「不是真的吧？」
他嘻嘻笑：「由你定。」

我嘟起咀，就差討厭沒討出口邊。

男子剛自北非回來。因為沙漠觀星是他必做事項。
「拖一條駱駝去？」
「當然是駕四乘四。」他厚顏。
「就知沙漠最多電油以候你大駕。」
「這叫於你支持駱駝權益前另求出路。」


咀，居然如此鬥過。於沙漠的星空下，他記下短詩。

而我怎麼知道呢？

「以上主的愛，你既在沙漠，可以扮下無3G，叫我對世間還有半點想像嗎？」我當時真正生氣。

沙甚麼漠？四驅車，3G，帳幕，有水，還有甚麼？
「然而非洲綠洲項目，是我國二千年後最自豪的開發。」

我舉手投降。後來見面，他送我麝香一塊。

「不是真的吧？」還好放於玻璃瓶。
「你想呢？」他似使歪的試探。
討厭，擱於我咀唇邊。

相傳麝香因為獵人跟麝鹿交溝而發現。（對，是人獸交。）
而若各下知道，他喜歡以indiana jones自比，而帶回來的，若好比「奇珍」，那我應該很焦慮嗎？

「過來。」他說。
「為甚？」我問。
然後他拉著我手，將麝香塗到我脈門之上。

 「喜歡這香氣？」他問。
 「。。。」我以空白掩飾我尷尬。

麝鹿跟獵人，原本，就是最不應該的一場交溝。畢竟，麝香是男鹿前列腺揮發的香氣。然而，麝香被大量仿制，應用於香水之上，到後來，竟有人類以仿製品吸引動物。就例如2018年，印度人以Calvin Klein Obsession香水，成功捕獲一頭屢次傷人的老虎。

「如果香氣經脈絡血液流遍我全身呢？」我笑。

忽然竟似是，獵人於麝鹿公；然後是女人吸引老虎乸。
活得
就算為世間奇珍，但
不見血

其次埃及，希臘無妨，土耳其也許應該不錯。

是夜心情複雜，見大陸北部先有廿五處女性侵案後，又見十二歲小女屢遭強姦。同一時間，Oregon State因應Alabama 立法要求未成年小女完成懷孕週期，幾近報復式宣佈成為全美第一個免費墮胎的州份。然後，毫無意外地，俄羅斯宣佈繼續與華為合作，由之承辦5G網絡合約。。

但然而，我當然知我自知於「過去」，是以今早收聽過彭督的＜＜六分鐘逃犯條例簡易包＞＞，已經先奉勸親朋好友自認sucker，方便大家之後相認買醉。

彭定康，你好嘢。到今日，你始終可以無浪費過我聽力超過三秒。

然後再睇吓本地特首發比美國嘅信。對唔住，我自己申報雙目失明可以嗎？（下刪三百個人評論。）

不過始終都想唱隻歌。

民主歌聲獻中華 - 片頭旁述抄寫 (人手)

(歡迎校對。)

<1:18>  北京學生愛國民主運動振動全中國，引起全球關注，喚醒國內國外千千萬萬中國人對民主自由嘅渴望。

今次嘅民主運動，係以悼念前中共總書嘅胡耀邦嘅逝世而開始嘅。胡耀邦係由於1986年嘅學生運動，同後嚟嘅反資產階級自由化嘅運動而下台嘅。依次悼念胡耀邦，要求對佢重新評價，就成為學生運動爭取民主同自由嘅起點嘞。

<1:54>  4月16號，即係胡耀邦逝世嘅第二日，以北京政法大學為首嘅學生列隊上街遊行，叫出咗民主萬歲，自由萬歲，打倒官僚主義嘅口號，並且要求黨政領導公開子女嘅財產，要求民間辦報，實現新聞自由。隨後，數十萬學生聚集係天安門廣場，要求政府容許學生參加追悼活動，並公正咁評價胡耀邦，要求政府對話。其間發生咗公安人員同學生記者嘅衝突事件，而八千名學生期間曾經一度衝擊新華門。

<2:33> 追悼會完結之後，學生開始罷課。並且組織北京高校學生自治聯委會，繼續提出實現民主，官民對話嘅要求。

<2:44> 4月26號，人民日報發表咗一篇社論，內容指出有極少數別有用心嘅人，利用青年學生悼念胡耀邦嘅心情，作出破壞民主法制嘅行動。呢篇社論，使得學生作出現強烈嘅反應。

<2:58> 4月27日，二十幾萬北京大學生唔理會官方禁止，由北京大學向天安門遊行，沿途得到市民嘅支持，學生同群眾多次衝破軍警嘅封鎖線，抵達天安門廣場。呢次遊行，係中共立國以嚟最大規模嘅人民自發遊行活動。北京高校學生自治聯委會係呢個時候提出七項對話要求，包括：重新公正客觀評價四月XXX*愛國民主運動，反貪污腐化，新聞自由，改善教育等等，並且要求政府必須以真誠、平等、公開嘅態度，同學生選舉嘅代表直接對話。

<3:43> 5月2號，國務院發言人袁木係中外記者招待會上邊，指責學生嘅要求帶有威脅性質，並認為有人係背後替代學生出主意，歧途挑起社會動亂。學生以五四為民拯命大遊行嚟回答袁木呢番說話。

<4:02> 5月13日，北京學生宣佈係天安門廣場進行無限期絕食，直至政府同學生進行對話為止。絕食進入第四日，已經有二千幾人先後不支暈到，而北京市內嘅百萬人遊行示威，標緻住而家嘅運動已經擴展至全民性嘅民主爭取運動。

<4:26>  5月18日，李鵬等政府官員接見學生，不歡而散。第二日，政府緊急召開軍政代表高層會議上面，將學生運動定為動亂，隨即宣佈北京部份地區實施戒嚴，實行新聞封鎖，並且召集軍隊進入北京城。

戒嚴令同軍隊入城嘅消息宣佈之後，係5月20號，香港有接近十萬人冒住八號風球，响新華社香港分社門外聲援北京學生，反對暴力鎮壓，反對新聞封鎖。

<5:05>  5月21號星期日，超過100萬香港市民舉行咗開埠以嚟最大規模嘅遊行，由遮打花園，向北角方向進發。環市遊市，歷時六個鐘頭。最後嚟到跑馬地馬會聚集。

<6:11>  **...xxxxxxx（學）生運動嘅支持，呼籲香港市民關心國家，爭取民主，法制同埋自由。同時反對暴力震壓同埋新聞封鎖，籌款支持愛國民主運動，希望我哋能夠號召世界各地中國嘅同胞關心同支持民主改革，同埋支持北京學生。

* 3:27 明顯經剪接，有人可提供補充質料嗎？(之後啲聲畫好似開始唔sync。)
* 6:11 呢度又係聽唔到，有人幫吓手嗎？

失身失好啲?

母親節，男子找我，問我對於有欲失身的少女，可有建議。

而我竟然唔想知點解。例如為咩少女唔嚮往先有男朋友。

呢十年，已經太多方向指出，女子主動失身，可視為自主。

i say when, i say where, i say how and i say who.

「咁樣好咩？」有人問。

如果女方唔相信婚姻係必然時，咁點解應該留起第一次？

對性持咩價值，已經好難用保守方向討論落去。就好似體育普及，女性對身體有更多認識，甚至對裸體嘅接受或熟悉，都已經解禁不少生理反應(或urges)。

只不過，一向呢啲方向走，就連sex haze, post-sex depression 都要接受埋。而當睇到呢啲，其實就會對body shaming alerted。

如是者，我又製造咗粒糖衣毒藥：叫佢介紹個少女睇Love & Other Drugs。

「做女仔呢，除衫唔係問題，但要令眼前位觀眾有呢種反應呢，先算達到重點。做到劇中Hataway個隻先算成功感！」

然後我忽然神傷，男子與我，竟然到咗要度橋氹啲𡃁妹「失身失好啲」嘅年紀。

而朋友，竟然真是宅的好。

噚日啲對白：

「一個男人砌唔砌得過，有樣睇的嗎？」
「你問個食齋嘅點揀牛扒？」
「咁呢啲嘢我當然要問你。」
「咁呢啲嘢你問得我我當然會答你。」

但我估，對於感情脆弱嘅宅派：
「最基本係，做完後，唔好有人覺得蝕底。行返出門口時，唔好覺得跌咗啲自尊或自信。」

而呢句說話，居然係男女通用。

PS ( 曾經一度，我有諗過出借身邊嘅朋友，幫下啲想失身但又怕遇人不淑嘅中女。但後來發現名單上欠缺臘腸會導致有欠公允。XD)

腌悶

本週腌悶，港聞繼續挑戰讀者極限。

於是我閒時又再查下香港字典，例如發現「小三」呢個詞語，應該泛指令原本一男一女制關係受創嘅第三者。

如是偷食係咪等如有小三？就好似，應召嘅妓女唔係小三。
又例如，得閒炒吓嘅飯，其實係印證住男女關係嘅另一種開明。

做人嘛，認真就會輸的。

例如如果我認真哋問：「點解男人扯旗可以話一時衝動，但女仔一時心軟擘開條脾，就係賤格？」

咁我就應該大概輸咗。男人硬先係正常。女人擘脾一定係攞嚟賤。
(而生理反應，唔係應該包括肌肉控制嗎？)

有人覺得我呢段寫得好夾硬好煩好腌滿嗎？
咁都值得長篇大論去解釋嗎？

「偷食？有屌無屌都好，比人閒話就已經唔啱! 」
係囉。印度男女隔離咁多年，一定唔會惹起啲咩誤會。

而過去七日，香港要聞，係咩？

「我哋唔係無屌，不過唔等於我哋偷食。」
（我哋唔係無跟主席手冊，不過唔等於我哋會跟議事規則。）

七日，足足七日，係七日，由班夾粗無跟議事規則嘅人形燒，去維護一個無legitimacy嘅主席。

'Lawmakers need not follow the set protocols.' so they defended.

然後仲要矯情到話咩「民主最黑暗嘅一日。」

咁請問啲lawmakers係被咩law govern?

ho yim moon ah!!

齋戒食肉

「我去襟機先。」

凌晨兩點，女子一個人企係皇后大道中，同男生隔住玻璃門。

只係幾分鐘時間。
「佢㩒咗幾多錢？」
﹝唔知﹞
「咁佢銀行戶口有幾多錢？」
﹝點知﹞

「你唔想知咩？」
﹝...﹞

當心裡出現呢把聲音時，我係咪已經要接受魔鬼嘅存在？
而我只不過係由於見過一個場景。

--------------
「我去襟機先。」男生話。
「好呀。」於是女仔跟住入去。
然後女仔對佢襟機好奇。
「你用咩做密碼？」女仔問。
「唔講你知。」男仔答。
「耶，快啲講。」女仔再問。
「唔講呀。」
「快啲！」女仔堅持。「定係你用緊個ex嘅生日做密碼！」
「黐線！點會！？」
「真係？真係？」女仔笑。

然後個女仔就搶過去襟櫃員機嘅畫面。
「你做咩？」男問。
「幫你改密碼囉？」女奸笑。
「黐線㗎咩你。」
「做咩喎！」然後個女仔推開佢。好快咁將個新密碼改咗。
「你黐線！」
個女仔已經襟返張卡出嚟。

「密碼係我生日，跟住你生日。」個女子係佢耳仔邊講，跟住錫咗佢一啖。

個男仔哭笑不得，因為，佢真係唔係好記得個女仔幾時生日。

「唔記得我生日？」女仔收埋張卡係身後。
「...」個男仔支吾。
「咁要罰。」女仔又奸笑。「等我睇下你戶口有幾多錢先。」

「喂唔好啦。」個男仔阻止。
「咁你係咪想算數？」個女仔問。
「......」男仔又答唔出。點講呢，個女仔約過出嚟幾次，有拖吓，有試過錫，平時有係微信玩下sexting，佢又暗示過可以裸聊。

「喂，你要襟幾多錢？」個女仔問。

如果你遇到個咁嘅女仔，你會投降嗎？戀愛嘛，喜歡一個人嘛，當然係你食住我，我食住你啦。

然後，又唔知點解，與其點都係要比人食次，咁佢食得住你，唔係好現象嗎？

唔錫你，點解要管你？
又無佢符喎。
佢做啲咁夾硬，咁乞人憎嘅嘢，但當佢返嚟錫啖時，有冇冧先？

無推開佢喎。
(點推開啫。)

「不如去食嘢嚕。」個女仔提議。然後，佢翹住個男仔隻手行。男仔好乖咁跟住佢，然後係經過便利店時，不其然諗，「要唔要買盒避孕套呢？」

個女仔不期然露出勝利嘅微笑。
因為個男仔應該開始投誠。
-----
「諗咩呀？」男生撳完錢行出嚟後問。
「嗯...諗緊警訊。」女子答。
「警訊？」
「夜媽媽係條街嘛。」（笑）

個男生有啲無奈。咁奇怪嘅呢條女？
個女生又莫奈何。對方察覺到我食齋嗎？

齋戒食肉

狗

上年家母為朋友坐狗，兩狗可愛，自少相依為命，我自知閒人身份，純為過路，就安份於過客身份。平日於東京，當然見狗可愛，但日本人養狗，動手不動口，日常以大量身體語文與狗兒交流，閒人不能隨便因「可愛」二字去騷擾狗隻。畢竟，想玩狗，狗咖啡室貓茶室，再到刺蝟貓頭鷹，閣下付鈔，就可以任摸唔嬲，甚至不限時間；但良家動物，當然有望各位貴手高抬。畢竟，係咪出嚟做的，都有其家教門訓。

動物分出嚟做，以及唔係出嚟做的。有時我諗，出來做，係咪即係會搵到錢？咁生活質素，會比良家動物優厚嗎？有時試想像狗的一天，最大分別，應該是夜裡吧？出來做的那條，應該跟同事們渡過，應該不曾賴在主人的床鋪上陪瞓。

說到陪瞓，當然要說狗一狗二狗三。每朝醒來，他們的頭分別擱於我肢體不同部位。然後就是三隻擁來親吻。他們陪我適應著獨身生活，一屋兩女三狗，維持了六七個月。搬回中環後，蓮妹來了，兩條狗陪我四五年，然後又回到一條狗，再到無狗。

有時見人同狗外出，親密感，交流，叫我想起自己孤家。見人一家大細，甚至情侶，我竟然自覺是階段。例如拍拖結婚生仔養老退休，都是階段。但跟條狗，是一生，是生老病死全盤接受: 不見得能跟一條狗鬧翻，不見得可以分手，不見得可以離家出走，更不見得條狗會做啲咩補鑊或補數，更不見得某天隻狗會大了，有自己的生活嚮往，當然也莫講回報。

但有狗的生活，要將其需要納入每天藍圖。而有時，我但覺人真會自負，對於關係，對於公平: 一條狗，你不回家，他會擔心；你回來，他愉快。每天有相處的時間，夜裡他跳到床上，或者就只為靠近 -  畢竟，你睜眼醒來，就算你在樓上，他明明在樓下睡覺，他也可以於三秒中衝到你面前。

這幾天，得到狗兒的友誼。她半夜來敲門，我竟然聽到。也就讓她上床來睡。屋主人不好意思，因為狗其實也是寄居，有時她的脾性也叫人們出奇。我笑笑，如同我。

但實情是：根本求之不得。狗兒是良家小狗，只是主人外遊，不用承諾一生，但又盡享合拍，令我多活一遍歡樂太平的生活。

根本就是賺到！

一言驚醒

年三十，見網絡翻譯水準'drifted away from truth'，於是隨便問問，點知惹來靚仔陪我玩調色。

原文 'The further a society drifts from truth the more it will hate those who speak it.' - George Orwell

網上流傳的譯本為：
「一個社會越習慣大話
    會越憎恨講真話嘅人」。

我坦白：「大話牽涉主動，然而drifts from可以係unintended。」

靚仔調整四五回，出擱置於這個版本
「當社會越迴避事實，便越憎嫌言真的人」。

我其實喜歡「一個社會越疏於求真，就越厭惡話實者」

我心當然窒一窒，虛實／真假／愛恨，都是大道，概念攸關作者眼光，作品似宇宙，太空因此來。再盡力求正，也是以偏。

綿力由於：「不隨便指責他人，是學者基礎。」
憂慮驅使我自問於理解: 「這何有違背原著者修為？」

Under no circumstances finger pointing and/or accusation will lead us anywhere.

我當然唔湯唔水。但有靚仔陪我撚字，風流難得。

年初二醒來，想起某地。
「We drifted away from truth.」我笑。
忽然心頭一寬，但覺開懷。

引用這句解釋離異，真是萬全！

我笑着通知靚仔。然而落筆時，我又忽然改為：
「We drifted into different truth.」

靚仔細膩:
「truth or truths?」

我笑，差點就縮沙：「why not dare?」

但我始終為三個標準答案沾沾自喜。

'why didn't it work out?'

1/ we drifted away from truth
2/ we drifted into different truth
3/ we drifted into different truths

均是上佳的分手理由！

如果還可以再加一個：
4/ we drifted into truth

那多叫人懊惱呢？
原本如夢似幻，懶理世間。忽然真實來潮。

擾人清夢？
一言驚醒竟恆常!

:)))

不解風情

「我另外有人，還有了孩子。」男生如是望著我說。

我呆一呆，五年沒見，如此坦蕩，我情何以堪？

「離婚了。」

我夜機抵港，一覺醒來，吾友來接我食晏，三幾句後，撲出這句。我釋疑。畢竟這老友，日光日白，甚少可以於我旁邊出入。

然而瘋狂，於四十八小時以內，兩個精英型男人，都跟我談「情」。有時我頭疼，是我嗎？作為宅女，我一年露臉有十次嗎？竟然每次都惹來盛情。

事發已經包括：女子無端於我面前痛哭。（當然啦，跟我男人睡上了。）男子望進我眼中，忽然就流下淚來。（他說，你要珍惜自己。）曾經也試過有人因我出現，立即離席抗議。（當然也是男人的床伴）

也試過有人無端坐到我旁：「我跟他睡過，你不介意嗎？」

我也竟然回答：「我怎能介懷於我所不知的事呢？但如果你是指他四周圍睡的習性，那不，我不介意，因為那是他的選擇，涉及自由，亦由於外間一般對我倆關係有誤解，例如，你如此查探，是認為我跟他是男女朋友吧？而你期待著有什麼結果？

對此我不介意，亦不好介意。但對於kiss & tell，以行為而言，我介意，是以一向當是規矩，不以逾越。不過也止於對外，對內，女生當然互相提點，避免利益衝突。」

是因為我太戇直，所以才會有這種對話吧？例如對那個五年沒見的男子。

「我另外有人，還有了孩子。」
「啊，那開銷不是很大嗎？」
「對呀，所以自己沒錢。」
「正室那邊，家用有一萬美金嗎？」
「差不多。」
「另外那邊有六千美金？」
「大概。」
「嗯，非常合理啊！」

他望著我，表情很複雜，例如好似想問，小姐你係咪燒壞腦？

而我都好刻意自制先唔問：「如果有三奶，佢頂薪係咪四千美仔？」

然而你知我，都唔想查究why how and when。對於人嘅出軌，婚姻嘅變質，有時，就好似我老友咁，睇住佢拍拖結婚，後來生仔。佢第一次有出軌意圖時，我勸佢：「無必要嘅，可苦挑戰自己底線？」

後來，佢無繼續追求嗰個女仔。再遇到另一個女仔時，佢諗都唔諗，開始咗先算。

如此又擾攘十年。三年前，我哋最後一次食飯，係WHISK食晏。當時我拍檯：「你偷食偷到個心口去咗阿二個邊。」

我幾近怨念。
「你夠膽係我面前比我見出大陸妹同你玩邊套？」
唔識路返屋企，咪就係，係出邊食埋人茶禮，受埋人管教，都仲以為無人發現佢連思路都變埋。

而我嬲，係嬲呢啲。就住玩，真係見少買少。

於是，當佢同我講：
「離婚了。」

我竟然係問：「你而家緊急聯絡人填邊個？」
佢答：「未知呀。」

你話，為咩？十年情人，但，並非緊急聯絡人。

於是我覺得荒謬，就正如男人同我，好多人以為係情人，但其實最重要係，佢係我緊急聯絡人。

已過去，我有好多努力，都係為某天，我都可以係佢嘅緊急聯絡人。

雖然佢大把選擇。

但細個時，我真係會覺得，咁唔好咩？都屬於Fair。

但後來男人叫我認得，最Fair係，我有另外嘅緊急聯絡人，而我亦足以成為他人嘅緊急聯絡人。

所以，近年最感動個一剎，係有人同我講：「緊急聯絡人？你可以填我。」

但當然我知道，有啲咩，佢係會第一時間簽DNR，第一時間掹喉，同會係第一時間尋求安樂死嘅人。

復康，係漫長已且艱辛嘅過程，甚至唔一定有結果。佢好清楚咩係nursing，所以如果問佢，佢一定唔會同意搶救末期病患。

但同時，咩叫愛呢？係咪連當自己都覺得無尊嚴都極時，都有人仍然想同你一齊笑，想見你咩都充足，總算叫得到安樂？

而對於情愛，我大概，就已經似一個末期病患。以前會好奇人係點樣情愫互生，點解愛得起，點解愛得合；但如今，就好似始終要面對不足，要面對解決，甚至要面對出軌。

連我都反省咗友誼。如果好朋友，唔通因為你另外有人，我對你改觀，甚至改變信任，例如，唔再對你重視？然而，我又值得堅持採取non-judgemental嘅方法？

尤其明知你有份令女子落淚呢。

於是乎，竟然係情愛中唸出成本效益。

(然而於我雙眼內，你仍然會看見完整得不曾受過傷的可幸嗎？

如果疑點利益歸於被告，然而，真相可恨，那世間，又有甚麼可以寄託？)