Wednesday, September 30, 2009

假設我是七折港女

一upload成千古恨, 被起全底事少, 但事情發展至今, 都應該超越"無朋友", 直奔"無家人"之境...

將功補過下, 我會請纓為格價專員, 去各大超市與連鎖店同short manager 理論下點解隔兩條街d 野已經唔同價錢, 又或者點解星期五就會自動加價...

全程當然以手機拍片, 再加Twitter 做real time findings update. 網誌則詳細踢爆市面上所種巧立名目的優惠, 又或為網友投訴查證虛實, 亦會提供消費者權益之實用貼士. 另與各大屋村C9作定期交流, 收料以外, 亦同時廣招會員, 以成立民間消費者委員會, 與各大奸商作長久戰, 聲討之餘, 更以封殺為終極目標.

與此同時, 我會拿拿聲去Space讀過LLB, 考獲專業資格後, 以維護消費者權益為己任, 依法律途徑為市民追討賠償. 又或者, 我會研發一個Iphone apps, 當User想買某件貨物, GPS 會locate方圓三公里內邊到有得買以及Real time pricing, 再講埋邊張信用卡有優惠/分期, 又或者間舖頭有咩Promotion Scheme, 方便大眾格價. 完美d既, 仲可以show 埋同一件貨係Online store賣緊幾錢, 整多個Buy It Now function同地舖爭生意.

當個o麥頭同Do Do 姐叮噹碼頭時, 我會考慮參選區議員.

又, 我會認真考慮邀請李兆波先生作Strategic Partner, 大家拍住慳!

4 comments:

荒木茂 said...

→short manager

hahahahah,我第一次聽仲以為自己聽錯!個港女仲係讀繙譯系架!OMG!

女友有個ex,試過同女友去超市購物時突然喝止女友買其中一樣野,原來隔籬超市平兩毫!...
係兩毫子呀!
最後佢兩個當然冇fd做啦!
節儉是美德,不過如果搞成咁,就真係....

Anonymous said...

咿吔, 阿大叔我仲津津樂道咁回味僅呀港女嘅 short manager 事件兼佢把無敵港女聲, 嘩, 正到呢...

大叔越來越覺得香港有前途呀真係, 讀翻譯嘅可以翻成「短或矮嘅經理」, 香港教育整件咁嘅野出嚟真係囉 !

神秘大叔

ps : 碌柒啦, 第時咁啱啲文件係類似哩壇野翻譯出嚟嘅, 咪捉蟲 ?? 唉...大叔教落, 貴啲都係請外地返來嘅好 !!

浪子m: said...

李兆波慳錢都好正啊!!

ABO said...

以為有什麼慳錢秘技, 原來堂堂一位會計系高級講師, 他的慳錢技巧也不見得比屋村c9高明.
大學飯堂早餐固然抵食, 但出面茶餐廳早餐一般廿蚊樓下, 至於兩點後才吃午飯...大佬人家放lunch有固定時間, 邊個想同人迫? 辛苦搵來志在食, 高級講師月入唔少, 何必食得太寒酸?
原來慳錢秘技之一是袋住一批優惠劵, 這豈不是中了商家佬的消費陷阱? 同理, 信用卡即使有優惠, 實際上正是鼓吹消費及先洗未來錢, 根本不是真正的慳.
再看看他的管賬系統, excel嘛, 雖然功能尚可, 但至少用myob是不是比較pro一點呢?
對於他到圓方泊車再轉乘港鐵慳錢, 本來沒什麼異議. 只是有兩點要提出:
1.必須限制自己的泊車時間, 假如會議超時分分鐘失預算.
2.商場有泊車優惠, 正正就是吸引顧客在商場逗留的手段. 很多人會像這位講師一樣, 進行一些預計之外的消費, 結果買了一些高價的廢物回家 (東西買了回家不用就是廢物)
其實慳錢秘技最好跟那些在街頭拾荒的長者學習, 而非這種有閒錢亂花的中產人士. 其中有一招是這樣的: 出門上班只帶$50現金, 八達通金額維持在$100左右, 當然不可帶備信用卡. 如果能做到這一點, 肯定慳錢功夫會比李兆波強!

 
Clicky Web Analytics